ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ

ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ - AGL banner - ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ

​ທ່ານ ວຽງ​ສະ​ຫວັນ ໄຊ​ຍະ​ວົງ ຫົວ​ໜ້າທະນາຄານ​ແຫ່ງ ສປປ ລາວ ສາຂາພາກ​ເໜືອ ແຂວງຫຼວງ​ພະ​ບາງ (ທຫລ-ຫຼບ) ໃຫ້ຮູ້ວ່າ:  ທ​ຫລ-ຫຼບ ເປັນ​ເສນາ​ທິການ​ໃຫ້​ແກ່​ຄະນະ​ພັກ-ຄະນະ​ຜູ້​ວ່າການ ​ແລະ ອຳນາດ​ການ​ປົກຄອງ​ທ້ອງຖິ່ນພາຍໃນ 2 ແຂວງ ຄື: ແຂວງຫຼວງ​ພະ​ບາງ​ ແລະ ແຂວງໄຊ​ຍະ​ບູ​ລີ ​​ໃນ​ການ​ຄຸ້ມ​ຄອງ​ມະຫາ​ພາກ​ທາງ​ດ້ານ​ເງິນຕາ, ສິນ​​ເຊື່ອ, ຄຸ້ມ​ຄອງ​ທະນາຄານ​ທຸ​ລະ​ກິດ ​ແລະ ສະ​ຖາ​ບັນ​ການ​ເງິນຢູ່​ຂັ້ນ​ທ້ອງ​ຖິ່ນດັ່ງກ່າວ ໃຫ້ມີສະຖຽນລະພາບ ແລະ ສາມາດປະ ກອບສ່ວນສະໜອງແຫຼ່ງທຶນ ເພື່ອກະຕຸກຊຸກຍູ້ການຜະລິດເປັນສິນຄ້າ, ການຫຼຸດຜ່ອນຄວາມທຸກຍາກຂອງປະຊາຊົນ ແລະ ປະກອບສ່ວນເຂົ້າໃນການພັດທະນາເສດຖະກິດຂອງທ້ອງຖິ່ນໃຫ້ເຂັ້ມແຂງ.

  ​ທ່ານຫົວ​ໜ້າ ທຫລ-ຫຼບ ​ກ່າວ​ວ່າ: ເສດ​ຖະ​ກິດ​ຂອງ 2 ແຂວງ​ແມ່ນ​ມີ​ທ່ວງ​ທ່າ​ຂະ​ຫຍາຍ​ຕົວ​ຢ່າງ​ຕໍ່​ເນື່ອງ. ​ການ​ຂະ​ຫຍາຍຕົວ​ຂອງ​ເສດ​ຖະ​ກິດ​ຕົ້ນຕໍມາ​ຈາກວຽກ​ງານ​ກະ​ສິ​ກຳ, ການ​ບໍລິ​ການ ແລະ ​ການ​ທ່ອງ​ທ່ຽວ, ສໍາລັບແຫຼ່ງ​ທຶນຂອງ​ທະ​ນາ​ຄານ ກໍ​ມີ​ບົດ​ບາດ​ສຳ​ຄັນ​ໃນ​ການ​ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ເສດ​ຖະ​ກິດ​ຂອງ 2 ແຂວງ ແລະ ໃນ​ຜ່ານ​ມາ​ໄດ້​ມີການຄຸ້ມ​ຄອງ​ທະນາຄານ​ທຸລະ​ກິດ, ໂດຍໄດ້ສໍາເລັດກວດກາເກັບກໍາຂໍ້ມູນຕາມແຜນກວດກາປະຈໍາປີ 2017 ແລະ ​ໄດ້​ມີ​ການ​ຄຸ້ມ​ຄອງກວດ​ກາ​ສາ​ຂາ ແລະ ໜ່ວຍ​ບໍ​ລິ​ການ​ຂອງ​ບັນ​ດາ​ທະ​ນາ​ຄານ​ທຸ​ລະ​ກິດ ດ້ວຍ​ການ​ນຳ​ໃຊ້ຫຼັກ​ການ ຄາ​ເມວ ແລະ ບາ​ເຊວ 1 ໃນ​ການກວດ​ກາ​ເອ​ກະ​ສານ, ວິ​ເຄາະ​ຖາ​ນະ​ການ​ເງິນ ແລະ ລົງ​ກວດ​ກາ​ກັບ​ທີ່. ຄຽງ​ຄູ່​ກັນ​ນີ້ ກໍ​ສົ່ງ​ເສີມ​ໃຫ້​ສາ​ຂາ​ທະ​ນາ​ຄານ​ທຸ​ລະ​ກິດລະ​ດົມ​ເງິນ​ຝາກ ແລະ​ ປ່ອຍ​ ສິ​ນ​ເຊື່ອ​ໃຫ້​ສອດ​ຄ່ອງ​ກັບ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ​ທ້ອງ​ຖິ່ນ ໃຫ້​ບັນ​ດາ​ເມືອງ​ເປົ້າໝາຍ, ຈຸດ​ສຸມ ແລະ ບ້ານ 3 ສ້າງ, ສືບ​ຕໍ່​ຕິດ​ຕາມ​ການ​ເກັບກູ້​ໜີ້​ສິນ, ໂດຍ​ສະ​ເພາະ​ໜີ້ບໍ່​ເກີດດອກ​ອອກ​ຜົນ (NPL) ແລະ ມາ​ຮອດ​ປີ 2017 ​ມີສາ​ຂາ​ທະ​ນາ​ຄານ​ທີ່​ຂຶ້ນ​ກັບ​ຄວາມ​ຮັບ​ຜິດ​ຊອບ​ຂອງ ທ​ຫລ-ຫຼບ 10 ສາ​ຂາ, 55 ໜ່ວຍ​ບໍ​ລິ​ການ, ມີ​ ATM 135 ຕູ້, ມີ​ຊັບ​ສິນ 4.261 ຕື້​ກ່​ວາ​ກີບ; ລະ​ດົມ​ເງິນ​ຝາກ​ໄດ້ 3.327 ຕື້​ກ່​ວາ​ກີບ ແລະ ສະ​ໜອງ​ສິນ​ເຊື່ອ​ໄດ້​ທັງ​ໝົດ 2.193 ຕື້​ກ່​ວາ​ກີບ. ສ່ວນໃຫຍ່​ແມ່ນ​ປ່ອຍ​ເຂົ້າ​ໃນ​ຂົງ​ເຂດ​ເສດ​ຖະ​ກິດ​, ມີອຸດ​ສາ​ຫະ​ກຳ, ກໍ່​ສ້າງ, ​ກະ​ສິ​ກຳ-ປ່າ​ໄມ້,​​ການ​ຄ້າ, ການ​ຂົນ​ສົ່ງ, ບໍ​ລິ​ການ ແລະ ​ອື່ນໆ.

