ແກ້ງຂີ່ລົດກວນເມືອງຍັງເປັນສິ່ງທ້າທາຍ

- Untitled design - ແກ້ງຂີ່ລົດກວນເມືອງຍັງເປັນສິ່ງທ້າທາຍ

- Untitled 1 1 275x300 - ແກ້ງຂີ່ລົດກວນເມືອງຍັງເປັນສິ່ງທ້າທາຍ     ​ເພື່ອນ​ຜູ້​ອ່ານ​ທີ່​ຮັກ​ແພງ, ບໍ່​ຮູ້​ວ່າ​ດ້ວຍ​ເຫດຜົນ​ໃດ ກຸ່ມ​ແກ້ງ​ຂີ່​ລົດ​ກວນ​ເມືອງ​ຂອງ​ໄວ​ລຸ້ນຈຳນວນ​ໜຶ່ງ​ໄດ້​ກັບ​ມາ​ປາກົດ​ຕົວ​ຄືນ​ໃໝ່​ຢູ່​ຕາມ​ເສັ້ນທາງ​ຫລັກ​ຕ່າງໆ​ໃນ​ນະຄອນຫລວງ​ວຽງ​ຈັນ, ພາຍຫລັງ​ເຈົ້າໜ້າ​ທີ່​ຮັກສາ​ຄວາມ​ສະຫງົບ ​ແລະ ຕຳຫລວດ​ຈະລາຈອນ​ໄດ້​ເອົາ​ໃຈ​ໃສ່​ສະກັດ​ກັ້ນປາກົດການ​ຫຍໍ້​ທໍ້​ດັ່ງກ່າວ​ໄດ້​ຫລຸດຜ່ອນ​ລົງ ​ແລະ ​ເຮັດ​ໃຫ້​ບ້ານ​ເມືອງ​ມີ​ຄວາມ​ສະຫງົບ​ສຸກ.

​ແຕ່​ມາ​ຮອດ​ປັດຈຸບັນ​ ສະພາບ​ກໍ່​ຄວາມ​ບໍ່​ສະຫງົບ​ດັ່ງກ່າວ​ພັດ​ມາ​ປາກົດ​ຕົວ​ຄືນ​ອີກ ​ໂດຍ​ສະ​ເພາະ​ຢູ່​ຖະໜົນ​ລ້ານ​ຊ້າງ. ປະຊາຊົນ​ຜູ້​ຢູ່​ເຂດ​ຖະໜົນ​ດັ່ງກ່າວ​ໃຫ້​ຮູ້​ວ່າ: ​ເວລາ​ປະມານ​ທ່ຽງ​ຄືນ​ຂອງ​ແຕ່​ລະ​ວັນ​ຈະ​ມີ​ໄວ​ລຸ້ນຈຳນວນ​ບໍ່​ໜ້ອຍ​ເຂົ້າມາ​ລວມຕົວ​ກັນ ພ້ອມ​ລົດຈັກ​ຫລາຍ​ຂະໜາດ​ທີ່​ມີ​ການ​ດັດ​ແປງ​ໃຫ້​ເກີດ​ສຽງ​ດັງ. ຈາກ​ນັ້ນ ພວກ​ເຂົາ​ຈະ​ໃຊ້​ແມ​ວມອງ​ຂີ່​ລົດ​ອອກ​ໄປ​ສັງ​ເກດ​ເບິ່ງ​ເຈົ້າໜ້າ​ທີ່, ຖ້າ​ປອດ​ໄພ​ແລ້ວ​ພວກ​ເຂົາ​ກໍ​ຈະ​ພາກັນ​ເລັ່ງລົດ​ເປັນ​ພຶງ​ອອກ​ຈາກ​ເຂດ​ຕະຫລາດ​ເຊົ້າຜ່ານ​ອານຸສາລະ​ວີ​ຕັດ​ໃສ່​ໂພນ​ເຄັງ ​ແລ້ວ​ກໍ​ກັບ​ຄືນ​ມາ​ໃນ​ສຽງ​ດັງ​ສະໜັ່ນ​ໄປ​ທົ່ວ​ເມືອງ ສົ່ງ​ຜົນ​ກະທົບ​ຮ້າຍ​ແຮງ​ຕໍ່​ຄວາມ​ສະຫງົບ ​ແລະ ປະຊາຊົນ​ຜູ້​ຫລັບ​ນອນ​ໃນ​ແຕ່ລະ​ຄືນ ​ແລະ ອີກ​ເສັ້ນທາງ​ໜຶ່ງ​ກໍ​ແມ່ນ​ເສັ້ນທາງ​ແຕ່​ໄຟ​ແດງ​ເຕສອງ​ຕັດ​ອອກ​ສູ່​ດົງ​ນາ​ໂຊກ​ກໍ​ມີ​ສະພາບ​ດັ່ງກ່າວ​ເຊັ່ນ​ກັນ ​ແຕ່​ອາດ​ມີ​ຈຳນວນ​ລົດ​ໜ້ອຍ​ກວ່າ ​ແຕ່​ປານ​ນັ້ນກໍ​ເຮັດ​ໃຫ້​ສັງຄົມ​ແຕກ​ຕື່ນ​ຕົກ​ໃຈ​ເປັນ​ບໍ່​ໜ້ອຍ ​ແລະ ຖ້າ​ໃຜ​ເປັນ​ໂລກ​ຫົວ​ໃຈ​ແດ່​ກໍ​ອາດ​ຈະ​ເອົາ​ຕົວ​ລອດ​ໄດ້​ຍາກ. ​ແຕ່​ໃນ​ຂະນະ​ດຽວ​ກັນ ກໍ​ບໍ່​ເຫັນ​ມີ​ເຈົ້າໜ້າ​ທີ່ ​ແລະ ຕຳຫລວດ​ຈະລາຈອນ​ໃດ​ເຂົ້າມາສະ​ກັດ​ກັ້ນ​ແກ້​ໄຂ ​ແລະ ຖ້າ​ປະປ່ອຍ​ໄປ​ຍາວ​ກໍ​ຈະ​ເຮັດ​ໃຫ້​ສະພາບ​ແກ້ງ​ກວນ​ເມືອງ​ດັ່ງກ່າວ​ນັບ​ມື້ຮ້າຍ​ແຮງ ​ແລະ ອາດ​ສົ່ງ​ຜົນ​ໃຫ້​ມີ​ອຸປະຕິ​ເຫດ​ຕາມ​ມາ​ດັ່ງ​ປາກົດ​ມີ​ມາ​ແລ້ວ.

- Wave100S AD to Website 2020 0 - ແກ້ງຂີ່ລົດກວນເມືອງຍັງເປັນສິ່ງທ້າທາຍ
- WhatsApp Image 2020 05 27 at 5 - ແກ້ງຂີ່ລົດກວນເມືອງຍັງເປັນສິ່ງທ້າທາຍ
- WhatsApp Image 2020 05 27 at 5 - ແກ້ງຂີ່ລົດກວນເມືອງຍັງເປັນສິ່ງທ້າທາຍ
error: Alert: ເນື້ອຫາຂ່າວມີລິຂະສິດ !!