ຈະສ້າງທາງດ່ວນ 13 ໃຕ້ແລວໃໝ່

ຈະສ້າງທາງດ່ວນ 13 ໃຕ້ແລວໃໝ່ - Untitled design - ຈະສ້າງທາງດ່ວນ 13 ໃຕ້ແລວໃໝ່

ພິທີລົງນາມບົດບັນທຶກຄວາມເຂົ້າໃຈ ເພື່ອສຶກສາຄວາມເປັນໄປໄດ້ໃນໂຄງການກໍ່ສ້າງເສັ້ນທາງດ່ວນ 13 ໃຕ້ແລວໃໝ່ໃນໄລຍະທາງຍາວ 128 ກິໂລແມັດ ແຕ່ສາມແຍກທາງເລກ 9 ເຊໂນແຂວງສະຫວັນນະເຂດຫາສາມແຍກທາງເລກ 15 ນາປົ່ງແຂວງສາລະວັນ ໄດ້ມີຂຶ້ນໃນທ້າຍອາທິດຜ່ານມານີ້ທີ່ນະຄອນຫລວງວຽງຈັນ ລະຫວ່າງບໍລິສັດຮ່ວມທຶນພູສີກໍ່ສ້າງ ແລະ ພັດທະນາມະຫາຊົນ ກັບ ກຸ່ມລັດວິສາຫະກິດວິສະວະກຳກໍ່ສ້າງ ສປຈີນ, ໂດຍມີທ່ານລັດຖະມົນຕີກະຊວງໂຍທາທິການ ແລະ ຂົນສົ່ງ ບຸນຈັນ ສີນທະວົງ ເຂົ້າຮ່ວມ.

ການສໍາຫລວດຄັ້ງນີ້, ແມ່ນແຜນງານໄລຍະ III ຂອງໂຄງການກໍ່ສ້າງທາງດ່ວນເລກທີ 13 ໃຕ້ແລວທາງໃໝ່, ແຕ່ນະຄອນຫລວງວຽງຈັນຫາແຂວງຈຳປາສັກ, ເຊິ່ງໂຄງການດັ່ງກ່າວແບ່ງອອກເປັນ 4 ໄລຍະຄື: ໄລຍະທີ 1 ເລີ່ມຈາກແຂວງບໍລິຄຳໄຊຫາແຂວງຄຳມ່ວນມີໄລຍະທາງຍາວ 164 ກິໂລແມັດ, ໄລຍະທີ 2 ຈາກແຂວງຄຳມ່ວນຫາແຂວງສະຫວັນນະເຂດມີໄລຍະທາງຍາວ 117 ກິໂລແມັດ, ໄລຍະທີ 3 ຈາກແຂວງສະຫວັນນະເຂດຫາແຂວງສາລະວັນມີໄລຍະທາງຍາວ 128 ກິໂລແມັດ ແລະ ໄລຍະ 4 ຈາກແຂວງສາລະວັນຫາແຂວງຈຳປາສັກມີໄລຍະທາງ 82 ກິໂລແມັດ, ໂດຍແມ່ນບໍລິສັດຮ່ວມທຶນພູສີກໍ່ສ້າງ ແລະ ພັດທະນາມະຫາຊົນ ແລະ ກຸ່ມລັດວິສາຫະກິດ ວິສະວະກຳກໍ່ສ້າງ ສປຈີນ ເປັນຜູ້ດຳເນີນການສຳຫລວດ ແລະ ເຮັດບົດວິພາກເສດຖະກິດເຕັກນິກ ໃຫ້ສໍາເລັດໃນໄລຍະເວລາ 16 ເດືອນ.

ຈະສ້າງທາງດ່ວນ 13 ໃຕ້ແລວໃໝ່ - Wave100S AD to Website 2020 0 - ຈະສ້າງທາງດ່ວນ 13 ໃຕ້ແລວໃໝ່

ກະຊວງໂຍທາທິການ ແລະ ຂົນສົ່ງ ໃຫ້ຮູ້ວ່າ: ໃນຜ່ານມາ, ພັກ-ລັດຖະບານ, ໄດ້ໃຈໃສ່ປັບປຸງ, ກໍ່ສ້າງ ແລະ ພັດທະນາພື້ນຖານໂຄງລ່າງເລື້ອຍມາ ເພື່ອແນໃສ່ໃຫ້ການຄົມມານາຄົມ, ຂົນສົ່ງມີຄວາມສະດວກ, ທັງເປັນພື້ນຖານໃນການຮັບໃຊ້ການຜະລິດ, ການຂົນສົ່ງສິນຄ້າ, ການບໍລິການ, ການທ່ອງທ່ຽວ ເພື່ອປະກອບສ່ວນຊຸກຍູ້ການພັດທະນາເສດຖະກິດ-ສັງຄົມຂອງຊາດໃຫ້ນັບມື້ເຂັ້ມແຂງຂຶ້ນ.

ຈະສ້າງທາງດ່ວນ 13 ໃຕ້ແລວໃໝ່ - WhatsApp Image 2020 05 27 at 5 - ຈະສ້າງທາງດ່ວນ 13 ໃຕ້ແລວໃໝ່
ຈະສ້າງທາງດ່ວນ 13 ໃຕ້ແລວໃໝ່ - WhatsApp Image 2020 05 27 at 5 - ຈະສ້າງທາງດ່ວນ 13 ໃຕ້ແລວໃໝ່
error: Alert: ເນື້ອຫາຂ່າວມີລິຂະສິດ !!