ລາວ-ອາເມລິກາ ຍົກສູງການຮ່ວມມືວຽກງານສາທາລະນະສຸກ

- Laos America Health - ລາວ-ອາເມລິກາ ຍົກສູງການຮ່ວມມືວຽກງານສາທາລະນະສຸກ
- AGL banner - ລາວ-ອາເມລິກາ ຍົກສູງການຮ່ວມມືວຽກງານສາທາລະນະສຸກ

ໃນທ້າຍອາທິດຜ່ານມານີ້, ທ່ານລັດຖະມົນຕີກະຊວງສາທາລະນະສຸກ ບຸນກອງ ສີຫາວົງ ໄດ້ພົບປະກັບທ່ານ ອີຣິກ ຮາແກນ ຮອງລັດຖະມົນຕີກະຊວງສາທາລະນະສຸກສະຫະລັດອາເມລິກາ ເພື່ອປຶກສາຫາລືກ່ຽວກັບການຍົກສູງການຮ່ວມມຶືດ້ານສາທາລະນະສຸກລະຫວ່າງສອງປະເທດ, ໂດຍສະເພາະຄວາມພະຍາຍາມລະດັບສາກົນໃນການຕ້ານ ແລະ ສະກັດກັ້ນໄພຂົ່ມຂູ່ຈາກພະຍາດຊືມເຊື້ອຕ່າງໆ. ໂດຍສະເພາະພະຍາດໄຂ້ຫວັດສັດປີກ ແລະ ໄຂ້ຫວັດໃຫຍ່ສາຍພັນໃໝ່, ການຕ້ານຕໍ່ຢາຂອງໄຂ້ມາເລເຣຍ, ໄຂ້ເລືອດອອກ, HIV/AIDS ແລະ ວັນນະໂລກ.

ໃນໂອກາດນີ້, ທ່ານເອກອັກຄະລັດຖະທູດສະຫະລັດອາເມລິກາປະຈໍາລາວ ນາງ ຣີນາ ບິດເຕີ ໄດ້ມີຄໍາເຫັນວ່າ: ສະຫະລັດອາເມລິກາ ມີຄວາມມຸ່ງໝັ້ນສືບຕໍ່ເພີ່ມທະວີຮ່ວມມືກັບລັດຖະບານລາວໃນວຽກງານສາທາລະນະສຸກ ແລະ ການພັດທະນາທີ່ຍືນຍົງ.

ໃນໂອກາດມາຢ້ຽມຢາມ ແລະ ເຮັດວຽກຢູ່ລາວຄັ້ງນີ້, ທ່ານຮອງລັດຖະມົນຕີກະຊວງສາທາລະນະສຸກສະຫະລັດອາເມລິກາ ໄດ້ໄປຢ້ຽມຢາມບັນດາໂຮງໝໍ ແລະ ຫ້ອງວິເຄາະການແພດຕ່າງໆ ເພື່ອເບິ່ງໂຄງການຝຶກອົບຮົມດ້ານວິຊາການ ທີ່ສະໜັບສະໜູນໂດຍລັດຖະບານອາເມລິກາ ເພື່ອແນໃສ່ສ້າງຄວາມເຂັ້ມແຂງໃຫ້ແກ່ແພດລາວໃນການປ້ອງກັນ, ຄົ້ນຫາ, ການກຽມຄວາມພ້ອມ ແລະ ຕອບໂຕ້ ຕໍ່ເຫດການສຸກເສີນຕ່າງໆດ້ານສາທາລະນະສຸກ ແລະ ນອກຈາກການຮ່ວມເພື່ອການຕໍ່ສູ້ກັບພະຍາດຊືມເຊື້ອແລ້ວ, ລັດຖະບານອາເມລິກາ ຍັງໄດ້ສະໜັບສະໜູນໂຄງການອື່ນໆທີ່ກ່ຽວພັນກັບການບໍລິການສຸຂະພາບຂອງປະຊາຊົນລາວ ເປັນຕົ້ນການສົ່ງເສີມດ້ານໂພຊະນາການ, ສະໜອງນໍ້າສະອາດ, ວິດຖ່າຍ ແລະ ສຸຂະອານາໄມ, ສຸຂະພາບແມ່ ແລະ ເດັກ, ສະໜັບສະໜູນຄົນພິການ ແລະ ການລ້ຽງອາຫານໃນໂຮງຮຽນອີກດ້ວຍ.

 

- Wave100S AD to Website 2020 0 - ລາວ-ອາເມລິກາ ຍົກສູງການຮ່ວມມືວຽກງານສາທາລະນະສຸກ

 

- lattana 1 - ລາວ-ອາເມລິກາ ຍົກສູງການຮ່ວມມືວຽກງານສາທາລະນະສຸກ
error: Alert: Content is protected !!