ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ

ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ - Untitled design - ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ

ປະທານາທິບໍດີ ວະ​ລາ​ດິ​ເມຍ ປູ​ຕິນ ຢືນຢັນ​ວ່າ: ຣັດ​ເຊຍ ພ້ອມ​ຕອບ​ໂຕ້​ຕາມ​ຄວາມ​ເໝາະ​ສົມ ຖ້າ​ອາ​ເມ​ລິ​ກາ​ຖອນ​ຕົວ​ຈາກ​ຂໍ້​ຕົກລົງ​ນິວ​ເຄຼຍສະ​ໄໝ​ສົງຄາມ​ເຢັນ ​ແລ້ວ​​ເອົາ​ລະບົບ​ລູກ​ສອນ​ໄຟ​ມາ​ຕິດຕັ້ງ​ເພີ່ມ​ອີກ​ໃນ​ເອີຣົບ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ວະ​ລາ​ດິ​ເມຍ ປູ​ຕິນ ກ່າວ​ໃນ​ວັນ​ທີ 24 ຕຸລາ​ວ່າ: ຖ້າ​ອາ​ເມ​ລິ​ກາ​ຖອນ​ຕົວ​ອອກ​ຈາກ​ສົນທິສັນຍາ​ອາວຸດ​ນິວ​ເຄຼຍ​ໄລຍະ​ກາງ (INF) ​ແລະ ບໍ່​ສາມາດ​ຕໍ່​ອາຍຸ​ສົນທິສັນຍາ​ສັນຕິພາບ​ວ່າ​ດ້ວຍ​ການ​ຫລຸດ​ຈຳນວນ​ອາວຸດ​ນິວ​ເຄຼຍ​ໃນ​ຊື່ “ນິວ ສຕາຣ” ​ເຊິ່ງຈະ​ຄົບ​ກຳນົດ​ອາຍຸ​ການ​ມີ​ຜົນ​ບັງຄັບ​ໃຊ້ 10 ປີ ​ໃນ​ປີ 2021 ຈະ​ເປັນ​ການ​ຊຸກຍູ້​ໃຫ້​ທັງ​ສອງ​ປະ​ເທດ​ກັບ​ເຂົ້າສູ່​ສະໜາມ​ການ​ແຂ່ງຂັນ​ດ້ານ​ອາວຸດ​ອີກ​ເທື່ອ​ໜຶ່ງ ​ແລະ ​ເອີຣົບຈະ​ເປັນ​ທະວີບ ​ເຊິ່ງຕ້ອງ​ຜະ​ເຊີນ​ກັບ “ຄວາມ​ສ່ຽງ” ​ໃນ​ເລື່ອງ​ນີ້​ຫລາຍ​ທີ່​ສຸດ​ແບບ​ຫລີກ​ເວັ້ນບໍ່​ໄດ້.

ຂະນະ​ດຽວ​ກັນ, ທ່ານ ປູ​ຕິນ ກ່າວ​ອີກ​ວ່າ: ​ເມື່ອ​ໃດ​ກໍ​ຕາມ​ທີ່​ອາ​ເມ​ລິ​ກາ​ຖອນ​ຕົວ​ອອກ​ຈາກ​ການ​ເປັນ​ພາຄີ​ຂອງ INF ​ແລ້ວ​ເອົາລະ​ບົບລູກ​ສອນ​ໄຟ​ທີ່​ມີ​ໄລຍະ​ນອກ​ເໜືອ​ຈາກ​ທີ່​ຄວບ​ຄຸມ​ໃນ​ສົນທິສັນຍາ ຄື​ລະຫວ່າງ 500 ​ເຖິງ 5.000 ກິ​ໂລ​ແມັດ ​ໄປ​ຕິດຕັ້ງ​ເພີ່ມ​ໃນ​ດິນ​ແດນ​ແຫ່ງ​ໃດ​ຂອງ​ເອີຣົບ, ຣັດ​ເຊຍ​ຈະ​ມີ “ມາດ​ຕະການ​ຕອບ​ໂຕ້​ຕາມ​ຄວາມ​ເໝາະ​ສົມ”. ທັງ​ນີ້ ທ່ານ ປູ​ຕິນ ຢືນຢັນ​ວ່າ: ຣັດ​ເຊຍ​ບໍ່​ໄດ້​ເປັນ​ຝ່າຍ​ລະ​ເມີດ​ຂໍ້​ຕົກລົງ​ກ່ອນ.

ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ - Wave100S AD to Website 2020 0 - ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ
ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ - WhatsApp Image 2020 05 27 at 5 - ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ
ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ - WhatsApp Image 2020 05 27 at 5 - ຣັດເຊຍພ້ອມຕອບໂຕ້ ຖ້າອາເມລິກາ ຖອນຕົວຈາກຂໍ້ຕົກລົງນິວເຄຼຍ
error: Alert: ເນື້ອຫາຂ່າວມີລິຂະສິດ !!