ທ່ານ ມາກຣົງ ສາບານຕົນຮັບຕຳແໜ່ງປະທານາທິບໍດີຝຣັ່ງ

- advert banner 728 90 728x90 - ທ່ານ ມາກຣົງ ສາບານຕົນຮັບຕຳແໜ່ງປະທານາທິບໍດີຝຣັ່ງ
- 96050412 3466a0d5 e176 4b02 8f38 d5100d0eb6f3 300x169 - ທ່ານ ມາກຣົງ ສາບານຕົນຮັບຕຳແໜ່ງປະທານາທິບໍດີຝຣັ່ງ
ທ່ານ ເອັມມານູເອລ ມາກຣົງ (ຂວາ) ໄດ້ຮັບມອບສາຍຄໍ ພະສໍທີ່ຈັກກະພັດດິນໂປລຽນທີ 1 ເຄີຍໃສ່

​ທ່ານ ​ເອັມມາ​ນູ​ເອລ ມາກຣົງ ປະທານາທິບໍດີ​ຄົນ​ໃໝ່​ຂອງຝຣັ່ງ ຮັບປາກ​ວ່າ​ຈະ​ເຮັດ​ໃຫ້​ສະ​ຫະພາບ​ເອີຣົບ​ເກີດ​ການ​ປະຕິ​ຮູບ​ພາຍ​ໃນ​ໄລຍະ​ເວລາ​ທີ່​ທ່ານ​ດຳລົງ​ຕຳ​ແໜ່​ງ ​ແລະ ຈະ​ກອບ​ກູ້​ຖານະ​ຂອງຝຣັ່ງ​ໃນ​ລະດັບ​ໂລກ​ກັບ​ຄືນ​ມາ ລະຫວ່າງ​ທີ່​ສາບານ​ຕົນ​ເຂົ້າຮັບ​ຕຳ​ແໜ່​ງຢ່າງ​ເປັນ​ທາງ​ການ.

- new3 - ທ່ານ ມາກຣົງ ສາບານຕົນຮັບຕຳແໜ່ງປະທານາທິບໍດີຝຣັ່ງ

ປະທານາທິບໍດີ​ອາຍຸ 39 ປີ​ຂອງຝຣັ່ງ ກ່າວ​ວ່າ: ການ​ເຂົ້າມາ​ດຳລົງ​ຕຳ​ແໜ່​ງຂອງ​ທ່ານ​ຈະ​ເຮັດ​ໃຫ້​ຊາວ​ຝຣັ່ງກັບ​ມາ​ມີ​ຄວາມ​ໝັ້ນ​ໃຈ​ໃນ​ຕົນ​ເອງ​ອີກ​ເທື່ອ​ໜຶ່ງ ​ແລະ ຮັບປາກ​ວ່າ​ຈະ​ຕ້ອງ​ເຫັນ​ສະຫະພາບ​ເອີຣົບ ຫລື EU “ປະຕິຮູບ ​ແລະ ​ເລີ່​ມຕົ້ນ​ໃໝ່” ພາຍ​ໃນ​ສະ​ໄໝ​ທີ່​ທ່ານ​ເປັນ​ປະທານາທິບໍດີຝຣັ່ງ ​ໂດຍ​ທ່ານ​ຮັບ​ຕຳ​ແໜ່​ງຕໍ່​ຈາກ​ທ່ານ ຟຣັງຊົວ ​ໂອນ​ລອງ ​ເຊິ່ງ​ໃນ​ໄລຍະ​ທີ່​ທ່ານ​ດຳລົງ​ຕຳ​ແໜ່​ງ 5 ປີ ຜະ​ເຊີ​ນກັບ​ອັດຕາ​ຫວ່າງ​ວຽກ​ທີ່​ສູງ​ໃນ​ປະ​ເທດ.

ທ່ານ ມາກຣົງ ​ໄດ້​ຮັບ​ການ​ປະກາດ​ໃຫ້​ເປັນ​ປະທານາທິບໍດີ​ຄົນ​ໃໝ່​ຂອງຝຣັ່ງ, ພາຍຫລັງ​ຊະນະ​ການ​ເລືອກ​ຕັ້ງປະທານາທິບໍດີ​ຝຣັ່ງ ຊະນະ​ທ່ານ​ນາງ ມາຣີນ ​ເລີ ​ເປ ຈາກ​ພັກ​ເນ​​ເຊິ​ນ​ແນວ​ຟຣອນ ​ໃນ​ອາທິດ​ກ່ອນ ດ້ວຍ​ຄະ​ແນນ​ສຽງ 66%.

