ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ

ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ - advert banner 728 90 728x90 - ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ

ໂດຍ: ຊາຍພະເນຈອນ   

ແຂວງຊຽງຂວາງແມ່ນ ອີກແຂວງໜຶ່ງທີ່ອຸດົມສົມບູນ ໄປດ້ວຍພູຜາປ່າໄມ້ຊີວະນາໆ ພັນ ແລະ ສັດສາວາສິ່ງຕ່າງໆ ນາໆ, ມີສາຍນໍ້າລໍາທານ ແລະ ຫ້ວຍໜອງຄອງບຶງອັນເຕັມ ໄປດ້ວຍປູປາກຸ້ງຫອຍຈາກແຫຼ່ງ ທໍາມະຊາດ, ເປັນແຂວງທີ່ອຸດົມ ສົມບູນໄປດ້ວຍວັດວາອາຮາມ ປູສະນິຍະສະຖານອັນສັກສິດ ມີສະຖານທີ່ທ່ອງທ່ຽວທີ່ໂດດ ເດັ່ນ ແລະ ສໍາຄັນຫຼາຍແຫ່ງ, ເຊິ່ງໃນນັ້ນ, ໄດ້ແກ່ແຫຼ່ງທ່ອງທ່ຽວທົ່ງໄຫຫີນ ອັນເປັນປະຫວັດສາດ ແລະ ຕໍານານທີ່ລຶກລັບ ແລະ ປິດສະໜາໄດ້ເລົ່າຂານ ກັນ ມາຍາວນານຈົນເທົ່າທຸກວັນນີ້ ຈຶ່ງກາຍເປັນມໍລະດົກອັນລໍ້າຄ່າ ຂອງປະຊາຊົນແຂວງຊຽງ ຂວາງ ແລະ ປະຊາຊົນລາວທົ່ວ ປະເທດ.

 

ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ - 95224111 - ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ

ຫາລືການສຳຫລວດຄວາມເປັນໄປໄດ້ຂອງໂຄງການພັດທະນາແຫລ່ງທ່ອງທ່ຽວເບື້ອງຕາເວັນຕົກຂອງສາຍນ້ຳຊອງ

ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ - Tiger Head 728x90 - ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ
ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ - 1 1 - ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ

