ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ

ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ - Untitled design - ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ
  1. ຊົງຜົມແບບສັບຊ້ອນ : ໃນຊີວິດປະຈຳວັນການຈັດແຕ່ງຊົງຜົມປົກກະຕິເບິ່ງເປັນທຳມະຊາດກໍໜ້າຮັກແລ້ວ ສິ່ງສຳຄັນຊົງ ຜົມທີ່ປາສະຈາກຜະລິດຕະພັນຈັດແຕ່ງຊົງຜົມທັງຫລາຍຍ່ອມສ້າງຄວາມພຶງພໍໃຈໄດ້ຫລາຍກ່ວາ.
  2. ລອງພື້ນໜາໆ : ຮອງພື້ນມີຈຸດປະສົງເພື່ອປົກປິດຮອຍແປ້ວ ແລະ ຈຸດດ່າງດຳນ້ອຍໆ ເຊິ່ງຈະເຮັດໃຫ້ຜິວຂອງທ່ານເບິ່ງກ້ຽງງາມ ແລະ ສຸຂະພາບດີ. ບໍ່ຄວນໃຫ້ຄົນອື່ນ ຫລື ແມ່ນແຕ່ໂຕທ່ານເອງເບິ່ງເຫັນວ່າມີການລົງຮອງພື້ນ ດັ່ງນັ້ນ ຄວນທາຮອງພື້ນໃຫ້ນຽນກັບສີຜິວຫລາຍທີ່ສຸດ ບໍ່ດັ່ງນັ້ນຈະເບິ່ງຄືວ່າທ່ານກຳລັງໃຊ້ຮອງພື້ນໂບກໜ້າຢູ່.
  3. ທາກລິດເຕີ ຫລື ຊິມເມີລົງເທິງເປືອກຕາ : ຫາກທ່ານບໍ່ແມ່ນຊ່າງແຕ່ງໜ້າມືອາຊີບ ຄວນຫລີກເວັ້ນການໃຊ້ອາຍແຊໂດແບບມີປະກາຍກລິດເຕີ ຫລື ຊິມເມີເດັດຂາດ ເພາະມີບໍ່ເທົ່າໃດຄົນທີ່ແຕ່ງໜ້າຮູບແບບນີ້ແລ້ວຈະງາມ ຂໍແນະນຳໃຫ້ໃຊ້ອາຍແຊໂດສີເນື້ອຈະດີກ່ວາ.
  4. ຂົນຕາຕິດກັນເປັນກ້ອນ : ເຫດການນີ້ມັກຈະເກີດຂຶ້ນເມື່ອທ່ານປັດມາສຄາຣ່າໜາເກີນໄປ ດວງຕາຂອງທ່ານຈະບໍ່ມີສະເໜ່ ແລະ ເບິ່ງບໍ່ເຊັກຊີ່ອີກຕໍ່ໄປ ຄວນເລືອກໃຊ້ມາສຄາຣ່າຄຸນນະພາບດີ ໃຊ້ແປງ ຫລື ຟອຍພິເສດເພື່ອກຳຈັດບັນຫາຂົນຕາຕິດກັນເປັນ ກ້ອນ.
  5. ມະນຸດຂົນ : ບໍ່ວ່າທ່ານຈະມັກ ຫລື ບໍ່ມັກ ແຕ່ຜູ້ຊາຍທຸກຄົນມັກແມ່ຍິງມີຜິວກ້ຽງງາມ ທ່ານຄວນໝັ້ນໃຈວ່າໜ້າແຂ່ງ ແລະ ຂີ້ແຮ້ຂອງທ່ານສະອາດກ້ຽງດີ ແລະ ປາສະຈາກຂົນ ເພາະສິ່ງເຫລົ່ານີ້ຈະບົ່ງບອກເຖິງນິໄສການຮັກສາຄວາມສະອາດຂອງທ່ານ.
  6. ຜິວແຫ້ງ : ການສຳຜັດຜິວແຫ້ງ, ຂໍ້ສອກຕົກສະເກັດ ຫລື ສົ້ນນ່ອງແຕກແຂງ ບອກເລີຍວ່າບໍ່ຮູ້ສຶກດີ ຄວນໃຊ້ມອຍເຈີໄຣເຊີ ຫລື ເຈວອາບນຳ້ ແລະ ໂລຊັ່ນບຳລຸງຜິວຫລັງອາບນຳ້.
  7. ມີກິ່ນປາກ ແລະ ແຂ້ວເຫລືອງ : ສະພາບແຂ້ວເຫລືອງກັບລົມຫາຍໃຈມີກິ່ນຈະຍິ່ງເຮັດໃຫ້ເພດກົງຂ້າມໜີຫ່າງອອກໄປ ຈາກທ່ານ, ພະຍາຍາມນຶກເຖິງສາເຫດ ແລະ ຟ້າວຫາວິທີແກ້ໄຂໂດຍໄວ, ໃຊ້ຢາຖູແຂ້ວສູດແຂ້ວຂາວ ຫລື ໄໝຜັດແຂ້ວພ້ອມກັບພົກພາເຂົ້າໜົມອົມດັບກິ່ນປາກໄວ້ນຳ.
  8. ເລືອກສໍຂຽນຂອບປາກບໍ່ຖືກ : ຫລັງຈາກທີ່ກິນອາຫານອີ່ມແລ້ວກໍຈະເຫລືອແຕ່ສີຂອບປາກ ແລະ ຈະຂີ້ຮ້າຍໄປກ່ວານັ້ນອີກ ຫາກສີຂອບປາກເປັນສີເຂັ້ມກ່ວາສີລິບສະຕິກ ຫລື ສີປາກທຳມະຊາດຂອງທ່ານ. ສະນັ້ນ ຄວນເລືອກສໍຂຽນຂອບປາກທີ່ມີສີໃກ້ຄຽງກັບສີປາກທຳມະຊາດທີ່ສຸດ.
  9. ສີດນຳ້ຫອມຫລາຍເກີນໄປ : ນຳ້ຫອມກິ່ນມັກພຽງຢອດດຽວກໍພໍແລ້ວທີ່ຈະເຮັດໃຫ້ຜູ້ຊາຍຮູ້ສຶກສົນໃຈ ແລະ ເຮັດໃຫ້ທ່ານກາຍເປັນສິ່ງມີຊີວິດທີ່ໜ້າຄົ້ນຫາ.
  10. ແຕ່ງໜ້າໃນສະຖານທີ່ສາທາລະນະ : ເຊື່ອໄດ້ເລີຍວ່າຜູ້ຊາຍບໍ່ຢາກຮູ້ ຫລື ເຫັນດອກວ່າທ່ານເຮັດແນວໃດຈຶ່ງງາມແບບນີ້ ຈົ່ງປ່ອຍໃຫ້ພວກເຂົາຄິດວ່າທ່ານງາມໄດ້ໂດຍບໍ່ຕ້ອງພະຍາຍາມ, ຂັ້ນຕອນການແຕ່ງໜ້າທັງໝົດຄວນເກັບໄວ້ເຮັດຢູ່ເຮືອນ ບໍ່ແມ່ນ ໃນສະຖານທີ່ສາທາລະນະ.
ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ - WhatsApp Image 2020 05 27 at 5 - ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ
ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ - WhatsApp Image 2020 05 27 at 5 - ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ
ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ - Wave100S AD to Website 2020 0 - ບາງສິ່ງທີ່ເຮັດໃຫ້ແມ່ຍິງໝົດສະເໜ່ໄດ້ແບບງ່າຍໆ
error: Alert: ເນື້ອຫາຂ່າວມີລິຂະສິດ !!