ຜົນຜະລິດສະບຽງອາຫານປີນີ້ຈະບໍ່ບັນລຸໄດ້ຕາມຄາດໝາຍວາງໄວ້

- advert banner 728 90 728x90 - ຜົນຜະລິດສະບຽງອາຫານປີນີ້ຈະບໍ່ບັນລຸໄດ້ຕາມຄາດໝາຍວາງໄວ້

ຫົວໜ້າກົມຄຸ້ມຄອງ ແລະ ພັດທະນາທີ່ດິນກະສິກໍາ ກະຊວງກະສິກໍາ ແລະ ປ່າໄມ້ ໃຫ້ຮູ້ວ່າ: ສະພາບນໍ້າຖ້ວມໃນລະດູຝົນຜ່ານມາ, ທົ່ວປະເທດ ມີເນື້ອທີ່ນາປີຖືກຜົນກະທົບຫຼາຍກວ່າ 101.000 ແຮັກຕາ ກວມເອົາປະມານ 12% ຂອງເນື້ອທີ່ປັກດໍາທັງໝົດ ສ່ວນພື້ນທີ່ຜະລິດກະສິກໍາອື່ນໆ ຄາດວ່າເສຍຫາຍປະມານ 90 ພັນກວ່າແຮັກຕາ ເທົ່າກັບ 12% ຂອງ ເນື້ອທີ່ປັກດໍາໃນລະດູຝົນ 2018 ຊຶ່ງເຫັນວ່າເກີນຄ່າເຕືອນໄພ ຂອງຄະນະກໍາມະການປະກັນຄວາມໝັ້ນຄົງ ທາງດ້ານສະບຽງອາຫານຂອງຊາດ ແລະ ຄາດວ່າຈະບໍ່ໄດ້ຕາມແຜນການ 3,5 ລ້ານໂຕນ, ສະນັ້ນເພື່ອຟື້ນຟູການຜະລິດ ຕ້ອງປູກເຂົ້ານາແຊງໃຫ້ໄດ້ 1 ແສນແຮັກຕາ (ປີຜ່ານມາ 80-90 ພັນແຮັກຕາ) ແລະ ພືດໃຫ້ໄດ້ 185 ພັນແຮັກຕາ.

ຕໍ່ບັນຫາດັ່ງກ່າວກົມຄຸ້ມຄອງ ແລະ ພັດທະນາທີ່ດິນກະສິກໍາ ໄດ້ມີແຜນກະກຽມຈັດຫາປັດໄຈການຜະລິດເປັນຕົ້ນແມ່ນ ແນວພັນ ແລະ ຝຸ່ນທີ່ຈະນໍາໃຊ້ເຂົ້າໃນການຍົກສະມັດຕະພາບເຂົ້ານາແຊງ ແລະ ພືດອື່ນໆ,  ພ້ອມທັງສ້າງເອກະສານ ແນະນໍາເຕັກນິກການໃສ່ຝຸ່ນທີ່ຖືກຕ້ອງ, ນອກນີ້, ຍັງໄດ້ສ້າງຈຸດສາທິດ ຍົກສະມັດຕະພາບການຜະລິດເຂົ້າ ແລະ ພືດລະດູແລ້ງ 2018-2019 ໃນບັນດາເມືອງຈຸດສຸມຄື: ແຂວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ ແລະ ຈໍາປາສັກ. ນອກນີ້, ໄດ້ລົງສໍາຫຼວດເກັບກໍາຂໍ້ມູນການກໍານົດແຜນຟື້ນຟູການຜະລິດຢູ່ເຂດໄພພິບັດທາງທໍາມະຊາດ ແລະ ລົງສໍາຫຼວດພື້ນທີ່ດິນກະສິກໍາຢູ່ 4 ເຂດບ້ານຈັດສັນໃໝ່ ຄື: ເຂດບ້ານຕະມໍຢອດ, ເຂດປິ່ນດົງ, ດອກບົກ ແລະ ເຂດດົງດາກ ຢູ່ເມືອງສະໜາມໄຊ ແຂວງອັດຕະປື.

- 1 1 - ຜົນຜະລິດສະບຽງອາຫານປີນີ້ຈະບໍ່ບັນລຸໄດ້ຕາມຄາດໝາຍວາງໄວ້
- lattana 1 - ຜົນຜະລິດສະບຽງອາຫານປີນີ້ຈະບໍ່ບັນລຸໄດ້ຕາມຄາດໝາຍວາງໄວ້

ສ່ວນແຜນການໄລຍະຍາວ, ແມ່ນຈະໄດ້ຈັດຕັ້ງທີມງານສໍາຫຼວດພື້ນທີ່ດິນນາທີ່ເສຍຫາຍຈາກການເຊາະເຈື່ອນຂອງດິນ, ເນື້ອທີ່ນາຖືກທັບຖົມດ້ວຍດິນ ຫຼືຫີນ ແລະ ຖືກທັບຖົມດ້ວຍສິ່ງອື່ນໆ ວ່າຍັງສາມາດບຸກເບີກເປັນນາອີກ ຫຼືບໍ່ ຖ້າບໍ່ສາມາດເຮັດນາໄດ້ ແມ່ນຫັນປ່ຽນໄປປູກພືດປະເພດອື່ນ ແລະ ຄວນປັບປຸງດິນຄືນໃໝ່.

error: Content is protected !!