ຄົນໝົດປະຈຳເດືອນແລ້ວຕ້ອງເບິ່ງແຍງໂຕເອງເປັນພິເສດ

ຄົນໝົດປະຈຳເດືອນແລ້ວຕ້ອງເບິ່ງແຍງໂຕເອງເປັນພິເສດ - advert banner 728 90 728x90 - ຄົນໝົດປະຈຳເດືອນແລ້ວຕ້ອງເບິ່ງແຍງໂຕເອງເປັນພິເສດ

ໄວໝົດປະຈຳເດືອນແມ່ນເວລາທີ່ສຳຄັນຂອງຊີວິດແມ່ຍິງ, ແມ່ຍິງຫລາຍຄົນຮູ້ສຶກກັງວົນກັບເລື່ອງນີ້ຫລາຍ ຍ້ອນຈະເຮັດໃຫ້ ໂຕເອງຈະຕ້ອງປ່ຽນແປງໄປໃນຫລາຍດ້ານຈົນກາຍເປັນຄົນລະຄົນກໍວ່າໄດ້ ທັງຮ່າງກາຍ ແລະ ຈິດໃຈ ຈຶ່ງສົ່ງຜົນກະທົບໃຫ້ມີອາ ລົມປ່ຽນແປງຫລາຍດ້ານ.

     –  ເມື່ອອາຍຸເຂົ້າສູ່ໄວໝົດປະຈຳເດືອນ : ໂດຍທົ່ວໄປເມື່ອອາຍຸ 50 ປີຂຶ້ນໄປ ຫລື ບາງຄົນອາດໄວກ່ວານັ້ນ ປະຈຳເດືອນກໍຈະມາໜ້ອຍລົງ ແລະ ຈະໝົດໄປພາຍໃນ 12 ເດືອນກໍຈະບໍ່ມີ ຫລື ມີໜ້ອຍໆ ໃນຊ່ວງອາຍຸນີ້ອາດຈະບໍ່ສາມາດກຳນົດໄດ້ວ່າຈະເລີ່ມເຂົ້າສູ່ໄວໝົດປະຈຳເດືອນແຕ່ຍາມໃດ ບາງຄົນກໍເລີ່ມອາຍຸ 40, ບາງຄົນກໍເລີ່ມ 60 ປີ ເຊິ່ງສ່ວນຫລາຍຈະເທົ່າໆກັນກັບແມ່ຂອງໂຕເອງ ສະນັ້ນຈຶ່ງສາມາດສັງເກດຈາກແມ່ຂອງໂຕເອງໄດ້ ໂດຍຜູ້ທີ່ເຂົ້າສູ່ໄວໝົດປະຈຳເດືອນຈະມີອາການຫງຸດຫງິດງ່າຍ, ອອກຮ້ອນຕົນໂຕ, ແຕ່ປະຈຳເດືອນກໍຍັງມາເປັນປົກກະຕິຢູ່ ໃນໄລຍະທີ່ຮໍໂມນເກີດການປ່ຽນແປງ ເມື່ອຜ່ານໄປໄລຍະໜຶ່ງປະຈຳເດືອນກໍຈະເລີ່ມມາໜ້ອຍລົງ ແລະ ມີໄລຍະຫ່າງຂຶ້ນ.

     – ນຳ້ໜັກໂຕເພີ່ມຂຶ້ນ : ເນື່ອງຈາກຮໍໂມນເພດບໍ່ດຸ່ນດ່ຽງ, ໃຊ້ພະລັງງານຂອງຮ່າງກາຍຫລຸດລົງ, ຮ່າງກາຍຈະເກັບໄຂມັນໄວ້ຢູ່ກົກຂາ, ກະໂພກ, ນຳ້ໜັກຈະເພີ່ມຂຶ້ນເລື້ອຍໆ ຫາກມີການຄວບຄຸມອາຫານ ໄດ້ຮັບໂພຊະນາການທີ່ພໍດີ,  ອອກກຳລັງກາຍໃຫ້ສະໝໍ່າສະເໝີກໍຈະຊ່ວຍຄວບຄຸມນຳ້ໜັກໄດ້.

     – ກະດູກບໍ່ແຂງແຮງ : ກະດູກຈະບາງຫລາຍ ແລະ ມີໂອກາດທີ່ຈະເປັນພະຍາດກະດູກຜ່ອຍສູງ ຖ້າບໍ່ປ້ອງກັນກໍຈະເກີດພະຍາດຂໍ້ອັກເສບ, ປວດກະດູກ ແລະ ອາດຈະຫັກໄດ້ງ່າຍ ຫາກຢາກຫລຸດຄວາມສ່ຽງຕ້ອງປັບປຸງຄຸນນະພາບໃນການດຳລົງຊີວິດ, ການກິນອາຫານທີ່ມີທາດການຊຽມ, ວິຕາມິນ, ອອກກຳລັງຈະຊ່ວຍໄດ້.

