ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ

ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ - advert banner 728 90 728x90 - ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ

ໂດຍ: ຈານແຫຍ່

ໃນຄາວຍັງເປັນພະນັກ ງານກິນເງິນເດືອນລັດ, ຈານ ແຫຍ່ໄດ້ມີໂອກາດເຫີນຟ້າເວີ່ນ ໄປຫລາຍສິບປະເທດ.
ສ່ວນປະເທດອິນເດຍນັ້ນ ໄດ້ໄປອ່າວຫລາຍ ແລະ ມີ ຄວາມ ຊົງຈຳລຳລຶກເປັນພິເສດເພາະ ມີແນວຕິດໄມ້ຕິດມືມາເປັນ ກອບເປັນກຳນັ້ນກໍຄືປຶ້ມອ່ານ ລາຄາເບົາໆບາງໆແຕ່ເນື່ອໃນ ນັ້ນໝັກຈົນຍົກຊິບໍ່ຂຶ້ນ.

 

ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ - 7511444 - ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ
(ພາບປະກອບ)

ເວລາທີ່ເໝາະສົມຕໍ່ການອ່ານໜັງສືທີ່ສຸດ.2018/

10 ວິທີຝຶກໃຫ້ລູກມັກການອ່ານ2017/

ຕາມໄປເຫັນມາໃນອາຊຽນ ພວກເຮົາ, ຈານແຫຍ່ ພົບວ່າ ລາຄາປຶ້ມ ຢູ່ຫວຽດນາມຖືກ ເປັນ ອັນດັບທີ 1, ຮອງມາແມ່ນ ຢູ່ ຟີລິບປິນ ຕໍ່ດ້ວຍອິນໂດເນ ເຊຍ ແລະ ໄທ.

ສ່ວນຢູ່ນອກຊາຍແດນອາຊຽນແລ້ວປຶ້ມຢູ່ອິນເດຍມີລາ ຄາຖືກສຸດໆ, ຄັ້ງໜຶ່ງເຄີຍຊື້ຊຸດ ສາລານຸກົມ (ປຶ້ມບັນທຶກເຫດ ການ-ຂໍ້ມູນທີ່ກວ້າງຂວາງ ແລະ ເລິກເຊິ່ງ) ເປັນລຳດັບ ແຕ່ໂຕ A ຮອດໂຕ Z ເຊິ່ງມີລາຄາບໍ່ເຖິງ 100 ຣູປີ ປະມານ 2 ໂດລາປາຍ ເມື່ອເກືອບ20 ປີຜ່ານມາ. ເວລາເຈົ້າຂອງຮ້ານບອກລາຄາ, ຈານແຫຍ່ບໍ່ເຊື່ອຫູຕົນເອງຈິ່ງ ໄດ້ຖາມຊ້ຳໄປຊ້ຳມາກ່ອນຈະ ຈົກເງິນອອກຈ່າຍ. ດັ່ງນັ້ນລະ ກັບຈາກອິນເດຍແຕ່ລະຄັ້ງຈຶ່ງ ມີແນວຫອບແນວຫິ້ວມາຈົນ ແຂນກົ່ງ.

ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ - lattana 1 - ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ
ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ - 1 1 - ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ

ເຫດໃດລາຄາປຶ້ມ ຢູ່ຫວຽດ ນາມ, ອິນເດຍ ແລະ ຟິລິບປິນ ຈຶ່ງມີລາຄາຖືກເອົາແທ້ເອົາວ່າ? ຄຳຕອບກໍຄືວ່າ ສາມປະເທດ ນີ້ ເອົາໃຈໃສ່ເລື່ອງການອ່ານ ຫລາຍທີ່ສຸດ (ຕາມຈານແຫຍ່ ສັງເກດເອງ) ແຕ່ສຳຄັນໄປ ກວ່ານັ້ນການພິມປຶ້ມຢູ່ 3 ປະ ເທດນີ້ນັ້ນແມ່ນໃຊ້ວັດຖຸຢູ່ພາຍ ໃນທັງນັ້ນເຊັ່ນປຶ້ມຕຳລາຮຽນ ພາສາອັງກິດຂອງບໍລິສັດ “ລອງແມນ” ແລະ ອື່ນໆ ກໍຄື ວັດຈະນານຸກົມ “ອອກສະ ຟອດ” “ແຄມບິຼດສ໌”, ບວກ ກັບປຶ້ມຕຳລາໃນສາຂາອາຊີບ ຕ່າງໆນັ້ນ ຫວຽດນາມຂໍລິຂະ ສິດເອົາມາພິມຢູ່ກັບຫວຽດ ນາມເອງ, ແຮງງານກໍແມ່ນ ຫວຽດນາມເຄື່ອງຈັກ, ເຈ້ຍ ເຕັກນິກການຈັດໜ້າຕ່າງໆ ກໍ ແມ່ນ “Made in Vietnam” ແລ້ວຊິບໍ່ໃຫ້ລາຄາມັນຖືກໄດ້ ແນວໃດ?.