ທ່ານ ມາກຣົງ ​ເຊິ່ງ​ບໍ່​ເຄີຍ​ລົງ​ເລືອກ​ຕັ້ງມາ​ກ່ອນ ​ແລະ ຫາ​ກໍ​ຕັ້ງກຸ່ມ​ເຄື່ອນ​ໄຫວ​ທາງ​ການ​ເມືອງ​ສາຍ​ກາງ​ເມື່ອ 1 ປີ​ກ່ອນ​ໜ້າ​ເທົ່າ​ນັ້ນ ຮັບປາກ​ວ່າ​ຈະ​ຈັດ​ລະບຽບ​ທາງ​ການ​ເມືອງ​ຂອງ​ປະ​ເທດ​ໃໝ່ ​ແລະ ກະ​ຕຸ້ນ​ເສດຖະກິດ.

- 96050413 007c6d6f 9deb 460a b5ed 969c6ec832ce 300x169 - ທ່ານ ມາກຣົງ ສາບານຕົນຮັບຕຳແໜ່ງປະທານາທິບໍດີຝຣັ່ງ
ປະທານາທິບໍດີຄົນໃໝ່ຢືນຢູ່ໃນລົດຂອງທະຫານເຄື່ອນທີ່ຢູ່ຖະໜົນຊອງເອລິເຊ

​ໃນ​ໄລຍະ​ຈັດ​ພິທີ​ສາບານ​ຕົນ​ເຂົ້າຮັບ​ຕຳ​ແໜ່​ງຢູ່​ທຳນຽບປະທານາທິບໍດີ ມີ​ການ​ຮັກສາ​ຄວາມ​ປອດ​ໄພ​ຢ່າງ​ເຂັ້ມງວດ​ທົ່ວ​ນະຄອນຫລວງ​ປາຣີ ​ໂດຍ​​​ໄດ້​ສົ່ງ​ຕຳຫລວດ​ອອກ​ລາດຕະ​ເວນ​ຫລາຍ​ຮ້ອຍ​ຄົນ.

ຝຣັ່ງຍັງ​ຢູ່​ພາຍ​ໃນ​ສະຖານະ​ການ​ສຸກ​ເສີນ ນັບ​ແຕ່​ເກີດ​ການ​ໂຈມ​ຕີ​​ໃນ​ປີ 2015 ​ແລະ ມີ​ການ​ປິດ​ພື້ນທີ່​ບໍລິ​ເວນ​ກວ້າງ​ໃຈກາງ​ເມືອງ​​ໃນ​ຕອນ​ເຊົ້າ.

ລະຫວ່າງ​ການ​ກ່າວ​ປາ​ໄສ​ເຂົ້າຮັບ​ຕຳ​ແໜ່​ງ, ປະທານາທິບໍດີ ມາກຣົງ ຮັບປາກ​ວ່າ​ຈະ​ຟື້ນຟູ​ຄວາມ​ເຊື່ອ​ໝັ້ນຂອງ​ປະຊາຊົນ​ທີ່​ມີ​ຕໍ່​ອະນາຄົດ​ຂອງ​ປະ​ເທດ.

“ຕ້ອງ​ເອົາ​ຊະນະ​ການ​ແຕກ​ແຍກ​ໃນ​ສັງຄົມ​ໃຫ້​ໄດ້” ປະທານາທິບໍດີ​ສາຍ​ກາງ​ກ່າວ.

- lattana 1 - ທ່ານ ມາກຣົງ ສາບານຕົນຮັບຕຳແໜ່ງປະທານາທິບໍດີຝຣັ່ງ

ທ່ານ​ປະກາດ​ອີກ​ວ່າ: ​“​ໂລກ ​ແລະ ​ເອີຣົບຕ້ອງການ​ຝຣັ່ງຫລາຍ​ກວ່າ​ທີ່​ເຄີຍ​ເປັນ​ມາ ​ແລະ ຕ້ອງການ​ຝຣັ່ງທີ່​ແຂງ​ແຮງ ​ເຊິ່ງມີ​ເສລີພາບ ​ແລະ ການ​ເປັນນ້ຳໜຶ່ງ​ໃຈ​ດຽວ​ກັນ”.

- 96050410 eeb45d46 df10 44ce 9e53 d0d6a57d9113 300x169 - ທ່ານ ມາກຣົງ ສາບານຕົນຮັບຕຳແໜ່ງປະທານາທິບໍດີຝຣັ່ງ
ທ່ານ ຟຣັງຊົວ ໂອນລອງ ອວຍພອນໃຫ້ຜູ້ດຳລົງຕຳ ແໜ່ງປະທານາທິບໍດີຝຣັ່ງຕໍ່ຈາກທ່ານໂຊກດີ ພາຍ ຫລັງສົ່ງມອບລະຫັດນິວເຄຼຍໃຫ້

