ກອງປະຊຸມໂຕະມົນ ປະຈໍາປີ 2018 ຈະໄຂຂຶ້ນໃນຕົ້ນເດືອນທັນວານີ້ ທີ່ນະຄອນຫຼວງວຽງຈັນ

- advert banner 728 90 728x90 - ກອງປະຊຸມໂຕະມົນ ປະຈໍາປີ 2018 ຈະໄຂຂຶ້ນໃນຕົ້ນເດືອນທັນວານີ້ ທີ່ນະຄອນຫຼວງວຽງຈັນ

ໃນວັນທີ 9 ພະຈິກນີ້, ທ່ານ ກິແກ້ວ ຈັນທະບູລີ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ ນາງ ຄາຣິນາ ອິມໂມເມັນຜູ້ປະສານອົງການອົງການສະຫະປະຊາຊາດ ແລະ ທັງເປັນຜູ້ຕາງໜ້າອົງການສະຫະປະຊາຊາດເພື່ອການພັດທະນາ ໄດ້ຖະແຫຼງໃຫ້ຮູ້ວ່າ: ກອງປະຊຸມໂຕະມົນປີນີ້ ຈະໄດ້ໄຂຂຶ້ນໃນວັນທີ 4-5 ທັນວານີ້, ທີ່ນະຄອນຫຼວງວຽງຈັນ, ຈະໄດ້ທົບທວນກາງສະໄໝຂອງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII, ພາຍໃຕ້ຫົວຂໍ້ຫຼັກຄື: ການເຕີບໂຕທາງດ້ານເສດຖະກິດແບບມີສ່ວນຮ່ວມ ແລະ ຍືນຍົງ, ການພັດທະນາຊັບພະຍາກອນມະນຸດ ແລະ ສັງຄົມ, ຊັນພະຍາກອນທໍາມະຊາດ ການຄຸ້ມຄອງສິ່ງແວດລ້ອ ແລະ ການກະກຽມຮັບມືກັບໄພພິບັດ ແລະ ການຄຸ້ມຄອງລັດດ້ວຍກົດໝາຍ ແລະ ບັນຫາໄວໜຸ່ມ-ຍິງ-ຊາຍ.

ໃນກອງປະຊຸມຍັງຈະໄດ້ປຶກສາຫາລືກ່ຽວກັບຜົນຂອງການປະເມີນຄວາມຕ້ອງການຫຼັງເກີດໄພພິບັດທີ່ເກີດຂຶ້ນໃນທົ່ວປະເທດ ຊຶ່ງໄດ້ທໍາການປະເມີນຮ່ວມກັນ ໂດຍກະຊວງແຮງງານ ແລະ ສະຫວັດດີການສັງຄົມ, ອົງການສະຫະປະຊາຊາດເພື່ອການພັດທະນາ, ທະນາຄານໂລກ ແລະ ສະຫະພາບເອີລົບ ເພື່ອປະເມີນຜົນກະທົບຂອງໄພພິບັດທີ່ເກີດຂຶ້ນເມື່ອບໍ່ດົນມານີ້. ການຕັດສິນໃຈກ່ຽວກັບທິດທາງໃນຕໍ່ໜ້າສໍາລັບການຟື້ນຟູ ແລະ ການກໍ່ສ້າງສິ່ງຕ່າງໆຄືນ ລວມທັງການສະໜອງດ້ານງົບປະມານ ຈະເປັນບັນຫາຫຼັກຂອງການແລກປ່ຽນຄໍາຄິດຄໍາເຫັນໃນຄັ້ງນີ້. ພ້ອມທັງຈະໄດ້ປຶກສາຫາລື ຜົນໄດ້ຮັບຈາກບົດລາຍງານແຫ່ງຊາດແບບສະໝັກໃຈກ່ຽວກັບການຈັດຕັ້ງປະຕິບັດເປົ້າໝາຍພັດທະນາແບບຍືນຍົງຂອງ ສປປ ລາວ ແລະ ມາດຕະການທີ່ເປັນບູລິມະສິດ ເພື່ອບັນລຸວາລະຂອງການພັດທະນາ ປີ 2030. ພ້ອມນີ້, ຄະນະຜູ້ແທນກອງປະຊຸມຍັງຈະຕິດຕາມຄວາມຄືບໜ້າຂອງການພັດທະນາ ແລະ ຮູບແບບໃໝ່ຂອງການເປັນຄູ່ຮ່ວມມືລະຫວ່າງພາດລັດ-ພາກເອກະຊົນອີກດ້ວຍ.

- lattana 1 - ກອງປະຊຸມໂຕະມົນ ປະຈໍາປີ 2018 ຈະໄຂຂຶ້ນໃນຕົ້ນເດືອນທັນວານີ້ ທີ່ນະຄອນຫຼວງວຽງຈັນ
- 1 1 - ກອງປະຊຸມໂຕະມົນ ປະຈໍາປີ 2018 ຈະໄຂຂຶ້ນໃນຕົ້ນເດືອນທັນວານີ້ ທີ່ນະຄອນຫຼວງວຽງຈັນ
error: Content is protected !!