ສິງກະໂປຮຽກຮ້ອງອາຊຽນ ເພີ່ມບູລະນະການທາງການຄ້າ

- f6dd3026960f208c8c8cecf39e17b5fb - ສິງກະໂປຮຽກຮ້ອງອາຊຽນ ເພີ່ມບູລະນະການທາງການຄ້າ
- AGL banner - ສິງກະໂປຮຽກຮ້ອງອາຊຽນ ເພີ່ມບູລະນະການທາງການຄ້າ

ນາຍົກລັດຖະມົນຕີສິງກະ​ໂປ​ຮຽກຮ້ອງ​ສະມາຊິ​ກອາ​ຊຽນຮ່ວມ​ກັນ​ສົ່ງ​ເສີມ​ປະສິດທິພາບ​ທາງ​ການ​ຄ້າ ​ໂດຍ​ການ​ເພີ່ມ​ການ​ເຊື່ອມ​ໂຍງ​ທາງ​ເສດຖະກິດ​ພາຍ​ໃນ​ພາກພື້ນ ​ແລະ ​ເປີດ​ຕະຫລາດ​ຮັບ​ການ​ລົງທຶນ​ຈາກ​ພາຍ​ນອກ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ນາຍົກລັດຖະມົນຕີ ລີຊຽນລຸງ ກ່າວ​ໃນ​ເວທີ​ກອງ​ປະຊຸມ​ທຸລະ​ກິດ ​ແລະ ການ​ລົງທຶນ​ອາ​ຊຽນ (​ເອບິ​ສ) ​ເຊິ່ງ​ເປັນ​ໜຶ່ງ​ໃນ​ກອງ​ປະຊຸມ​ທີ່​ກ່ຽວຂ້ອງ​ກັບ​ກອງ​ປະຊຸມ​ສຸດ​ຍອດ​ຜູ້ນຳ​ສະມາຊິກ​ສະມາຄົມ​ປະຊາ​ຊາດ​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ແລະ ປະ​ເທດ​ຄູ່​ເຈລະຈາ ​ເຊິ່ງສິງກະ​ໂປ​ໃນ​ຖານະ​ປະທານ​ປະຈຳ​ປີ​ນີ້​ເປັນ​ເຈົ້າພາບ​​ວ່າ: ອາຊີ​ຕາ​ເວັນ​ອອກສຽງ​ໃຕ້​ເປັນ​ພາກພື້ນທີ່​ມີ​ປະສິດທິພາບ​ທາງ​ການ​ຄ້າ​ໃນ​ລະດັບ​ສູງ, ​ແຕ່​ຂຶ້ນຢູ່​ກັບ​ແຕ່ລະ​ປະ​ເທດ​ໃນ​ພາກພື້ນນຳ​ອີກ​ວ່າ​ມີ​ຄວາມ​ພ້ອມ ຫລື ບໍ່ ​ໃນ​ການ​ເພີ່ມ​ການ​ຮ່ວມ​ມື​ລະຫວ່າງ​ກັນ. ຜ່ານ​ການ​ບູລະນະ​ການ​ທີ່​ມີ​ປະສິດທິພາບ ​ເພື່ອ​ໃຫ້ບັນລຸ​ເປົ້າໝາຍ ທ່າມກາງ​ສະຖານະ​ການ​ໂລກ​ທີ່​ຄວາມ​ເປັນ​ພະຫຸ​ພາຄີ​ກຳລັງ​ຜະ​ເຊີນ​ກັບ​ຄວາມ​ທ້າ​ທາຍ​ຢ່າງ​ໜັກ​ຈາກ​ແຮງ​ກົດ​ດັນ​ທາງ​ການ​ເມືອງ.

- Wave100S AD to Website 2020 0 - ສິງກະໂປຮຽກຮ້ອງອາຊຽນ ເພີ່ມບູລະນະການທາງການຄ້າ

ຂະນະ​ດຽວ​ກັນ, ຜູ້ນຳ​ສິງກະ​ໂປ​ຮຽກຮ້ອງ​ລັດຖະບານ​ຂອງ​ສະມາຊິກ​ອາ​ຊຽນຫລຸດຜ່ອນ​ກົດ​ລະບຽບ​ການ​ຄ້າ​ບາງ​ສ່ວນ ​ເພື່ອ​ດຶງ​ດູດ​ການ​ລົງທຶນ​ຈາກ​ພາຍ​ນອກ ​ແລະ ຂໍ​ໃຫ້​ຜູ້​ປະກອບ​ການ​ທຸລະ​ກິດ​ໃນ​ອາຊີ​ຕາ​ເວັນ​ອອກສຽງ​ໃຕ້​ເພີ່ມ​ການ​ລົງທຶນ​ພາຍ​ໃນ​ພາກພື້ນ. ທັງ​ນີ້ ສິງກະ​ໂປ​ຕັ້ງ​ເປົ້າ​ໃຫ້ການ​ເຈລະຈາ​ຂໍ້​ຕົກລົງ​ຫຸ້ນ​ສ່ວນ​ທາງ​ເສດຖະກິດ​ລະດັບ​ພາກພື້ນ (ອາ​ເຊັບ) ລະຫວ່າງ​ອາ​ຊຽນກັບ​ຄູ່​ເຈລະຈາ 3 ປະ​ເທດ ​ໄດ້​ແກ່​ຈີນ, ຍີ່ປຸ່ນ, ສ.​ເກົາຫລີ, ອິນ​ເດຍ, ອົດ​ສະຕຣາລີ ​ແລະ ນູ​ແວນ​ເຊ​ລັງ ຈະ​ມີ​ການ​ບັນລຸ​ຂໍ້​ຕົກລົງ​ພາຍ​ໃນ​ປີ​ນີ້.

- lattana 1 - ສິງກະໂປຮຽກຮ້ອງອາຊຽນ ເພີ່ມບູລະນະການທາງການຄ້າ
error: Alert: Content is protected !!