ມອບທຶນການສຶກສາໃນໂຄງການຮອຍຍີ້ມທີ່ສົດໃສ

- colgate - ມອບທຶນການສຶກສາໃນໂຄງການຮອຍຍີ້ມທີ່ສົດໃສ
- AGL banner - ມອບທຶນການສຶກສາໃນໂຄງການຮອຍຍີ້ມທີ່ສົດໃສ

ບໍລິສັດ ຄອນເກດ-ປາມໂອລີຟ ຮ່ວມກັບກົມສາມັນສຶກສາ, ກະຊວງສຶກສາທິການ ແລະ ກິລາໄດ້ຈັດກິດຈະກຳປະກວດຮູບແຕ້ມຂອງນ້ອງນ້ອຍນັກຮຽນທີ່ມີອາຍຸ 6-9 ປີ ພາຍໃຕ້ຫົວຂໍ້“ຮອຍຍີ້ມທີ່ສົດໃສ” ເພື່ອຂັດເອົາຮູບທີ່ດີເດັ່ນ ແລະ ສວຍງາມໄປໃສ່ປະຕິທິນສາກົນຂອງຄອນເກດໃນປີ 2019.

ກິດຈະກໍາຄັ້ງນີ້ແມ່ນໄດ້ເລີ່ມແຕ່ເດືອນມີນາຫາເດືອນພຶດສະພາ 2018 ຜ່ານມາຫນຶ່ງ ໄດ້ມີຜູ້ສົ່ງຜົນ ງານເຂົ້າມາປະກວດຫຼາຍກວ່າ 200 ນ້ອງ, ຈາກທົ່ວປະເທດ ຜ່ານການຂັດເລືອກຈາກຄະນະກໍາມະການສາມາດຂັດເອົາຮູບທີ່ດີເດັ່ນ ແລະ ສວຍງາມໄດ້ 12 ຮູບ, ເພື່ອສົ່ງໄປຂັດເລືອກເອົາຮູບທີ່ດີເດັ່ນ ແລະ ສວຍງາມທີ່ສຸດຢູ່ນິວ ຢ໋ອກ ສະຫະລັດອາເມລິກາ. ຜ່ານການຂັດເລືອກຈາກທົ່ວໂລກໄດ້ມີຮູບຂອງນ້ອງນ້ອຍຈາກ ສປປ ລາວ ຕິດໜຶ່ງໃນນັ້ນຄື:  ຮູບຜູ້ທີ່ຖືກຂັດເລືອກມາໃສ່ປະຕິທິນສາກົນແມ່ນຂອງນາງ ແກ້ວອໍ່າພາ ສາຍສະຫວັນ ອາຍຸ 9 ປີ ຢູ່ຫ້ອງ   ປ 5 ຈາກໂຮງຮຽນຫ້ອມສະຫວັນ ເມືອງ ຫາດຊາດຟອງ ນະຄອນຫຼວງວຽງຈັນ ໄດ້ຮັບທືນການສຶກສາມູນຄ່າ 2 ລ້ານກີບ ພ້ອມໃບຢັ້ງຢືນຈາກຄອນເກດ ແລະ  ໂຮງຮຽນຂອງຜູ້ຊະນະເລີດ ໄດ້ຮັບເງິນເພື່ອບູລະນະໂຮງຮຽນມູນຄ່າ 4 ລ້ານກີບ ພ້ອມບັນທຶກເຂົ້າໃນປະຕິທິນສາກົນ.

ສຳລັບຮູບຂອງຜູ້ທີ່ຖືກຂັດເລືອກຢູ່ພາຍໃນປະເທດທັງໝົດ 12 ຮູບ ແມ່ນໄດ້ຮັບທືນການສຶກສາຜູ້ລະ 1.200.000 ກີບ ຄື: ນ. ລັດດາວອນ ສີລັດຕະນະກູນ, ທ. ທະວີຊັບ ບໍລິບູນ, ນ. ອາໝວຍ ໄຂວິໄລ, ທ. ດາລາເພັດ ສີສັກ, ທ. ເກມບອນ ວັນນະລາດ, ທ. ສອນພະນາ  ພົມມະຈັນ, ນ. ແກ້ວອຳພາ ສາຍສະຫວັນ ຈາກໂຮງຮຽນຫ້ອມສະຫວັນ ເມືອງຫາດຊາຍຟອງ ແຂວງ ນະຄອນຫຼວງວຽງຈັນ ນ. ຂວັນທິດາ ມິ່ງມາໄລ, ນ. ເພັດມະນີ ພິດສະວົງ, ນ. ນິນລະດາ ພຸດທະນາ, ນ. ປະກາຍເພັດ ໄຕຼມະນີ, ນ. ລຸ້ງນະພາ ເພັດສະນຸບານ ຈາກໂຮງຮຽນຊ້າງນ້ອຍ ເມືອງຈັນທະບູລີ ແຂວງ ນະຄອນຫຼວງວຽງຈັນ.

- Wave100S AD to Website 2020 0 - ມອບທຶນການສຶກສາໃນໂຄງການຮອຍຍີ້ມທີ່ສົດໃສ

ພິທີມອບ-ຮັບ ທຶນການສຶກສາໄດ້ມີຂຶ້ນໃນວັນທີ 9 ພະຈິກນີ້ ທີ່ໂຮງຮຽນຫ້ອມສະຫວັນ ກ່າວມອບໂດຍທ່ານ ພະນົມກອນ ລີສຸດທິນັນ ຜູ້ຈັດການພັດທະນາຝ່າຍທຸລະກິດ ບໍລິສັດຄອນເກດ-ປາມໂອລີຟ ປະເທດໄທຈໍາກັດ ປະຈໍາລາວ ໂດຍມີຄູອາຈານ ພໍ່ແມ່ຜູ້ປົກຄອງ ນ້ອງນ້ອຍນັກຮຽນ ແລະ ພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫລາຍ.

- lattana 1 - ມອບທຶນການສຶກສາໃນໂຄງການຮອຍຍີ້ມທີ່ສົດໃສ
error: Alert: Content is protected !!