ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ

ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ - advert banner 728 90 728x90 - ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ

 ໃນວັນທີ 31 ຕຸລານີ້ ເຈົ້າໜ້າທີ່ພາສີດ່ານຂົວມິດຕະພາບ 1 ( ນະຄອນຫລວງວຽງຈັນໜອງຄາຍ) ສາມາດຢຶດເງິນໂດລາສະຫະລັດໄດ້ 170.000 ໂດລາ, ໂດລາອົດສະຕຣາລີ 7.470 ໂດລາ, ເງິນເອີໂຣ 3.145 ເອີໂຣທີ່ຊຸກເຊື່ອງໃນກະເປົາເປ້ສີດໍາໃນລົດກະບະໝາຍເລກທະບຽນ ຂກ 6633 ກຳແພງນະຄອນ, ກຽມນຳເງິນຕາອອກນອກປະເທດ ເປັນມູນຄ່າສູງ ໂດຍບໍ່ໄດ້ຮັບອະນຸຍາດ.

ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ - Financedd - ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ

ອີງຕາມການລາຍຂອງທ່ານ ບຸນແອງ ພັນທະວົງ ຫົວໜ້າດ່ານພາສີສາກົນ ດັ່ງກ່າວໃຫ້ຮູ້ວ່າ:   10:25 ໂມງ ຂອງມື້ດຽວກັນນີ້ເຈົ້າໜ້າພາສີໄດ້ຮັບແຫຼ່ງຂ່າວວ່າຈະມີການລັກລອບເອົາເງິນຕາອອກນອກປະເທດ​ເປັນຈຳນວນຫລາຍ ດັ່ງນັ້ນ ພ້ອມກັນນັ້ນ, ຈຸງານກວດກາພາຫະນະ-ຜູ້ໂດຍສານ ແລະ ໜ່ວຍງານທີ່ກ່ຽວຂ້ອງໄດ້ກຽມພ້ອມກວດກາ, ພໍມາຮອດ  ເວລາ 11:37 ໂມງໄດ້ພົບເຫັນລົດເປົ້າໝາຍ, ຈຶ່ງຂໍອະນຸຍາດກວດກາລະອຽດພົບເຫັນເງິນໂດລາສະຫະລັດຈໍານວນ 170.000 ໂດລາ, ໂດລາອົດສະຕຣາລີ 7.470 ໂດລາ, ເງິນເອີໂຣ 3.145 ເອີໂຣທີ່ຊຸກເຊື່ອງໃນກະເປົາເປ້ສີດຳໃນລົດຄັນດັ່ງກ່າວ ເພື່ອກຽມນຳອອກນອກປະເທດ, ຕີເປັນມູນຄ່າເງິນກີບຫຼາຍກວ່າ 1,5 ຕື້ກີບ,  ດັ່ງນັ້ນ ເຈົ້າໜ້າທີ່ພາສີຈຶ່ງໄດ້ຢຶດໄວ້ເປັນຂອງກາງເພື່ອດຳເນີນຄະດີຕາມລະບຽບກົດໝາຍ ສ່ວນຜູ້ຕ້ອງຫາຈຳນວນ 3 ຄົນ (ຊາຍ 1, ຍິງ 2) ໄດ້ມອບໃຫ້ເຈົ້າໜ້າທີ່ ຕມ ປະຈຳດ່ານ ສືບສວນ-ສອບສວນຕາມຕາມລະບຽບການ ແລະ ກົດໝາຍຂັ້ນຕໍ່ໄປ.

ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ - IMG 8400 - ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ

ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ - Tiger Head 728x90 - ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ
ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ - 1 1 - ເຈົ້າໜ້າທີ່ພາສີຂົວມິດຕະພາບ 1 ຢຶດເງິນໂດລາ-ເງິນເອີໂຣ ເປັນມູນຄ່າຫຼາຍກວ່າ 1,5 ຕື້ກີບ

ທ່ານ ຫົວໜ້າດ່ານ  ໃຫ້ຮູ້ອີກວ່າ: ນັບແຕ່ເດືອນມັງກອນຫາເດືອນຕຸລາ 2018 ດ່ານພາສີສາກົນຂົວມິດຕະພາບ 1 (ນະຄອນຫຼວງວຽງຈັນ-ໜອງຄາຍ) ໄດ້ມີປະກົດການຫຍໍ້ທໍ້ກ່ຽວກັບຄະດີເງິນ 7 ຄະດີຕີເປັນມູນຄ່າເງິນກີບຫຼາຍກວ່າ 6 ຕື້ກວ່າກີບ ຄື ໃນວັນທີ 17 ມັງກອນ 2018 ສາມາດຢຶດໄດ້ 602.000 ບາດ, ວັນທີ 9 ເມສາ  ຢຶດໄດ້ 2 ລ້ານກວ່າບາດ, ວັນທີ 18 ພຶດສະພາ 2018 ຢຶດໄດ້ 4 ລ້ານ ບາດ, ວັນທີ 4 ກັນຍາ 2018 ຢຶດໄດ້ 230.000 ໂດລາສະຫະລັດ, ວັນທີ 20 ກັນຍາ ຢຶດໄດ້ 2 ລ້ານບາດ, ວັນທີ 29 ຕຸລາ ຢຶດໄດ້ 1,4 ລ້ານບາດ   ແລະ  ຄະດີວັນທີ 31 ຕຸລາ 2018 ນີ້.

ສຳລັບຄະດີດັ່ງກ່າວໄດ້ສະສາງໄປແລ້ວ 5 ຄະດີມີມູນຄ່າທັງໝົດ 2,66 ຕື້ກວ່າກີບ, ໄດ້ປັບໃໝ່ເງິນເຂົ້າງົບ ປະມານ 576 ລ້ານກວ່າກີບ, ຍັງຄ້າງສະສາງ 2 ຄະດີ, ຊຶ່ງປັດຈຸບັນກໍາລັງລາຍງານຂັ້ນເທິງເພື່ອຂໍທິດຊີ້ນຳໃນການແກ້ໄຂລວມມີມູນຄ່າ 3,49 ຕື້ກວ່າກີບ.

error: Content is protected !!