ຄຽງ​ຄູ່​ກັນ​ນັ້ນ, ໄດ້ເອົາໃຈໃສ່ຄຸ້ມ​ຄອງ​ສະ​ຖາ​ບັນ​ການ​ເງິນ​ຈຸ​ລະ​ພາກ​ໃຫ້​ດຳ​ເນີນ​ທຸ​ລະ​ກິດ​ຕາມ​ລະ​ບຽບ​ກົດ​ໝາຍ, ປັດ​ຈຸ​ບັນ 2 ແຂວງດັ່ງກ່າວ, ​ມີສະ​ຖາ​ບັນ​ການ​ເງິນ​ຈຸ​ລະ​ພາກທັງ​ໝົດ 9 ແຫ່ງ ໃນ​ນີ້​ມີສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ຮັບ​ຝາກ​ເງິນ 1 ແຫ່ງ, ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ບໍ່ຮັບ​ຝາກ​ເງິນ 5 ແຫ່ງ, ສະ​ຫະ​ກອນ​ສິນເຊື່ອ ແລະ ເງິນ​ຝາກ​ປະ​ຢັດ 3 ແຫ່ງ, ລວມ​ຊັບ​ສິນ​ທັງ​ໝົດເກືອບ 60 ຕື້​ກີບ, ລະ​ດົມ​ເງິນ​ຝາກ​ໄດ້​ທັງ​ໝົດ 33 ຕື້​ກ່​ວາ​ກີບ ແລະ ສາ​ມາດ​ປ່ອຍກູ້​ທັງ​ໝົດເກືອບ 50 ຕື້​ກີບ. ນອກ​ຈາກນັ້ນ ເພື່ອ​ຮັກ​ສາ​ສະ​ຖຽນ​ລະ​ພາບ​ທາງ​ດ້ານ​ເງິນ​ຕາ​ຂອງ​ຊາດ​ໃຫ້​ໝັ້ນ​ທ່ຽງ ແລະ ມີ​ຄວາມ​ເປັ​ນ​ລະ​ບຽບ​ຮຽບ​ຮ້ອຍ ເພື່ອ​ການ​ຊຳ​ລະ​ຄ່າ​ສິນ​ຄ້າ ແລະ ບໍ​ລິ​ການ​ຕ່າງໆ​ໃຫ້​ຖືກ​ຕ້ອງ​ຕາມ​ລະ​ບຽບ​ກົດ​ໝາຍ ຮອດ​ປີ 2017 ທ​ຫລ-ຫຼບ ສາ​ມາດ​ຄຸ້ມ​ຄອງ​ຮ້ານ​ແລກ​ປ່ຽນ​ເງິນ​ຕາ​ເອ​ກະ​ຊົນທັງ​ໝົດ 27 ຮ້ານ, ໃນ​ນີ້​ແຂວງຫຼວງ​ພະ​ບາງມີ 22 ຮ້ານ ແລະ ແຂວງ​ໄຊ​ຍະ​ບູ​ລີມີ 5 ຮ້ານ ແລະ ຮ້ານ​ແລກ​ປ່ຽນ​ທັງ​ໝົດ​ສາ​ມາດ​ເກັບ​ຊື້​ເງິນ​ຕາ​ທຸກ​ສະ​ກຸນ​ທຽບ​ເທົ່າ​ກີບ​ໄດ້​ໃນ​ລະ​ດັບ​ທີ່​ດີສົມ​ຄວນ.

ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ - Wave100S AD to Website 2020 0 - ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ

                        # ຂ່າວພາບ: ຣັດສະໝີ ດວງສັດຈະ.

ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ - WhatsApp Image 2020 05 27 at 5 - ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ
ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ - WhatsApp Image 2020 05 27 at 5 - ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ
ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ - WhatsApp Image 2020 05 27 at 5 - ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ
ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ - WhatsApp Image 2020 05 27 at 5 - ທ​ຫລ-ຫຼບ ເນັ້ນແຫຼ່ງ​ທຶນພັດ​ທະ​ນາປະ​ກອບ​ສ່ວນ ພັດ​ທະ​ນາ​ເສດ​ຖະ​ກິດ​ 2 ແຂວງ
error: Alert: Content is protected !!