ກ່ອນ​ພິທີ​ຈະ​ເລີ່​ມຂຶ້ນ, ທ່ານ ມາກຣົງ ​ໄດ້​ໃຊ້​ເວລາ​ເກືອບ​ໜຶ່ງ​ຊົ່ວ​ໂມງ​ກັບ​ທ່ານ ​ໂອນ​ລອງ ປະທານາທິບໍດີ​ຝຣັ່ງຄົນ​ກ່ອນ​ໜ້າ ​ເຊິ່ງ​ໄດ້​ສົ່ງ​ມອບ​ລະຫັດ​ນິວ​ເຄຼຍ​ໃຫ້​ແກ່​ທ່ານ ​ໂດຍ​ທ່ານ ​ໂອນ​ລອງ ​ເປັນ​ຜູ້ທີ່​ນຳທ່ານ​ ມາກຣົງ ​ເຂົ້າສູ່​ເສັ້ນທາງ​ການ​ເມືອງ ​ໂດຍ​ການ​ແຕ່ງຕັ້ງ​ໃຫ້​ທ່ານ​ເປັນ​ທີ່​ປຶກສາ ​ແລະ ຕໍ່​ມາ​ໄດ້​ເປັນ​ລັດຖະມົນຕີ​ເສດຖະກິດ.

ອາຍຸ 39 ປີ ທ່ານ ມາກຣົງ ຈະ​ກາຍ​ເປັນ​ຜູ້ນຳ​ທີ່​ອາຍຸ​ນ້ອຍ​ທີ່​ສຸດ​ຂອງຝຣັ່ງ ນັບ​ແຕ່​ຈັກ​ກະ​ພັດ​ດິ​ນ​ໂປ​ລຽນ ​​ແລະ ​ເປັນ​ຜູ້ນຳ​ຄົນ​ທຳ​ອິດ​ທີ່​ເກີດ​ຫລັງ​ປີ 1958 ​ເຊິ່ງ​ເປັນ​ການ​ເລີ່​ມຍຸກສາທາລະນະ​ລັດ​ຝຣັ່ງທີ 5.

- 96050411 4189a592 d40a 4d8a 8f9f 7f3d7970910b 300x169 - ທ່ານ ມາກຣົງ ສາບານຕົນຮັບຕຳແໜ່ງປະທານາທິບໍດີຝຣັ່ງ
ເລື່ອງຄວາມຮັກຂອງທ່ານ ມາກຣົງ ກັບທ່ານນາງ ບຣິຈິດ ແມ່ຍິງໝາຍເລກ 1 ຂອງຝຣັ່ງດຶງດູດຄວາມ ສົນໃຈຈາກຊາວໂລກ

ພັກ​ອອງມາ​ຂອງ​ທ່ານ​ສ້າງຕັ້ງຂຶ້ນ​ໃນ​ປີຜ່ານມາ ​ແລະ ຈະ​ສົ່ງ​ຜູ້​ສະໝັກ​ລົງ​ເລືອກ​ຕັ້ງສະມາຊິກ​ລັດຖະສະພາ​ໃນ​ເດືອນ​ມິຖຸນາ​ນີ້​ເກືອບ​ຄົບ​ຕາມ​ຈຳນວນ​ບ່ອນ​ນັ່ງ​ໃນ​ລັດຖະສະພາ ​ເຊິ່ງມີ​ສະມາຊິກ 577 ຄົນ.

ທ່ານ ມາກຣົງ ມີ​ກຳນົດ​ເດີນທາງ​ຢ້ຽມຢາມ​ນະຄອນຫລວງ​ແບັກ​ແລັງ​ຂອງ​ເຢຍລະ​ມັນ​ໃນ​ວັນ​ທີ 15 ພຶດສະພາ​ນີ້ ​ເພື່ອ​ຫາລື​ກັບ​ທ່ານ​ນາງ ອັງ​ເກ​ລາ ​ແມຣ​ເຄິລ ນາຍົກລັດຖະມົນຕີ​ເຢຍລະ​ມັນ ​ແລະ ສະ​ແດ​ງ​ໃຫ້​ເຫັນ​ເຖິງ​ພັນທະ​ສັນຍາ​ທີ່​ມີ​ຕໍ່​ສະຫະພາບ​ເອີຣົບ.

ປະທານາທິບໍດີ​ຝຣັ່ງຜະ​ເຊີນ​ກັບ​ຄວາມ​ທ້າ​ທາຍ​ທີ່​ສຳຄັນ​ຫລາຍ​ຢ່າງ ລວມທັງ​ອັດຕາ​ການ​ຫວ່າງ​ວຽກ​ສູງ ​ໂດຍ​ສະ​ເພາະ​ໃນກຸ່ມ​ໄວ​ໜຸ່ມ​ຂອງຝຣັ່ງ ​ແລະ ການ​ເຕີບ​ໃຫຍ່​ທາງ​ເສດຖະກິດ​ທີ່​ຕໍ່າ.

error: Content is protected !!