U14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່

u14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່ - 44657160 1181146525359469 437937302409314304 n - U14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່
u14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່ - Untitled design - U14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່

ອາ​ຄາ​ເດ​ມີ ​ລ໋ອບສະ​ເຕດ້ຽມ ກຽມ​ສົ່ງ​ນັກ​ກິລາ​ລຸ້ນອາຍຸ​ບໍ່​ເກີນ 14 ປີ ຫລື U14 ​ເຂົ້າ​ຮ່ວມ​ການ​ແຂ່ງຂັນຊີງ​ຂັນ​ສະໜາມກິລາ​ແຂວງ​ຊຽງ​ໃໝ່​ ປະ​ເທດ​ໄທ ​​ໃນ​ຕົ້ນ​ເດືອນ​ພະ​ຈິກ​ນີ້ ​ເພື່ອ​ເປັນ​ການ​ເປີດ​​ເວທີ​ໃຫ້​ນັກ​ກິລາ​ໄດ້​ມີ​​ໂອກາດ​ສະ​ແດງ​ຄວາມ​ສາມາດ​ໃນ​ເວທີ​ພາກ​ພື້ນ ​ແລະ ສາກົນ.

ທ່ານ ອາລ໋ອບ ມະນີ​ບົດ ປະ​ທານອາຄາ​ເດ​ມີ ​ລ໋ອບສະ​ເຕດ້ຽມ​ ໃຫ້​ສໍາພາດ​ວ່າ: ພາຍ​ຫລັງ​ເຂົ້າ​ຮ່ວມ​ການ​ແຂ່ງຂັນ​ຊີງ​​ແຊ້ມຢູ່ ສປ ຈີນ ​ໃນ​ຕົ້ນ​ເດືອນສິງຫາ​ຜ່ານ​ມາ ພວກ​​ເຮົາ​ກໍ​ໄດ້​ຝຶກ​ຊ້ອມ​ຢ່າງ​ຕໍ່​ເນື່ອງ ​ເພື່ອ​ໃຫ້​ນັກ​ກິລາ​ຂອງ​ພວກ​ເຮົາ​ມີ​ຄວາມ​ພ້ອມ​ຢູ່ສະ​ເໝີ ກຽມ​ເຂົ້າ​ຮ່ວມ​ການ​ແຂ່ງຂັນ​ລາຍການ​ຕ່າງ​ໆ ​ເປັນ​ຕົ້ນການ​ແຂ່ງຂັນ​ຊີງ​ຂັນ​ສະໜາມກິລາ​ແຂວງ​ຊຽງ​ໃໝ່​ທີ່​ຈະ​ຈັດ​ຂຶ້ນ​ລະຫວ່າງ​ວັນ​ທີ 2-4 ພະ​ຈິກ​ນີ້, ທັງ​ນີ້​ເພື່ອ​ເຮັດ​ໃຫ້​ນັກ​ກິລາ​ຂອງ​ຕົນ​​ເອງ​​ໄດ້​ມີ​ໂອກາດສະ​ແດງ​ຄວາມ​ສາມາດ​ໃນ​ເວທີທີ່​ໃຫຍ່ ສ້າງ​ຄວາມ​ເຊື່ອ​ໝັ້ນ​ໃຫ້​ແກ່​ນັກ​ກິລາ ພ້ອມ​ທັງ​ເປັນ​ການ​ເຄື່ອນ​ໄຫວ​ຂອງ​ອາຄາ​ເດ​ມີ​ພວກ​ເຮົາ. ສໍາລັບ​ການ​​ເຂົ້າ​ຮ່ວມ​​ແຂ່ງຂັນຖື​ວ່າ​ເປັນ​ປະສົບ​ການ​ທໍາ​ອິດ ​ແຕ່​ພວກ​ເຮົາ​ກໍ​ຈະ​ເຮັດ​ສຸດ​ຄວາມ​ສາມາດ ຍາດ​​ໃຫ້​ໄດ້​ແຊ້ມ​ໃນ​ລາຍການ​ນີ້​ໃຫ້​ໄດ້. ​​ແນວ​ໃດ​ກໍ​ຕາມ ​ເຖິງ​ວ່າ​ນັກ​ກິລາ​ຂອງ​ພວກ​ເຮົາ​ບາງ​ຄົນ​ຍັງ​ບໍ່​ເຄີຍ​ຜ່ານ​ການ​ແຂ່ງຂັນ​ລາຍການ​ໃຫຍ່​ກໍ​ຕາມ ​ແຕ່​ກໍ​ຈະ​ສ້າງ​ຜົນງານ​ໃຫ້​ໂດດ​ເດັ່ນ​ອີກ​ຄັ້ງ.

ອາຄາ​ເດ​ມີ ​ລ໋ອບສະ​ເຕດ້ຽມ​ ເປີດ​ສອນທຸກໆ​ວັນ​ເສົາ-​ທິດ ​ເວລາ 8:00-11:00 ​ໂມງ​ເຊົ້າ ທີ່​ເດີ່ນ​ລ໋ອບສະ​ເຕ້ດ້ຽມບ້ານ​ຊ້າງ​ຄູ້ ​ເມື​ອງ​ໄຊ​ທານີ ນະ​ຄອນ​ຫລວງ​ວຽງ​ຈັນ.

u14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່ - Wave100S AD to Website 2020 0 - U14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່
u14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່ - WhatsApp Image 2020 05 27 at 5 - U14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່
u14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່ - WhatsApp Image 2020 05 27 at 5 - U14 ລ໋ອບສະເຕດ້ຽມ ກຽມເຂົ້າແຂ່ງຂັນທີ່ຊຽງໃໝ່
error: Alert: ເນື້ອຫາຂ່າວມີລິຂະສິດ !!