ອອກພັນສາແລ້ວໄດ້ກິນເຂົ້າໃໝ່ປາມັນ

ອອກພັນສາແລ້ວໄດ້ກິນເຂົ້າໃໝ່ປາມັນ - 3625554 - ອອກພັນສາແລ້ວໄດ້ກິນເຂົ້າໃໝ່ປາມັນ
ອອກພັນສາແລ້ວໄດ້ກິນເຂົ້າໃໝ່ປາມັນ - Untitled design - ອອກພັນສາແລ້ວໄດ້ກິນເຂົ້າໃໝ່ປາມັນ

ໂດຍ: ທິດກ່ຳ     

ບຸນອອກພັນສາປີນີ້ຕົງ ເປະກັບວັນພຸດ ວັນທີ 24 ຕຸລາ 2018 ເຊິ່ງກົງກັບມື້ 15 ຄ່ຳ ເດືອນ 11 ເພັງ ພສ 2561 (ລາວ). ຕາມປະເພນີແລ້ວ, ໃນ ມື້ອອກພັນສາໄດ້ມີກິດຈະກຳ ທາງພຸດທະສາດສະໜາຫລາຍ ຢ່າງເຊັ່ນວ່າ: ຕອນເຊົ້າມີພິທີ ໄຫວ້ພະຮັບສິນ, ຕັກບາດຢາດ ນ້ຳຟັງທຳມະເທສະໜາ, ຖວາຍ ສັງກະທານ ແລະ ກິດຈະກຳ ອື່ນໆ ຕາມຮີດຄອງປະເພນີ ຂອງແຕ່ລະທ້ອງຖິ່ນ.
ສະເພາະກົດຂອງສົງເມື່ອ ອອກພັນສາໄປແລ້ວເພິ່ນກໍຈະ ໄດ້ມີເງື່ອນໄຂອອກໄປທຳບຸນ ສິນກິນທານ ຫລື ທຳກິດຈະວັດ ຕ່າງໆ ຕາມແນວທາງຂອງພຸດ ທະສາດສະໜາ.

 

ອອກພັນສາແລ້ວໄດ້ກິນເຂົ້າໃໝ່ປາມັນ - 3621111 - ອອກພັນສາແລ້ວໄດ້ກິນເຂົ້າໃໝ່ປາມັນ

ບຸນອອກພັນສາ ປະວໍລະນາ ແລະ ຊ່ວງເຮືອປະເພນີ ຈົ່ງຊ່ວຍກັນປະຢັດ ແລະ ຕ້ານການຟູມເຟືອຍ2018/

ຊາວ​ພຸດ​ລາວ​ຮ່ວມ​ໃສ່​ບາດ​ບຸນ​ອອກ​ພັນ​ສາ​ປະ​ວໍລະນາ ພສ 2561 ດ້ວຍບັນຍາກາດຄືກຄື້ນ2018/

ໄປຄວບຄູ່ກັບບຸນອອກພັນ ສາ, ສິ່ງທີ່ຂາດບໍ່ໄດ້ໃນບາງ ທ້ອງຖິ່ນທີ່ຢູ່ລຽບຕາມແຄມ ຂອງ, ແຄມເຊ ຫລື ແຄມບຶງ, ແຄມຫ້ວຍໃຫຍ່ໆ ກໍມີກິດຈະ ກຳຊ່ວງເຮືອຢ່າງມ່ວນຊື່ນ ຄຶກຄື້ນ.

ໃນປີ 2018 ນີ້, ບຸນອອກ ພັນສາຖືເປັນກິດຈະກຳໃຫຍ່ ອັນໜຶ່ງເພະເປັນປີທ່ອງທ່ຽວ ລາວ ນັບແຕ່ຂັ້ນບ້ານ, ຂັ້ນເມືອງ ແລະ ຂັ້ນແຂວງໃນທົ່ວປະເທດ, ສ່ວນຢູ່ນະຄອນຫລວງວຽງຈັນ, ນອກຈາກມີກິດຈະກຳທາງ ສາດສະໜາຢູ່ແຕ່ລະວັດແລ້ວ, ກໍມີງານແຂ່ງຂັນຊ່ວງເຮືອໃນ ວັນທີ 24 ແລະ 25 ຄື: ວັນທີ 24 ຊ່ວງເຮືອປະເພດ 12 ສີພາຍ, ວັນທີ 25 ແມ່ນຊ່ວງປະເພດ 45 ສີພາຍຂຶ້ນໄປທັງເຮືອສູດ ແລະ ເຮືອປະເພນີ.

