ລາວຫາລືຜັນຂະຫຍາຍກອບການຮ່ວມມືສາກົນ

ລາວຫາລືຜັນຂະຫຍາຍກອບການຮ່ວມມືສາກົນ - laos Inter corporation - ລາວຫາລືຜັນຂະຫຍາຍກອບການຮ່ວມມືສາກົນ
ລາວຫາລືຜັນຂະຫຍາຍກອບການຮ່ວມມືສາກົນ - Untitled design - ລາວຫາລືຜັນຂະຫຍາຍກອບການຮ່ວມມືສາກົນ

ໃນວັນທີ 22 ຕຸລານີ້, ກະຊວງການຕ່າງປະເທດໄດ້ຈັດກອງປະຊຸມປຶກສາຫາລື ການຜັນຂະຫຍາຍຜົນຂອງກອງປະຊຸມສຸດຍອດເຂດສາມຫລ່ຽມພັດທະນາກຳປູເຈຍ-ລາວ-ຫວຽດນາມ CLV ຄັ້ງທີ 10, ກອງປະຊຸມສຸດຍອດກຳປູເຈຍ-ລາວ-ມຽນມາ-ຫວຽດນາມ CLMV ຄັ້ງທີ 9, ກອງປະຊຸມສຸດຍອດຍຸດທະສາດການຮ່ວມມື ດ້ານເສດຖະກິດແມ່ນໍ້າອີຣະວະດີ-ແມ່ນໍ້າເຈົ້າພະຍາ-ແມ່ນໍ້າຂອງ ACMECS ຄັ້ງທີ 8 ແລະ ກອງປະຊຸມສຸດຍອດແມ່ນໍ້າຂອງ-ຍີ່ປຸ່ນຄັ້ງທີ 10, ໂດຍການເປັນປະທານຂອງທ່ານນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ.

ກອງປະຊຸມໄດ້ຮັບຟັງການສະເໜີຂໍ້ມູນພື້ນຖານ ແລະ ສະຫລຸບການຮ່ວມມືສາກົນດັ່ງກ່າວໃນຜ່ານມາ, ພ້ອມທັງປຶກສາຫາລືກ່ຽວກັບການຜັນຂະຫຍາຍເນື້ອໃນເອກະສານຕ່າງໆທີ່ຖືກຮັບຮອງເອົາໃນກອງປະຊຸມສຸດຍອດເລົ່ານັ້ນ ຄື: ຖະແຫລງການຮ່ວມຂອງກອງປະຊຸມສຸດຍອດເຂດສາມຫລ່ຽມພັດທະນາ CLV ຄັ້ງທີ 10. ແຜນປະຕິບັດງານວ່າດ້ວຍການເຊື່ອມຈອດເສດຖະກິດ CLV ຮອດປີ 2030. ຖະແຫລງການຮ່ວມຂອງກອງປະຊຸມສຸດຍອດ CLMV ຄັ້ງທີ 9. ຖະແຫລງການບາງກອກຂອງກອງປະຊຸມສຸດຍອດ ACMECS ຄັ້ງທີ 8. ແຜນແມ່ບົດ ACMECS ແຕ່ປີ 2019-2023 ແລະ ຍຸດທະສາດໂຕກຽວ 2018 ເພື່ອສົ່ງເສີມການຮ່ວມມືລະຫວ່າງປະເທດແມ່ນໍ້າຂອງ ແລະ ຍີ່ປຸ່ນແຕ່ປີ 2019-2021 ໃຫ້ມີປະສິດທິຜົນສູງຂຶ້ນ.

ລາວຫາລືຜັນຂະຫຍາຍກອບການຮ່ວມມືສາກົນ - Wave100S AD to Website 2020 0 - ລາວຫາລືຜັນຂະຫຍາຍກອບການຮ່ວມມືສາກົນ
ລາວຫາລືຜັນຂະຫຍາຍກອບການຮ່ວມມືສາກົນ - WhatsApp Image 2020 05 27 at 5 - ລາວຫາລືຜັນຂະຫຍາຍກອບການຮ່ວມມືສາກົນ
ລາວຫາລືຜັນຂະຫຍາຍກອບການຮ່ວມມືສາກົນ - WhatsApp Image 2020 05 27 at 5 - ລາວຫາລືຜັນຂະຫຍາຍກອບການຮ່ວມມືສາກົນ
error: Alert: ເນື້ອຫາຂ່າວມີລິຂະສິດ !!