ຢູ່ອິນເດຍ ແລະ ຟິລິບປິນ ກໍເຊັ່ນກັນ, ວັດຖຸສຳລັບການ ພິມປຶ້ມທັງໝົດຊອກຫາມາໄດ້ ຢູ່ ພາຍໃນປະເທດ.
ສ່ວນອິນໂດເນເຊຍນັ້ນ ເພິ່ນມີໜ່ວຍງານແລກປ່ຽນ ລິຂະສິດການພິມປຶ້ມກັບກວ່າ 30 ປະເທດໃນທົ່ວໂລກ, ການ ພິມຈຳໜ່າຍປຶ້ມເພິ່ນເຮັດຄົບ ສອງສົ້ນທັງສົ່ງອອກ (ປຶ້ມຄຸນ ນະພາບຂອງເພິ່ນທີ່ຕ່າງປະ ເທດສົນໃຈ) ແລະ ນຳເຂົ້າປຶ້ມ ວິຊາການທີ່ຈຳເປັນ ເຊິ່ງເມື່ອ ເກືອບຫລາຍປີຜ່ານມາລັດ ຖະບານອິນໂດເນເຊຍມີນະໂຍ ບາຍຍົກເວັ້ນພາສີນຳເຂົ້າໂດຍ ສະເພາະ.

ແນ່ນອນປຶ້ມຕ່າງ ປະເທດ ຊະນິດດຽວກັນທີ່ພິມຢູ່ຫວຽດ ນາມ, ອິນເດຍກໍອາດມີສີສັນ ແລະ ຄຸນນະພາບຂອງເຈ້ຍຫລຸດ ເກຼດຕົ້ນສະບັບແຕ່ຖ້າຄິດເຖິງ ຄຸນຄ່າການນຳໃຊ້ ແລະ ລາຄາ ແລ້ວມັນກໍຄຸ້ມຄ່າ.

ນັ້ນມັນຜ່ານມາສິບ-ຊາວ ປີແລ້ວ.ດຽວນີ້ປຶ້ມທີ່ພິມຢູ່ຫວຽດ ນາມ, ອິນເດຍມີຮູບຊົງ ແລະ ຄຸນ ນະພາບປານປາດແປະກັບຕົ້ນ ສະບັບຢູ່ຕ່າງປະເທດ.

ເຖິງຈະບໍ່ມີການ ສຳຫລວດ ຢ່າງເປັນເອກະພາບກ່ຽວກັບ ຄວາມຫລາກຫລາຍ ແລະ ຄຸນ ນະພາບ ແລະ ລາຄາປຶ້ມໃນລາວ ພວກເຮົາແຕ່ ຈານແຫຍ່ ກໍເຊື່ອ ວ່າຍັງແລ່ນນຳໝູ່ບໍ່ທັນເທື່ອ ເຊິ່ງອາດເປັນຍ້ອນຫລາຍປັດ ໄຈແຕ່ສຳຄັນແມ່ນຍ້ອນພວກ ເຮົາບໍ່ຫົວຊາ ແລະ ຍ້ອນມັກ ງ່າຍ, ຢາກຮູ້, ເລື່ອງໃດກໍຂ້າມ ຊາຍແດນໄປຊື້ເປັນພາສາໄທ ມາອ່ານ, ມັນສະບາຍດີແຕ່ສັກ ສີຂອງຄວາມເປັນຊາດ, ເປັນ ເຈົ້າພາສາມັນຢູ່ໃສລະ?, ນອກ ນັ້ນລາຄາປຶ້ມນຳເຂົ້າຍັງມີລາ ຄາແພງອີກດ້ວຍ ຈານແຫຍ່ ຢາກໃຫ້ພາກສ່ວນກ່ຽວຂ້ອງ ຈິງ ຈັງກັບ ເລື່ອງການຜະລິດປຶ້ມທີ່ ເປັນຂອງລາວເປັນພາສາລາວ, ດ້ວຍວັດຖຸດິບ ແລະ ແຮງງານ ຂອງລາວເຮົາ, ເປີດກວ້າງການ ຮ່ວມມືເລື່ອງລິຂະສິດກັບບໍລິ ສັດຜະລິດປຶ້ມສາກົນ, ຍົກເວັ້ນ ພາສີປຶ້ມວິຊາການທີ່ຈຳເປັນ ຕ້ອງນຳເຂົ້າ. ສ່ວນຄ່າຂົນສົ່ງ ປຶ້ມພາຍໃນປະເທດກໍຕ້ອງໃຫ້ ຫລຸດລາຄາຂົນສົ່ງວັດຖຸຊະ ນິດອື່ນໆ.

ເຮັດໄດ້ແນວນີ້ ຂະບວນ ການຂຽນ, ການຜະລິດປຶ້ມຈິ່ງ ຈະກ້າວໄກໄປທັນໝູ່ ແລະ ການ ອ່ານກໍຈະໄດ້ຮັບການພັດທະນາ ເປັນເງົາຕາມຕົວໂລດລະ!./.

ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ - 22541111 1 - ເລື່ອງການສົ່ງເສີມການອ່ານນັ້ນ ຍັງເກົາບໍ່ຖືກບ່ອນຄັນ
(ພາບປະກອບ)
error: Content is protected !!