ນອກນັ້ນ, ຍັງມີການຄົບ ງັນສະແດງສິລະປະວັນນະຄະ ດີ, ກິລາມວຍ, ການວາງສະ ແດງບໍລິການຂາຍສິນຄ້າເລີ່ມ ແຕ່ ວັນທີ 22 ຫາ ວັນທີ 25 ຕຸລາ ອີກຈຳນວນໜຶ່ງໃນຕອນ ຄ່ຳ ຂອງວັນທີ 24 ນັບແຕ່ ເວລາ 18:00 ໂມງ ຫາ 19:00 ໂມງຊາວວຽງຈັນຈຳນວນ ບໍ່ໜ້ອຍຕ່າງກໍພາກັນຫລັ່ງ ໄຫລໄປ ເບິ່ງບັ້ງໄຟພະຍານາກ ທີ່ມີປະກົດການຢູ່ບາງບ່ອນ ແລະ ບາງທ້ອງຖິ່ນທີ່ເຄີຍມີ ມາເຊັ່ນ: ຢູ່ບຶງບ້ານນາຄວາຍ ເມືອງ ໄຊເສດຖາ, ຢູ່ບ້ານໄຮ່ ຂົວນ້ຳງື່ມ, ຢູ່ບ້ານຫ້ວຍສຽດ ປາກນ້ຳງື່ມ ແລະ ຢູ່ບ້ານໂນນ ຊາຍ ເມືອງ ປາກງື່ມ, ນະຄອນ ຫລວງວຽງຈັນ.

ອອກພັນສາແລ້ວໄດ້ກິນເຂົ້າໃໝ່ປາມັນ - Wave100S AD to Website 2020 0 - ອອກພັນສາແລ້ວໄດ້ກິນເຂົ້າໃໝ່ປາມັນ

ຈຸດທີ່ກ່າວມານີ້, ທິດກ່ຳ ເຄີຍໄປເບິ່ງ ແລະ ເຫັນມາ ແລ້ວ, ເຫັນອີ່ຫລີສຳລັບປີ ຜ່ານໆ ມາແຕ່ວ່າປີນີ້ ຈະມີຄື ເກົ່າຫລືບໍ່? ທິດກ່ຳ ກໍບໍ່ຂໍປະ ກັນເພາະມັນເປັນເລື່ອງລຶກລັບ ມະຫັດສະຈັນ ເຊິ່ງມາຮອດປັດ ຈຸບັນກໍຍັງບໍ່ທັນມີໃຜສາມາດ ວິເຄາະເຈາະເລິກ ແລະ ຢັ້ງ ຢືນປະກົດການດັ່ງກ່າວນີ້ໄດ້ ຢ່າງຊັດເຈນ.

ກ່າວເຖິງບຸນອອກພັນສາ ເປັນກິດຈະກຳໜຶ່ງທາງວັດທະ ນະທຳ ແລະ ປະເພນີອັນດີງາມ ທີ່ນອນຢູ່ໃນຮີດສີບສອງຄອງ ສິບສີ່ຂອງບ້ານເຮົາ, ເປັນປະ ເພນີຂອງຊາວພຸດທີ່ສືບທອດ ກັນມາແຕ່ດຶກດຳບັນເຊັ່ນປູຍ່າ ຕາຍາຍຈົນມາຮອດເຊັ່ນລູກ ເຊັ່ນຫລານກາຍເປັນວັດທະ ນະທຳ ແລະ ເປັນມໍລະດົກຕົກ ທອດຂອງປະເທດຊາດ.

