ລາວ-ອັງກິດຕົກລົງຮ່ວມມືດ້ານສາທາລະນະສຸກ

ລາວ-ອັງກິດຕົກລົງຮ່ວມມືດ້ານສາທາລະນະສຸກ - Untitled design - ລາວ-ອັງກິດຕົກລົງຮ່ວມມືດ້ານສາທາລະນະສຸກ

ພິທີລົງນາມບົດບັນທຶກໃນການສ້າງຄວາມເຂັ້ມແຂງດ້ານການເຝົ້າລະວັງເຊື້ອຈຸລະຊີບຕ້ານຕໍ່ຢາລະຫວ່າງກະຊວງສາທາລະນະສຸກລາວ ແລະ ອັງກິດ, ໄອແລນເໜືອໄດ້ມີຂຶ້ນໃນວັນທີ 24 ຕຸລານີ້, ທີ່ນະຄອນຫລວງວຽງຈັນ. ໂດຍການເຂົ້າຮ່ວມຂອງເຈົ້າຍິງ ບຣິດທິດ ອິລິຊະເບດ ເມລິ ອ໋ອບຢອກ ແຫ່ງສະຫະລາຊະອານາຈັກອັງກິດ, ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.

ການຮ່ວມມືດັ່ງກ່າວ, ຈະເນັ້ນໃສ່ການປະຕິບັດແຜນງານເຝົ້າລະວັງເຊື້ອຈຸລະຊີບຕ້ານຕໍ່ຢາ, ເຊິ່ງເປັນວຽກງານທີ່ມີຄວາມຫຍຸ້ງຍາກໜຶ່ງໃນຂະແໜງສາທາລະນະສຸກລາວ, ໂດຍຈະສຸມໃສ່ການຍົກລະດັບຄວາມຮັບຮູ້ ແລະ ຄວາມເຂົ້າໃຈ, ການສ້າງຄວາມເຂັ້ມແຂງໃຫ້ແກ່ລະບົບການເຝົ້າລະວັງ, ການຫລຸດຜ່ອນອັດ ຕາການເກີດພະຍາດຊຶມເຊື້ອ, ການຍົກສູງປະສິດທິພາບໃນການນຳໃຊ້ຢາຕ້ານເຊື້ອໃນຄົນ ແລະ ສັດ ແລະ ການປັບປຸງລະບົບການຄຸ້ມຄອງ, ປະສານງານ ແລະ ສະໜອງງົບປະມານໃຫ້ແກ່ວຽກງານຈຸລະຊີບຕ້ານຕໍ່ຢາ ແລະ ການຈັດບຸລິມະສິດຂອງວຽກງານໃຫ້ໄປຄຽງຄູ່ກັນກັບແຜນງານຄວາມໝັ້ນຄົງທາງສຸຂະພາບ ແລະ ການຊ່ວຍເຫລືອຈາກສະຫະລາຊະອານາຈັກອັງກິດ ແລະ ໄອແລນເໜືອຄັ້ງນີ້, ຈະຊ່ວຍ ສປປ ລາວ ໃຫ້ສາມາດດຳເນີນແຜນງານກ່ຽວກັບເຊື້ອຈຸລະຊີບຕ້ານຕໍ່ຢາແຫ່ງຊາດມີຜົນສໍາເລັດ ແລະ ບັນລຸເປົ້າໝາຍຕ່າງໆຂອງສາກົນກໍານົດໄວ້.

ລາວ-ອັງກິດຕົກລົງຮ່ວມມືດ້ານສາທາລະນະສຸກ - Wave100S AD to Website 2020 0 - ລາວ-ອັງກິດຕົກລົງຮ່ວມມືດ້ານສາທາລະນະສຸກ
ລາວ-ອັງກິດຕົກລົງຮ່ວມມືດ້ານສາທາລະນະສຸກ - WhatsApp Image 2020 05 27 at 5 - ລາວ-ອັງກິດຕົກລົງຮ່ວມມືດ້ານສາທາລະນະສຸກ
ລາວ-ອັງກິດຕົກລົງຮ່ວມມືດ້ານສາທາລະນະສຸກ - WhatsApp Image 2020 05 27 at 5 - ລາວ-ອັງກິດຕົກລົງຮ່ວມມືດ້ານສາທາລະນະສຸກ
error: Alert: ເນື້ອຫາຂ່າວມີລິຂະສິດ !!