ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ

ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ - National ambassy - ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ
ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ - Untitled design - ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ

ກົມຈັດຕັ້ງພະນັກງານ ແລະ ກົມກວດກາ ຄະນະເລຂາທິການສະພາແຫ່ງຊາດ (ສພຊ) ໄດ້ຈັດຊຸດຝຶກອົບຮົມວຽກງານຄຸ້ມຄອງ, ພັດທະນາບຸກຄະລາກອນ ແລະ ວຽກງານກວດກາໃຫ້ພະນັກງານ-ລັດຖະກອນຂອງ ສພຊ ແລະ ສະພາປະຊາຊົນຂັ້ນແຂວງ (ສພຂ) ຂຶ້ນໃນລະຫວ່າງວັນທີ 20-23 ຕຸລານີ້ຢູ່ ແຂວງວຽງຈັນ, ໂດຍການເປັນປະທານຂອງທ່ານນາງ ສວນສະຫວັນ ວິຍະເກດ ເລຂາທິການ ສພຊ ເພື່ອແນໃສ່ຍົກສູງບົດບາດ, ໜ້າທີ່ຮັບຜິດຊອບ ແລະ ຫົວຄິດປະດິດສ້າງຂອງພະນັກງານ-ລັດຖະກອນ ສພຂ ໃນການຈັດຕັ້ງປະຕິບັດວຽກງານຄຸ້ມຄອງພະນັກງານ-ລັດຖະກອນໃຫ້ມີປະສິດທິພາບ, ໂດຍສະເພາະການຍົກສູງຄວາມຮູ້ ແລະ ຄວາມເຂົ້າໃຈເລິກເຊິ່ງຕື່ມອີກຕໍ່ບັນດານິຕິກຳຕ່າງໆເຊັ່ນ: ການຈັດຕັ້ງປະຕິບັດກົດໝາຍວ່າດ້ວຍພະນັກງານ-ລັດຖະກອນ, ກົດໝາຍວ່າດ້ວຍປະກັນສັງຄົມ, ການເຮັດສັນຍາກັບລັດຖະກອນໃໝ່, ການກຳນົດຕຳແໜ່ງບໍລິຫານປະເພດຕ່າງໆຂອງ ສພຊ ແລະ ສພຂ ແລະ ອື່ນໆ. ເພື່ອສາມາດນໍາໄປຈັດຕັ້ງປະຕິບັດຕົວຈິງມີຄວາມຖືກຕ້ອງເປັນເອກະພາບ ກ່ອນນຳສະເໜີຂັ້ນເທິງພິຈາລະນາຕາມຂັ້ນຕອນ ມີຄວາມສະດວກ, ສອດຄ່ອງຕາມລະບຽບການທີ່ໄດ້ກຳນົດໄວ້ ແລະ ເຮັດໃຫ້ລັດຖະກອນກົມຈັດຕັ້ງ-ພະນັກງານ, ກົມກວດກາ ແລະ ສພຂ ສາມາດຮັບຮູ້ ແລະ ເຂົ້າໃຈຕື່ມອີກກ່ຽວກັບການຕິດ ຕາມກວດກາໂຄງການລົງທຶນຂອງລັດເລີ່ມແຕ່ຫົວທີ ເພື່ອປ້ອງກັນການລະເມີດກົດໝາຍ, ລະບຽບການ ແລະ ພຶດຕິກຳ ອື່ນໆທີ່ເປັນການສໍ້ລາດບັງຫລວງ, ແນໃສ່ເຮັດໃຫ້ໂຄງການລົງທຶນຂອງລັດໄດ້ຮັບການຈັດຕັ້ງປະຕິບັດດ້ວຍຄວາມໂປ່ງໃສ, ປະຢັດ ແລະ ມີປະສິດທິຜົນສູງ.

ໃນໂອກາດດັ່ງກ່າວ, ທ່ານນາງ ສວນສະຫວັນ ວິຍະເກດ ແນະນໍາວ່າ: ພະນັກງານມີບົດບາດສຳຄັນ, ເປັນຜູ້ຕັດສິນຜົນໄດ້ຜົນເສຍໃນການປະຕິບັດແນວທາງນະໂຍບາຍຂອງພັກ-ລັດ, ສະນັ້ນ ຈຶ່ງມີຄວາມຈຳເປັນຕ້ອງມີຖັນແຖວພະນັກງານທີ່ມີຄວາມຮູ້, ຄວາມສາມາດ, ມີຄຸນສົມບັດສິນທຳປະຕິວັດ, ມີຫລັກໝັ້ນ ການເມືອງໜັກແໜ້ນ, ມີລະບຽບວິໄນ, ເຄົາລົບ ແລະ ປະຕິບັດຕາມລະບຽບກົດໝາຍຢ່າງເຂັ້ມງວດ. ດັ່ງນັ້ນ, ການອົບຮົມໃນຄັ້ງນີ້ ຈະເປັນອີກບາດກ້າວໜຶ່ງທີ່ຈະຊ່ວຍຍົກສູງບົດບາດ, ໜ້າທີ່ຮັບຜິດຊອບ ແລະ ຫົວຄິດປະດິດສ້າງ ໃຫ້ແກ່ພະນັກງານ-ລັດຖະກອນ ຂອງຄະນະເລຂາທິການ ສພຊ ແລະ ສພຂ ເຂົ້າໃຈ ແລະ ເປັນເອກະພາບກັນໃນການຈັດ ຕັ້ງປະຕິບັດກົດໝາຍວ່າດ້ວຍລັດຖະກອນ ແລະ ກົດໝາຍທີ່ກ່ຽວຂ້ອງຈຳນວນໜຶ່ງ.

ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ - Wave100S AD to Website 2020 0 - ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ
ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ - WhatsApp Image 2020 05 27 at 5 - ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ
ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ - WhatsApp Image 2020 05 27 at 5 - ສະພາແຫ່ງຊາດຍົກລະດັບວຽກງານຄຸ້ມຄອງພັດທະນາບຸກຄະລາກອນ
error: Alert: ເນື້ອຫາຂ່າວມີລິຂະສິດ !!