ຂ່າວດີ! ລາວມີແອບພລີເຄຊັນກົດໝາຍແລ້ວ

ຂ່າວດີ! ລາວມີແອບພລີເຄຊັນກົດໝາຍແລ້ວ - USA 1 - ຂ່າວດີ! ລາວມີແອບພລີເຄຊັນກົດໝາຍແລ້ວ
ຂ່າວດີ! ລາວມີແອບພລີເຄຊັນກົດໝາຍແລ້ວ - Untitled design - ຂ່າວດີ! ລາວມີແອບພລີເຄຊັນກົດໝາຍແລ້ວ

ນັບວ່າເປັນຂ່າວດີສໍາລັບຜູ້ທີ່ມັກສຶກສາ ແລະ ຊອກຮູ້ ກ່ຽວກັບກົດໝາຍຂອງ ສປປ ລາວ, ພາຍຫລັງກະຊວງຍຸຕິທໍາລາວ ແລະ ສະຖານທູດສະຫະລັດອາເມລິກາປະຈໍາລາວຮ່ວມມືກັນພັດທະນາແອບພລິເຄຊັນກົດໝາຍລາວຂຶ້ນ ແລະ ໄດ້ຈັດພິທີນໍາສະເໜີແອບດັ່ງກ່າວຢ່າງເປັນທາງການເມື່ອທ້າຍອາທິດຜ່ານມານີ້.

ທ່ານ ຄໍລິນ ກຣອສບີ ຮອງເອກອັກຄະລັດຖະທູດສະຫະລັດອາເມລິກາປະຈຳ ລາວ ໄດ້ມີຄໍາເຫັນວ່າ:​ ແອັບພລິເຄຊັນກົດໝາຍລາວນີ້, ຈະຊ່ວຍໃຫ້ນັກຮຽນ-ນັກສຶກສາ, ນັກທຸລະກິດ, ຜູ້ປະກອບການຕ່າງໆ ຕະຫລອດຮອດທຸກຊັ້ນຄົນໃນສັງຄົມ ສາມາດ ເຂົ້າເຖິງ ແລະ ຮຽນຮູ້ນິຕິກຳຕ່າງໆໄດ້ສະດວກວ່ອງໄວ ແລະ ເຂົ້າໃຈບັນດາລະບຽບກົດໝາຍທີ່ຕົນມີຄວາມສົນໃຈໄດ້ງ່າຍດາຍ ແລະ ສາມາດເອົາເປັນບ່ອນອິງສໍາຄັນໃນການຈັດຕັ້ງປະຕິບັດດ້ານລະບຽບຫລັກການຕ່າງໆຢ່າງມີປະສິດທິຜົນ. ພ້ອມນີ້, ຜູ້ທີ່ເຂົ້າໄປເບິ່ງແອບດັ່ງກ່າວຍັງສາມາດສະແດງຄວາມຄິດເຫັນຂອງຕົນຕໍ່ຮ່າງນິຕິກຳຕ່າງໆໄດ້ນຳດ້ວຍ.

ທ່ານຮອງເອກອັກຄະລັດຖະທູດອາເມລິກາ ກ່າວຕື່ມວ່າ: ແອບພລີເຄຊັນນີ້, ຈະ  ເປັນເຄື່ອງມືສໍາຄັນຊ່ວຍໃຫ້ຜູ້ປະກອບການ, ນັກລົງທຶນສົນໃຈບັນດາລະບຽບຫລັກການສຳຄັນ ເພື່ອເຂົ້າມາລົງທຶນໃນລາວຢ່າງມີປະສິດທິຜົນສູງ.

ຂ່າວດີ! ລາວມີແອບພລີເຄຊັນກົດໝາຍແລ້ວ - Wave100S AD to Website 2020 0 - ຂ່າວດີ! ລາວມີແອບພລີເຄຊັນກົດໝາຍແລ້ວ

ລັດຖະບານອາເມລິກາ, ໄດ້ໃຫ້ທຶນຊ່ວຍເຫລືອລ້າຜ່ານໂຄງການ USAID ລູ່ນ້າ 2 ໃນໄລຍະ5 ປີ ເພື່ອແນໃສ່ຊ່ວຍລັດຖະບານລາວສາມາດເຊື່ອມໂຍງເຂົ້າດັບສາກົນເທື່ອລະກ້າວ, ໂດຍການສະໜັບສະໜູນສ້າງ ແລະ ປະຕິບັດບັນດານະໂຍບາຍ, ລະບຽບຫລັກການໃຫ້ມີຄວາມໂປ່ງໃສ ແລະ ມີປະສິດຕິພາບ, ຊຶ່ງແອັບພລິເຄຊັນກົດໝາຍລາວນີ້, ສາມາດດາວໂຫລດໄດ້ທີ່ແອັບສຕໍ ແລະ ກູເກລິນເພສຕໍ.

ຂ່າວດີ! ລາວມີແອບພລີເຄຊັນກົດໝາຍແລ້ວ - WhatsApp Image 2020 05 27 at 5 - ຂ່າວດີ! ລາວມີແອບພລີເຄຊັນກົດໝາຍແລ້ວ
ຂ່າວດີ! ລາວມີແອບພລີເຄຊັນກົດໝາຍແລ້ວ - WhatsApp Image 2020 05 27 at 5 - ຂ່າວດີ! ລາວມີແອບພລີເຄຊັນກົດໝາຍແລ້ວ
error: Alert: ເນື້ອຫາຂ່າວມີລິຂະສິດ !!