ລາວຈະຫລຸດຜ່ອນການນໍາໃຊ້ພະລັງານຟອສຊິວ

ລາວຈະຫລຸດຜ່ອນການນໍາໃຊ້ພະລັງານຟອສຊິວ - Reduce power - ລາວຈະຫລຸດຜ່ອນການນໍາໃຊ້ພະລັງານຟອສຊິວ
ລາວຈະຫລຸດຜ່ອນການນໍາໃຊ້ພະລັງານຟອສຊິວ - Untitled design - ລາວຈະຫລຸດຜ່ອນການນໍາໃຊ້ພະລັງານຟອສຊິວ

ສປປ ລາວ, ມີແຜນຈະຫລຸດຜ່ອນການນໍາໃຊ້ພະລັງງານຟອສຊິວ (ນໍ້າມັນຈາກພື້ນໂລກ) ແລະ ຈະຫັນໄປນໍາໃຊ້ພະລັງງານຈາກແຫລ່ງອື່ນທີ່ເປັນມິດຕໍ່ສິ່ງແວດລ້ອມທົດແທນ.

ທ່ານຮອງລັດຖະມົນຕີກະຊວງພະລັງງານ ແລະ ບໍ່ແຮ່ ສີນາວາ ສຸພານຸວົງ ໄດ້ໃຫ້ຮູ້ໃນໂອກາດເຂົ້າຮ່ວມພິທີລົງນາມໂຄງການສຶກສາຄວາມເປັນໄປໄດ້ການພັດທະນາພະລັງງານແກ້ສສີຂຽວ (ແກັສມີເທນ ແລະ ໄຮໂດຣເຈນ) ໃນລາວ ເມື່ອບໍ່ດົນມານີ້ວ່າ: ສປປ ລາວ ນຳເຂົ້າພະລັງງານຟອສຊິວ 100% ເພື່ອນຳໃຊ້ໃນລະບົບການຂົນສົ່ງ ແລະ ອຸດສາຫະກຳ, ສໍາລັບພະລັງງານໄຟຟ້າສ່ວນໃຫຍ່ແມ່ນຜະລິດຈາກເຂື່ອນໄຟຟ້ານໍ້າຕົກ, ແຕ່ພະລັງງານຈາກແຫລ່ງອື່ນໆແມ່ນຍັງບໍ່ທັນສຶກສາຄົ້ນຄວ້ານຳມາໃຊ້ເທົ່າທີ່ຄວນ. ຕາມຍຸດທະສາດການພັດທະນາພະລັງງານທົດແທນຮອດປີ 2025 ແມ່ນຕ້ອງໃຫ້ໄດ້ຊົມໃຊ້ພະລັງງານທົດແທນ 30% ຂອງພະລັງງານທັງໝົດ ແລະ ອີກ 10% ແມ່ນນໍ້າມັນເຊື້ອໄຟຊີວະພາບ ແລະ ໃນແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ໄດ້ກຳນົດຄື: ຫັນການພັດທະນາເສດຖະກິດໃຫ້ເປັນອຸດສາຫະກຳ ທັນສະໄໝ ຕາມທິດສີຂຽວຍືນຍົງ. ໄປຄຽງຄູ່ກັບການພັດທະນາໄຟຟ້ານໍ້າຕົກແລ້ວ, ກະຊວງພະລັງງານ ແລະ ບໍ່ແຮ່ ກໍໄດ້ວາງແຜນພັດທະນາພະລັງງານທົດແທນ ແລະ ພະລັງງານທາງເລືອກທີ່ສະອາດ, ເປັນມິດກັບສິ່ງແວດລ້ອມ ແລະ ສົ່ງເສີມການນຳໃຊ້ພະລັງງານຢ່າງມີປະສິດທິພາບ, ສົ່ງເສີມພາຫະນະທີ່ແລ່ນດ້ວຍພະລັງງານສະອາດ ຫລື ປອດມົນລະພິດ ເຊັ່ນ: ລົດທີ່ໃຊ້ພະລັງງານໄຟຟ້າ, ແກັສ ແລະ ພະລັງງານອື່ນໆ ທີ່ຜະລິດໄດ້ພາຍໃນປະເທດ ເພື່ອຫລຸດຜ່ອນການນຳເຂົ້າຈາກຕ່າງປະເທດ.

ທ່ານຮອງລັດຖະມົນຕີ ກ່າວວ່າ: ໂຄງການພັດທະນາພະລັງງານແກ້ສສີຂຽວ ນີ້, ແມ່ນການຮ່ວມມືລະຫວ່າງກະຊວງພະລັງງານ ແລະ ບໍ່ແຮ່ ກັບ ບໍລິສັດ ຮິຕາຊິ ໂຊເຊັນ ມະຫາຊົນ ຈາກປະເທດຍີ່ປຸ່ນ ເພື່ອຄົ້ນຄວ້າພະລັງງານຮູບແບບໃໝ່ທີ່ສະອາດ ແລະ ເປັນມິດຕໍ່ສິ່ງແວດລ້ອມ ຕາມແນວທາງນະໂຍບາຍຂອງພັກ-ລັດຖະບານ ວາງໄວ້.

ລາວຈະຫລຸດຜ່ອນການນໍາໃຊ້ພະລັງານຟອສຊິວ - Wave100S AD to Website 2020 0 - ລາວຈະຫລຸດຜ່ອນການນໍາໃຊ້ພະລັງານຟອສຊິວ
ລາວຈະຫລຸດຜ່ອນການນໍາໃຊ້ພະລັງານຟອສຊິວ - WhatsApp Image 2020 05 27 at 5 - ລາວຈະຫລຸດຜ່ອນການນໍາໃຊ້ພະລັງານຟອສຊິວ
ລາວຈະຫລຸດຜ່ອນການນໍາໃຊ້ພະລັງານຟອສຊິວ - WhatsApp Image 2020 05 27 at 5 - ລາວຈະຫລຸດຜ່ອນການນໍາໃຊ້ພະລັງານຟອສຊິວ
error: Alert: ເນື້ອຫາຂ່າວມີລິຂະສິດ !!