ທ່ຽວຊົມທຳມະຊາດເມືອງຄຳແຂວງຊຽງຂວາງ2018/

ອີງຕາມການສໍາຫຼວດ ກວດກາຫຼາຍປີຜ່ານມາຂອງ ນັກຊ່ຽວຊານຈາກອົງການອຸຍ ແນດສະໂກ ແລະ ນັກຄົ້ນຄວ້າ ວັດຖຸບູຮານຄະດີເກົ່າແກ່ລະດັບຊາດຂອງລາວ ແລະ ຫ້ອງ ການທ່ອງທ່ຽວແຫ່ງຊາດໄດ້ ຄົ້ນພົບ ໄຫຫີນປິດສະໜາທີ່ມີ ທົ່ວແຂວງຊຽງຂວາງທັງໝົດ ຫຼາຍກວ່າ 80 ແຫ່ງ, ເຊິ່ງທ່ານ ບຸນຕົ້ນ ຈັນທະພອນ ເຈົ້າແຂວງ ຊຽງຂວາງ ກໍໄດ້ລາຍງານ ຕໍ່ກອງປະຊຸມເຖິງຄວາມຄືບ ໜ້າໃນການກະກຽມແຫຼ່ງມໍ ລະດົກໄຫຫີນແຫ່ງນີ້ເປັນມໍ ລະດົກໂລກ ແລະ ກຽມຂຶ້ນທະ ບຽນແລ້ວຈໍານວນ 11 ແຫ່ງໃນ 4ຕົວເມືອງເຊັ່ນ: ເມືອງແປກ, ເມືອງຜາໄຊ, ເມືອງພູກູດ ແລະ ເມືອງຄໍາ, ເຊິ່ງເປັນແຫຼ່ງ ທ່ອງທ່ຽວອັນໂດດເດັ່ນສໍາລັບ ແຫຼ່ງໄຫຫີນທັງໝົດ.
ທ່ານເຈົ້າ ແຂວງໃຫ້ຮູ້ ຕື່ມວ່າ: ໃນປີ 2018ນີ້ ແມ່ນໄດ້ ສຸມໃສ່ການກະກຽມພື້ນທີ່ ແຫຼ່ງມໍລະດົກໂລກໄຫຫີນ 11ແຫ່ງດັ່ງກ່າວດ້ວຍຄວາມເຄັ່ງ ຮ້ອນ, ໂດຍຄະນະວິຊາການ ຂອງກົມມໍລະດົກໂລກຮ່ວມກັບພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ ແລະ ເມືອງໄດ້ມີການຈັດຊຸດ ຝຶກອົບຮົມຂຶ້ນເພື່ອສ້າງຄວາມເຂັ້ມແຂງທາງດ້ານວິຊາການ ແລະ ຄວາມຮູ້ພື້ນຖານກ່ຽວ ກັບແຫຼ່ງມໍລະດົກໄຫຫີນ, ມີໜ່ວຍງານມໍລະດົກຂັ້ນບ້ານ ແລະ ຕົວແທນຈາກພາກສ່ວນ ກ່ຽວຂ້ອງຂັ້ນແຂວງ ແລະ ທ້ອງ ຖິ່ນ 350 ຄົນໃນ 4ເມືອງ ແລະ 9 ບ້ານ ທີ່ມີແຫຼ່ງມໍລະດົກໄຫ ຫີນ ແລະ ໄດ້ສໍາເລັດການສໍາ ຫຼວດພື້ນທີ່ໃນການເກັບກູ້ລະ ເບີດບໍ່ທັນແຕກທີ່ຕົກຄ້າງຢູ່ ຕາມແຫຼ່ງມໍລະດົກ 11 ແຫ່ງ ດັ່ງກ່າວ ແລະ ມາຮອດປັດຈຸ ບັນ ໄດ້ຂຸ້ນຂ້ຽວປັບປຸງອາຄານ ຫ້ອງການ ມໍລະດົກໄຫຫີນ, ປະ ກອບບຸກຄະລາກອນ ແລະ ວັດຖຸອຸປະກອນຮັບໃຊ້ຫ້ອງການ ສໍາເລັດໂດຍພື້ນຖານ.

ຖ້າຫາກມໍລະດົກໄຫຫີນ ແຂວງຊຽງຂວາງ ໄດ້ຖືກຮັບ ຮອງ ເປັນມໍລະດົກໂລກຂອງ ອົງການຢູແນສໂກ ກໍຈະເຮັດໃຫ້ ຊາວໂລກໄດ້ຮັບຮູ້ແຂວງຊຽງ ຂວາງຫຼາຍຂຶ້ນ, ນັກທ່ອງທ່ຽວ ກໍຈະເຂົ້າມາທ່ຽວຊົມນັບມື້ ຫຼາຍຂຶ້ນ ແລະ ກາຍເປັນທ່າ ແຮງພື້ນຖານທາງດ້ານເສດ ຖະກິດຂອງແຂວງ, ສ້າງເງື່ອນ ໄຂໃຫ້ປະຊາຊົນໄດ້ມີວຽກເຮັດ ງານທໍາ ແລະ ມີລາຍຮັບໃຫ້ ແກ່ຄອບຄົວທີ່ໝັ້ນຄົງເພື່ອພັດ ທະນາຄອບຄົວໃຫ້ຫຼຸດພົ້ນຈາກ ຄວາມທຸກຍາກເທື່ອລະກ້າວ./.

ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ - 4257 - ກຽມພ້ອມຂຶ້ນທະບຽນໄຫຫີນເປັນມໍລະດົກໂລກ

error: Content is protected !!