ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ

ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ - Untitled design - ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ

ທ້າຍ​ອາທິດຜ່ານມາ ທີ່ເດີ່ນຫຍ້າທຽມ ນິວ ອາລິນາ ເມືອງສີສັດຕະນາກ ນະຄອນຫລວງວຽງຈັນ ໄດ້ມີພິທີເປີດການແຂ່ງຂັນບານ​ເຕະຊາຍ ຊັ້ນປະຖົມສຶກສາກຸ່ມກາງ ການສຶກສາ ແລະ ກິລາ ເມືອງສີສັດຕະນາກ ສົກຮຽນ 2018-2019 ຂຶ້ນ. ໃຫ້ກຽດເປັນປະທານໂດຍທ່ານ ນາງ ດາລາວັນ ອຸດົມ ຮອງຫົວໜ້າກຸ່ມກາງ ການສຶກສາ ແລະ ກິລາ ເມືອງສີສັດຕະນາກ, ພ້ອມດ້ວຍບັນດາຜູ້ອຳນວຍການ, ຮອງ, ຕາງໜ້າໂຮງຮຽນ, ຄູ-ອາຈານ, ຜູ້ປົກຄອງ ແລະ ນັກກິລາ ທັງໝົດ 12 ໂຮງຮຽນເຂົ້າຮ່ວມ.

ໂອກາດດັ່ງກ່າວ, ທ່ານ ນາງ ດາລາວັນ ອຸດົມ ໄດ້ກ່າວເປີດພິທີ ແລະ ມີຄວາມເຫັນຕໍ່ກິດຈະກຳໃນຄັ້ງນີ້ ແມ່ນຈັດຂຶ້ນເພື່ອໃຫ້ນ້ອງໆນັກຮຽນທີ່ຂຶ້ນກັບກຸ່ມກາງຂອງການສຶກສາ ແລະ ກິລາ ເມືອງສີສັດຕານາກ ໄດ້ອອກກຳລັງກາຍ ແລະ ພົບປະກັນ. ພ້ອມກັບເພື່ອເປັນການຄັດເລືອກນັກກິລາໃຫ້ກັບເມືອງເຂົ້າຮ່ວມແຂ່ງຂັນລາຍການຕ່າງໆອີກ ແລະ ຍັງເປັນການສ້າງຂະບວນການຕ້ອນຮັບວັນສຳຄັນຕ່າງໆທີ່ໃກ້ຈະມາເຖິງນີ້ ເປັນຕົ້ນການຕ້ອນຮັບວັນຊາດ ທີ 2 ທັນວາ ຄົບຮອບ 43 ປີ. ນອກນັ້ນ ກໍຂໍໃຫ້ຄະນະ ແລະ ນ້ອງໆນັກກິລາແຂ່ງຂັນກັນຢ່າງມ່ວນຊຶ່ນ ແລະ ເປັນເອກະພາບ, ມີນ້ຳໃຈນັກກິລາ ແລະ ຮູ້ຈັກເຄົາລົບເຊິ່ງກັນ ແລະ ກັນ.

ການແຂ່ງຂັນດັ່ງກ່າວນີ້ ແມ່ນມີທັງໝົດ 12 ໂຮງຮຽນເຂົ້າຮ່ວມ ປະກອບມີໂຮງຮຽນດອນກອຍ, ໂຮງຮຽນວຽງຈັນກໍຣີ, ໂຮງຮຽນວິທະຍາ, ໂຮງຮຽນກຸນນະວົງ, ໂຮງຮຽນສີປະເສີດ, ໂຮງຮຽນສະຖາພອນ, ໂຮງຮຽນໂພນປ່າເປົ້າ, ໂຮງຮຽນດອກນົກຂຸ້ມ, ໂຮງຮຽນໂສກປ່າຫລວງ, ໂຮງຮຽນຮາກແກ້ວ, ໂຮງຮຽນທ່າພະລານໄຊ ແລະ ໂຮງຮຽນກຽດກິສັກ. ແຂ່ງຂັນກັນແບບເສຍຕົກເລີຍຈົນຮອດນັດຊີງຊະນະເລີດ.

ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ - Wave100S AD to Website 2020 0 - ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ
ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ - WhatsApp Image 2020 05 27 at 5 - ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ
ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ - WhatsApp Image 2020 05 27 at 5 - ກຸ່ມກາງ ການສຶກສາ ແລະ ກິລາ ຈັດແຂ່ງຂັນ ກິລາບານເຕະປະຖົມ ເມືອງສີສັດຕະນາກ
error: Alert: ເນື້ອຫາຂ່າວມີລິຂະສິດ !!