ນອກຈາກທີ່ໄດ້ກ່າວມານີ້ແລ້ວ, ຕາມປະເພນີທາງສັງຄົມ ແລະ ທຳມະຊາດຂອງຄົນລາວ ເຮົາເມື່ອອອກພັນສາໄປແລ້ວ ກໍພາກັນຕັ້ງໜ້າສູ່ວຽກສູ່ງານ, ຊອກຢູ່ຫາກິນ ຫລື ປະກອບ ອາຊີບທີ່ຕົນມີຢ່າງຕັ້ງໜ້າ; ເປັນຕົ້ນຜູ້ເປັນຊາວນາກໍເກັບ ກ່ຽວຜົນຜະລິດ, ກ່ຽວເຂົ້າໄຮ່, ເຂົ້ານາ, ເກັບກູ້ເຜືອກມັນ ແລະ ຜົນຜະລິດອື່ນໆ ໃນລະດູແລ້ງ.

ສ່ວນກິດຈະກຳທາງສັງ ຄົມອີກຢ່າງໜຶ່ງເມື່ອອອກພັນ ສາໄປແລ້ວຄູ່ຮັກບ່າວສາວທີ່ ໄດ້ມັກຮັກ ແລະ ໝັ້ນໝາຍກັນ ມາ ຢ່າງຍາວນານ ຫລື ໃນເວລາ ອັນສົມຄວນກໍຫັນໜ້າເຂົ້າ ສູ່ພິທີແຕ່ງງານຢ່າງສຸກສັນ ຫັນສາຖືວ່າເປັນສຸດຍອດ ແຫ່ງຄວາມສຸກຢູ່ໃນເມືອງ ຄົນ, ເພາະສະນັ້ນ, ທັງໝົດທີ່ ໄດ້ກ່າວມານີ້ເພິ່ນ ຈຶ່ງເອີ້ນ ວ່າອອກພັນສາໄປແລ້ວກໍໄດ້ ກິນເຂົ້າໃໝ່ປາມັນ.

ເຖິງຢ່າງໃດກໍດີ, ຕາມ ທິດກ່ຳ ວ່າອອກພັນສາໄປແລ້ວ ໃນຕໍ່ໜ້າກໍຈະມີແຕ່ບຸນກັບ ບຸນ ເຊັ່ນ: ບຸນກະຖິນ, ບຸນຜ້າປ່າ, ບຸນທາດ ຫລວງ, ບຸນພະທາດ ສີໂຄດ, ທາດອີງຮັງ, ວັດພູຈຳ ປາສັກ, ບຸນກິນຈຽງຂອງເຜົ່າ ມົ້ງ, ບຸນກະເຮີ່ຂອງເຜົ່າກຶມມຸ ແລະ ສັບມະປິບຸນຕາມຮີດສິບ ສອງຄອງສິບສີ່ປະເພນີຂອງ ປະຊາຊົນລາວ, ບັນດາເຜົ່າທີ່ ຫລາກຫລາຍສີສັນ, ສົມທົບ ກັບປີນີ້ເປັນປີທ່ອງທ່ຽວລາວ ໃຜຊິເຮັດຫຍັງໄປໃສ, ມາໃສ, ຂຶ້ນເໜືອລ່ອງໃຕ້ກໍຕ້ອງມີສະ ຕິໃນການໄປມາ.

ອັນສຳຄັນພາກັນປະຢັດ ສັດຊື່, ປະຕິບັດລະບຽບກົດ ໝາຍບ້ານເມືອງເພື່ອຄວາມ ປອດໄພ ຂອງເຮົາເອງ ແລະ ເພື່ອຄວາມສັນຕິສຸກຂອງປະ ເທດຊາດ./.

ອອກພັນສາແລ້ວໄດ້ກິນເຂົ້າໃໝ່ປາມັນ - 3625554 - ອອກພັນສາແລ້ວໄດ້ກິນເຂົ້າໃໝ່ປາມັນ
(ພາບປະກອບ)
ອອກພັນສາແລ້ວໄດ້ກິນເຂົ້າໃໝ່ປາມັນ - WhatsApp Image 2020 05 27 at 5 - ອອກພັນສາແລ້ວໄດ້ກິນເຂົ້າໃໝ່ປາມັນ
ອອກພັນສາແລ້ວໄດ້ກິນເຂົ້າໃໝ່ປາມັນ - WhatsApp Image 2020 05 27 at 5 - ອອກພັນສາແລ້ວໄດ້ກິນເຂົ້າໃໝ່ປາມັນ
error: Alert: ເນື້ອຫາຂ່າວມີລິຂະສິດ !!