ລາວເປັນເຈົ້າພາບຈັດກອງປະຊຸມປະທານອົງການພຸດທະສາສະໜາ ກໍາປູເຈຍ-ລາວ-ຫວຽດນາມ ຄັ້ງທີ I

- advert banner 728 90 728x90 - ລາວເປັນເຈົ້າພາບຈັດກອງປະຊຸມປະທານອົງການພຸດທະສາສະໜາ ກໍາປູເຈຍ-ລາວ-ຫວຽດນາມ ຄັ້ງທີ I

ອົງການພຸດທະສາສະໜາສໍາພັນລາວ ໄດ້ເປັນເຈົ້າພາບຈັດກອງປະຊຸມປະທານອົງການພຸດທະສາສະໜາ 3 ປະເທດ (ກໍາປູເຈຍ-ລາວ-ຫວຽດນາມ) ຄັ້ງທີ I ພາຍໃຕ້ຫົວຂໍ້ “ເພີ່ມທະວີມູນເຊື້ອສາຍພົວພັນຄວາມສາມັກຄີ ແລະ ການຮ່ວມມື ລະຫວ່າງອົງພຸດທະສາສະໜາ 3 ປະເທດ ກໍາປູເຈຍ-ລາວ-ຫວຽດນາມ ໃນເງື່ອນໄຂເຊື່ອມໂຍງພາກພື້ນ ແລະ ສາກົນ”, ຂຶ້ນທີ່ນະຄອນຫຼວງວຽງຈັນ, ໃນວັນທີ 12 ພະຈິກນີ້, ໂດຍການເປັນປະທານຮ່ວມຂອງ ພະອາຈານໃຫຍ່ ມະຫາງອນ ດໍາຣົງບຸນ ປະທານສູນການອົງການພຸດທະສາສະໜາສໍາພັນລາວ, ສົມເດັດ ພະອະກາມະຫາ ພະສັງຂະລາດ ດິປາຕິ ເທບວົງ ພະສັງຂະລາດແຫ່ງຣາຊະອານາຈັກກໍາປູູເຈຍ ແລະ ພະອາຈານໃຫຍ່ ທິກ ຖ້ຽນ ເຍີນ ປະທານສະພາບໍລິຫານງານສູນກາງອົງການພຸດທະສາສະໜາ ສສ ຫວຽດນາມ, ມີທ່ານ  ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ, ມີບັນດາຜູ້ແທນ ແລະ ແຂກຖືກເຊີນ ເຂົ້າຮ່ວມເປັນຈໍານວນຫຼາຍ.

- 1d350dcd 9c9e 4ba0 a269 d615dd48e7d1 - ລາວເປັນເຈົ້າພາບຈັດກອງປະຊຸມປະທານອົງການພຸດທະສາສະໜາ ກໍາປູເຈຍ-ລາວ-ຫວຽດນາມ ຄັ້ງທີ I

ກອງປະຊຸມຄັ້ງປະຖົມມະລຶກນີ້, ເພື່ອສ້າງໂອກາດໃຫ້ສາມອົງການພຸດທະສາສະໜາດັ່ງກ່າວໄດ້ພົບປະປຶກສາຫາລືແລກປ່ຽນຂໍ້ມູນຂ່າວສານ ແນໃສ່ເພີ່ມທະວີເສີມຂະຫຍາຍສາຍພົວພັນມິດຕະພາບ, ຄວາມສາມາກຄີ ແລະ ການຮ່ວມມືທີ່ເປັນມູນເຊື້ອ ລະຫວ່າງ 3 ປະເທດ ກໍຄື 3 ອົງການພຸດທະສາສະໜາ ລາວ-ກໍາປູເຈຍ-ຫວຽດນາມ ໃນໄລຍະໃໝ່ໃຫ້ແໜ້ນແຟ້ນຍິ່ງຂຶ້ນ.

- Tiger Head 728x90 - ລາວເປັນເຈົ້າພາບຈັດກອງປະຊຸມປະທານອົງການພຸດທະສາສະໜາ ກໍາປູເຈຍ-ລາວ-ຫວຽດນາມ ຄັ້ງທີ I
- 1 1 - ລາວເປັນເຈົ້າພາບຈັດກອງປະຊຸມປະທານອົງການພຸດທະສາສະໜາ ກໍາປູເຈຍ-ລາວ-ຫວຽດນາມ ຄັ້ງທີ I

ໃນກອງປະຊຸມຍັງໄດ້ຮັບຟັງການປະກອບຄໍາເຫັນຂອງຜູ້ແທນ 3 ປະເທດ ກ່ຽວກັບການພົວພັນຮ່ວມມືໃນວຽກງານພຸດທະສາສະໜາໃນໄລຍະຜ່ານມາ ແລະ ແລກປ່ຽນຄໍາຄິດຄໍາເຫັນ ເພື່ອກໍານົດທິດທາງໃນຕໍ່ໜ້າ. ພ້ອມໄດ້ຮັບຮອງເອົາບົດບັນທຶກຊ່ວຍຈໍາ ວ່າດ້ວຍການຮ່ວມມືລະຫວ່າງ ອົງການພຸດທະສາສະໜາ ສປປ ລາວ-ສສ ຫວຽດນາມ ແລະ ລາຊະອານາຈັກກໍາປູເຈຍ ແລະ ຮັບຮອງເອົາບົດບັນທຶກກອງປະຊຸມ ວ່າດ້ວຍການຮ່ວມມືຂອງປະທານອົງການພຸດທະສາສະໜາ ລະຫວ່າງ 3 ປະເທດອີກດ້ວຍ.

error: Content is protected !!