ຄົນໝົດປະຈຳເດືອນແລ້ວຕ້ອງເບິ່ງແຍງໂຕເອງເປັນພິເສດ - 1 1 - ຄົນໝົດປະຈຳເດືອນແລ້ວຕ້ອງເບິ່ງແຍງໂຕເອງເປັນພິເສດ
ຄົນໝົດປະຈຳເດືອນແລ້ວຕ້ອງເບິ່ງແຍງໂຕເອງເປັນພິເສດ - Tiger Head 728x90 - ຄົນໝົດປະຈຳເດືອນແລ້ວຕ້ອງເບິ່ງແຍງໂຕເອງເປັນພິເສດ

    – ຄວາມຕ້ອງການທາງເພດຫລຸດລົງ : ເນື່ອງຈາກຄວາມບໍ່ດຸ່ນດ່ຽງຂອງຮໍໂມນ ຈະເຮັດໃຫ້ຮ່າງກາຍ ແລະ ອາລົມປ່ຽນແປງ ບໍ່ຄົງທີ່ ສົ່ງຜົນໃຫ້ນຳ້ຢູ່ຊ່ອງຄອດໜ້ອຍລົງ ເຮັດໃຫ້ເວລາຮ່ວມເພດຮູ້ສຶກເຈັບ ແລະ ຍ້ອນອາລົມບໍ່ຄົງທີ່ຈຶ່ງເຮັດໃຫ້ບໍ່ຄ່ອຍມີຄວາມຕ້ອງການທາງເພດ, ແຕ່ຫາກເຮົາໝັ່ນພັດທະນາທາງດ້ານອາລົມກໍຊ່ວຍໄດ້.

    – ສັນຍານທຳອິດຂອງການເຂົ້າສູ່ໄວໝົດປະຈຳເດືອນ : ໂດຍທົ່ວໄປຈະມີປະຈຳເດືອນຫລຸດລົງ ແລະ ເມື່ອຍງ່າຍ, ອ່ອນເພຍ, ບໍ່ມີແຮງ, ປະຈຳເດືອນມາບໍ່ປົກກະຕິ ຫລື ມາໜ້ອຍ, ມີອາລົມວິຕົກກັງວົນ, ຫງຸດຫງິດ, ຜົມຫລົ່ນ, ມີຄວາມຕ້ອງການທາງເພດຫລຸດລົງ. ນອກຈາກນີ້, ການສູບຢາ ແລະ ການດື່ມເຄື່ອງດື່ມທີ່ມີອານກໍຮໍ ຈະເຮັດໃຫ້ທ່ານເຂົ້າສູ່ໄວໝົດປະຈຳເດືອນໄວຍິ່ງຂຶ້ນ.

    – ການດຳລົງຊີວິດຂອງຄົນໄວໝົດປະຈຳເດືອນ : ເປັນເລື່ອງສຳຄັນ ຍ້ອນຄວາມບໍ່ດຸ່ນດ່ຽງຕ່າງໆຂອງຮ່າງກາຍທີ່ເກີດຈະຕ້ອງດູແລໂດຍເອົາໃຈໃສ່ເລື່ອງອາຫານ, ອາລົມທີ່ປ່ຽນແປງຢ່າງໄວວາ, ອາການຕ່າງໆຂອງຮ່າງກາຍ, ຄວນໄດ້ຮັບອາຫານທີ່ເໝາະສົມ ເຊັ່ນ : ຖົ່ວເຫລືອງທີ່ຊ່ວຍເພີ່ມຮໍໂມນເອສໂຕຣເຈນ ແລະ ອາຫານອື່ນໆທີ່ໄດ້ຈາກທຳມະຊາດ, ຜັກຫອມລາບ ຈະຊ່ວຍຫລຸດອາການອອກຮ້ອນຕົນໂຕ, ເຮັດໃຫ້ລະບົບທໍ່ອາຫານເຮັດວຽກໄດ້ດີ, ຊ່ວຍໃຫ້ຮ່າງກາຍດູດຊຶມທາດການຊຽມໄດ້ດີ, ໄດ້ຮັບຟົສຟໍ, ແມັງການັດ ແລະ ວິຕາມິນຕ່າງໆ, ອາຫານໄຂມັນຕໍ່າ ຈະຊ່ວຍຮັກສານຳ້ໜັກບໍ່ໃຫ້ເພີ່ມຂຶ້ນງ່າຍ ແລະ ຄວນກິນອາຫານທີ່ມີເສັ້ນໄຍສູງ, ອາຫານຕ່າງໆທີ່ເພີ່ມຮໍໂມນເອສໂຕຣເຈນ ເຊັ່ນ : ໝາກພຸນ, ສະຕໍເບີຣີ, ໝາກລະແຊັງ, ໝາກກ້ຽງ, ໝາກແອັບເປິ້ນ, ໝາກກ້ຽງໃຫຍ່, ຫົວກະຫລົດ, ໝາກແຕງ, ຜັກກະລໍ່າ ຈະຊ່ວຍໃຫ້ຄວາມດຸ່ນດ່ຽງຂອງຮໍໂມນດີຂຶ້ນ, ອາຫານທີ່ມີໂຟ ລິກ, ໂປຣຕິນ, ວິຕາມິນເບ 6, ແລະ ທາດການຊຽມ ຈະເໝາະສົມ ແລະ ເສີມສ້າງຄວາມແຂງແຮງໃຫ້ກັບແມ່ຍິງໃນໄວນີ້ໄດ້ເປັນ ຢ່າງດີ.

error: Content is protected !!