ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ

ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ - 45374053 1800991153360856 771222611345539072 n - ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ
ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ - Untitled design - ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ

ພິທີເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ, ໄດ້ມີຂຶ້ນໃນວັນທີ 6 ພະຈິກນີ້, ຢູ່ບ້ານ ດອນຕິ້ວ ເມືອງ ໄຊທານີ ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ປະທານອົງການກວດກາລັດຖະບານ ແລະ ຫົວໜ້າຄະນະກໍາມະການຕ້ານສໍ້ຫຼາດບັງຫຼວງຂັ້ນສູນກາງ, ມີທ່ານເອກອັກຄະລັດຖະທູດຜູ້ມີອໍານາດ ສ ເກົາຫຼີ ປະຈໍາລາວ ແລະ ປະທານອົງການກອຍກາ ສ ເກົາຫຼີ ເຂົ້າຮ່ວມນໍາດ້ວຍ.

ເປົ້າໝາຍການພັດທະນາຂອງສູນແຫ່ງນີ້, ແມ່ນການຜັນຂະຫຍາຍຮູບແບບການພັດທະນາຊົນນະບົດແບບປະສົມປະສານ ມີສ່ວນຮ່ວມຂອງປະຊາຊົນ, ມາຈາກປະຊາຊົນ ແລະ ຮັບໃຊ້ປະຊາຊົນ, ສ້າງແນວຄິດເປັນເຈົ້າຕົນເອງ, ຊ່ວຍເຫຼືອຕົນເອງ, ມີຄວາມສາມັກຄີພາຍໃນໃຫ້ໜັກແໜ້ນ, ສ້າງຈິດໃຈປະຢັດມັດທະຍັດ (ປະຢັດຊັບພະຍາກອນ, ປະຢັດງົບປະມານ ແລະ ປະຢັດແຮງງານ), ພັດທະນາຊຸມຊົນດ້ວຍການສ້າງສະພາບແວດລ້ອມທີ່ດີ, ນໍາໃຊ້ເຕັກນິກໃໝ່ທີ່ເໝາະສົມເຂົ້າໃນການຜະລິດກະສິກໍາ ເພື່ອສ້າງລາຍຮັບທີ່ໝັ້ນຄົງໃຫ້ປະຊາຊົນ, ປົກປັກຮັກສາຮີດຄອງປະເພນີອັນດີງາມຂອງເຜົ່າຕ່າງໆ ແລະ ພັດທະນາໄປຕາມທິດສີຂຽວ, ຍືນຍົງ ແລະ ນໍາໃຊ້ຮູບແບບການພັດທະນາບ້ານດ້ວຍການປະກອບສ່ວນຂອງຊຸມຊົນ ໃນອັດຕາສ່ວນ 30% ແມ່ນປະຊາຊົນປະກອບສ່ວນ ແລະ 70% ແມ່ນໂຄງການຊ່ວຍເຫຼືອປະກອບສ່ວນ ໃນການຈັດຕັ້ງປະຕິບັດໂຄງການ ແລະ ຜັນຂະຫຍາຍຜົນສໍາເລັດຂອງຕົວແບບໂຄງການອອກສູ່ວົງກວ້າງ, ພ້ອມນີ້ກໍໄດ້ສ້າງຈິດສໍານຶກໃຫ້ຊຸມຊົນວ່າ “ພວກເຮົາສາມາດເຮັດໄດ້”.

ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ - Wave100S AD to Website 2020 0 - ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ

ໃນໂອກາດດັ່ງກ່າວ, ທ່ານ ລຽນ ທິແກ້ວ ລັດຖະມົນຕີ ກະຊວງກສິກໍາ ແລະ ປ່າໄມ້ ໄດ້ກ່າວວ່າ: ໃນນາມຕາງໜ້າໃຫ້ລັດຖະບານລາວ ກໍຄືປະຊາຊົນລາວ ຂໍສະແດງຄວາມຊົມເຊີຍ ແລະ ຂອບໃຈຢ່າງລົ້ນເຫຼືອມາຍັງລັດຖະບານ ແລະ ປາຊາຊົນ ສ ເກົາຫຼີ ທີ່ໄດ້ໃຫ້ການຊ່ວຍເຫຼືອດ້ານທຶນຮອນ ແລະ ວິຊາການໃຫ້ແກ່ໂຄງການ ພັດທະນາຊົນນະບົດແບບມີສ່ວນຮ່ວມຕາມຫຼັກແຊມວນອຸນດົງ ແລະ ທິດນໍາ 3 ສ້າງ, ໃນນັ້ນ, ມີການກໍ່ສ້າງສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດລາວ-ເກົາຫຼີ ຊຶ່ງເປັນສູນໃຫ້ບໍລິການຝຶກອົບຮົມແບບຄົບຊຸດແຫຼ່ງໜຶ່ງໃນລາວ, ສູນດັ່ງກ່າວ, ຈະຮັບໃຊ້ວຽກງານໃນການກໍ່ສ້າງຂີດຄວາມສາມາດໃຫ້ແກ່ບຸກຄະລາກອນຂອງພາກລັດ, ເອກະຊົນ ແລະ ຜູ້ນໍາຊຸມຊົນ ປະກອບສ່ວນເຂົ້າໃນການພັດທະນາຊົນນະບົດໃໝ່, ລຶບລ້າງຄວາມທຸກຍາກ, ປັບປຸງຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂຶ້ນເທື່ອລະກ້າວ. ສູນແຫ່ງນີ້, ນອກຈາກຈະເປັນບ່ອນຝຶກຝົນຫຼໍ່ຫຼອມທາງດ້ານຈິດສໍານກທີ່ຖືກຕ້ອງ ແລະ ຖ່າຍທອດຄວາມຮູ້ດ້ານວິຊາການໃຫ້ແກ່ຊາວບ້ານເປົ້າໝາຍຂອງໂຄງການໃນ 2 ແຂວງ (ແຂວງວຍງຈັນ ແລະ ສະຫວັນນະເຂດ) ແລ້ວ ຍັງເປັນສະຖານທີ່ບໍລິການດ້ານການຝຶກອົບຮົມທີ່ໄດ້ມາດຕະຖານຄົບຊຸດ. ເວົ້າລວມແລ້ວສູນດັ່ງກ່າວ, ຈະເປັນເຄື່ອງມືທີ່ສໍາຄັນໃນການຜັນຂະຫຍາຍຍຸດທະສາດ ການພັດທະນາຂະແໜງການກະສິກໍາ-ປ່າໄມ້ ແລະ ການພັດທະນາເສດຖະກິດ-ສັງຄົມ ຄັ້ງທີ VIII ໂດຍສະເພາະວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກຂອງລັດຖະບານບັນລຸຜົນຕາມລະດັບຄາດໝາຍ.

ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ - WhatsApp Image 2020 05 27 at 5 - ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ
ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ - WhatsApp Image 2020 05 27 at 5 - ເປີດນໍາໃຊ້ສູນຝຶກອົບຮົມເຕັກນິກກະສິກໍາ ແລະ ພັດທະນາຊົນນະບົດ ລາວ-ເກົາຫຼີ
error: Alert: ເນື້ອຫາຂ່າວມີລິຂະສິດ !!