ບຳລຸງຄວາມຈື່ຈຳໃຫ້ດີຂຶ້ນໂດຍ 4 ແຫລ່ງໂປຣຕິນ

- advert banner 728 90 728x90 - ບຳລຸງຄວາມຈື່ຈຳໃຫ້ດີຂຶ້ນໂດຍ 4 ແຫລ່ງໂປຣຕິນ
  1. ປາ : ເຄີຍໄດ້ຍິນແມ່ນບໍ່ວ່າກິນປາແລ້ວຈະສະຫລາດ ເຊິ່ງຊີ້ນປາອຸດົມໄປດ້ວຍກົດອະມິໂນໄທໂຣຊິນ ເປັນກົດອະມິໂນທີ່ຮ່າງກາຍສັງເຄາະໄດ້ ມີບົດບາດໃນການກະຕຸ້ນ ແລະ ປັບປ່ຽນການເຮັດວຽກຂອງສະໝອງສາມາດ ປ່ຽນແປງຟື້ນຟູຄວາມຈຳ ແລະ ສານດີເອັດເອ ຄືກົດໄຂມັນຊະນິດບໍ່ອີ່ມໂຕ ເຊິ່ງຈຳເປັນຕໍ່ຮ່າງກາຍ ສານດັ່ງກ່າວນີ້ຈະຊ່ວຍໃນການພັດທະນາສະໝອງ ແລະ ສາຍຕາຊ່ວຍເສີມສ້າງຄວາມຈື່ຈຳ ແລະ ການຮຽນຮູ້ ທັງນີ້ຍັງຊ່ວຍປ້ອງກັນອາການສະໝອງເສື່ອມໄດ້ນຳອີກ ເຊິ່ງການກິນຊີ້ນປາ ບໍ່ວ່າຈະເປັນປາທະເລນຳ້ເລິກ ຫລື ວ່າປານຳ້ຈືດສາມາດເອົາມາປຸງແຕ່ງອາຫານເພື່ອສຸຂະພາບດ້ວຍວິທີທີ່ດີຕໍ່ສຸຂະພາບ ເຊັ່ນ : ການຕົ້ມ, ການປີ້ງ, ການໜຶ້ງ ໄດ້ຫລາກຫລາຍລາຍການອາຫານ ເຊິ່ງປາເປັນແຫ່ລງໂປຣຕິນທີ່ດີ ທັງຍັງຍ່ອຍງ່າຍນຳອີກ.
  2. ໄຂ່ : ຖືເປັນແຫ່ລງໂປຣຕິນທີ່ດີ ເພາະອຸດົມໄປດ້ວຍວິຕາມິນ ແລະ ເກືອແຮ່. ສິ່ງຄຳສັນປະກອບດ້ວຍໂປຣຕິນ 6,3 ກຣາມ, ໄຂມັນ, ວິຕາມິນອາ, ວິຕາມິນເບ, ວິຕາມິນເດ, ວິຕາມິນເອີ, ຟົສຟໍ, ທາດເຫລັກ, ທາດການຊຽມ, ສັງກະສີ, ໄອໂອດີນ, ຊິລິນຽມ ທັງນີ້ໃນໄຂ່ແດງຍັງປະກອບໄປດ້ວຍໂຄລີນ ເຊິ່ງໂຄລີນເປັນສ່ວນປະກອບໃນເລຊິຕິນເປັນສານຈຳເປັນທີ່ຮ່າງກາຍຈະນຳໄປໃຊ້ເພື່ອສ້າງສານສື່ປະສາດ ມີສ່ວນຊ່ວຍໃນຂະບວນການສົ່ງກະແສປະສາດ ໂດຍສະເພາະໃນສະໝອງພາກສ່ວນທີ່ເຮັດວຽກດ້ານຄວາມຈື່ຈຳ.
  3. ນົມຖົ່ວເຫລືອງ : ນົມຖົ່ວເຫລືອງຖືເປັນເຄື່ອງດື່ມບຳລຸງສະໝອງທີ່ດີຄືກັນ ໃນນົມຖົ່ວເຫລືອງປະກອບໄປດ້ວຍວິິຕາມິນອາ, ວິຕາມິນເບ, ເບ 1, ເບ 2, ເບ 6, ເບ 12, ຄາໂບໄຮເດຣດ, ທາດການຊຽມ, ຟົສຟໍ, ໄນອາຊິນ ແລະ ເລຊິຕິນທ່ີເປັນສານບຳລຸງສະໝອງ, ເສີມສ້າງປະສິດທິພາບໃນເລື່ອງຄວາມຈື່ຈຳ ແລະ ປ້ອງກັນຄວາມຈື່ຈຳເສື່ອມ.
  4.   ພືດຕະກູນຖົ່ວ : ຖົ່ວຖືໄດ້ວ່າເປັນໂປຣຕິນທີ່ດີເຊັ່ນກັນ ບໍ່ວ່າຈະແມ່ນຖົ່ວດິນ, ຖົ່ວອາວມັອນ ແລະອື່ນໆ ເຊິ່ງໃນຖົ່ວຈະມີວິຕາມິນເອີທີ່ມີສ່ວນຊ່ວຍໃນການເສີມສ້າງຄວາມຈື່ຈຳ.
- new3 - ບຳລຸງຄວາມຈື່ຈຳໃຫ້ດີຂຶ້ນໂດຍ 4 ແຫລ່ງໂປຣຕິນ
- lattana 1 - ບຳລຸງຄວາມຈື່ຈຳໃຫ້ດີຂຶ້ນໂດຍ 4 ແຫລ່ງໂປຣຕິນ
error: Content is protected !!