ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້

ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້ - 021211 2018 - ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້
ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້ - AGL banner - ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້
  1. ການຮັບຮູ້ຂໍ້ມູນທີ່ລົ້ນເກີນໄປ : ໃນທຸກມື້ຊີວິດຂອງເຮົາຫ້ອມລ້ອມໄປດ້ວຍຂໍ້ມູນມະຫາສານເກີນກ່ວາທີ່ເຮົາຈະຮັບໄຫວ ບໍ່ວ່າຈະເປັນຂ່າວສານໃນອິນເຕີເນັດ, ໜັງສືພິມ, ປ້າຍໂທສະນາ  ຫລື ແມ່ນແຕ່ຈາກຄົນອ້ອມຂ້າງ ເມື່ອຂໍ້ມູນເຫລົ່ານີ້ເຂົ້າສູ່ສະໝອງ ຫລາຍເກີນຄວາມຈຳເປັນ ເຮົາກໍໍຈະຮູ້ສຶກເມື່ອຍ ແລະ ຖືກຄອບງຳໄດ້ງ່າຍ ຖ້າທ່ານຢາກມີຊີວິດທີ່ດີກ່ວານີ້ ທ່ານຕ້ອງຢຸດຮັບຂໍ້ມູນທີ່ຫລາຍເກີນໄປເຫລົ່ານີ້ໂດຍໄວ ໂດຍວິທີການດັ່ງຕໍ່ໄປນີ້ :

– ຫລີກເວັ້ນການອ່ານອີເມລທີ່ບໍ່ຈຳເປັນ ໂດຍສະເພາະອີເມລທີ່ສົ່ງມາເພື່ອພະຍາຍາມຂາຍສິນຄ້າໃຫ້ທ່ານ.

– ລົບອີເມລທີ່ບໍ່ສຳຄັນອອກໄປ.

– ຫລຸດເວລາການເຂົ້າເຖິງໂລກອອນລາຍ.

– ຫາຄວາມຮູ້ທີ່ມີປະໂຫຍດ, ຫລີກເວັ້ນຂ່າວຕິສິນນິນທາ ຫລື ຂ່າວທີ່ໜ້າຫົດຫູ່ໃຈ.

ການເຂົ້າເຖິງຂໍ້ມູນໄດ້ງ່າຍນັ້ນຈະກາຍເປັນຜົນຮ້າຍຕໍ່ເຮົາ ຖ້າເຮົາຢາກມີຊີວິດທີ່ດີ ເຮົາກໍຄວນທ່ີຈະອຸທິດໂຕໃຫ້ກັບສິ່ງທີ່ໂຕເອງຮັກແທ້ໆ ເຮົາຕ້ອງມີບ່ອນວ່າງໃນສະໝອງໃຫ້ພຽງພໍສຳລັບເລື່ອງເຫລົ່ານີ້ນຳ.

  1. ການຄິດຫລາຍເກີນໄປ : ຂໍ້ 2 ນີ້ແມ່ນຜົນກະທົບຈາກຂໍ້ທີ 1 ການໄດ້ຮັບຮູ້ຂໍ້ມູນຫລາຍເກີນໄປ ສົ່ງຜົນໃຫ້ເຮົາຄິດຫລາຍເກີນໄປນຳ ການຄິດນັ້ນຕ້ອງໃຊ້ພະລັງງານພໍສົມຄວນ ແລ້ວຍິ່ງເຮົາຄິດບໍ່ອອກ ຫລື ຫາທາງແກ້ໄຂບໍ່ໄດ້ ມັນກໍຈະກາຍເປັນການຄິດຫລາຍໃນທີ່ສຸດ. ເຮົາຄິດຫລາຍກໍຍ້ອນວ່າເຮົາມັກຈະຫາວິທີທີ່ເໝາະສົມສຳລັບການເຮັດໃຫ້ຜົນອອກມາດີທີ່ສຸດ, ແຕ່ທ່ານບໍ່ສາມາດຄາດເດົາໄດ້ 100% ວ່າວິທີໃດເໝາະສົມທີ່ສຸດ. ສະນັ້ນ ຢ່າພະຍາຍາມທີ່ຈະເຮັດໃຫ້ສິ່ງໃດສົມບູນແບບ ເພາະທ່ານຈະບໍ່ໄດ້ເຮັດຫຍັງຈັກເທື່ອ. ການຫລີກເວັ້ນບໍ່ໃຫ້ໂຕເອງຄິດຫລາຍເກີນໄປນັ້ນ ບໍ່ໄດ້ໝາຍຄວາມວ່າໃຫ້ທ່ານຄິດຕື້ນໆ ຫລື ຄິດແລ້ວຕັດສິນໃຈຢ່າງໄວວາ, ແຕ່ໝາຍຄວາມວ່າທ່ານຕ້ອງລະວັງບໍ່ໃຫ້ຕົນເອງຄິດຫລາຍ  ແລະ ໄດ້ຮັບຜົນກະທົບຈາກຄວາມລົ້ມເຫລວຂອງມັນ. ການຄິດນັ້ນຄວນຈະມີເວລາທີ່ເໝາະສົມ ຖ້າທ່ານໃຊ້ເວລາຄິດດົນເກີນໄປ ກໍໍໝາຍຄວາມວ່າທ່ານຄິດຫລາຍເກີນໄປ ແລ້ວ ແລະ ຖ້າທ່ານຢາກປະສົບຄວາມສຳເລັດ ຈົ່ງເອົາພະລັງສະໝອງຂອງທ່ານໄປຄິດໃນເລື່ອງທີ່ຊ່ວຍໃຫ້ທ່ານກ້າວໄປຂ້າງໜ້າ ແທນການຈະເອົາເວລາມາຄິດໃນເລື່ອງບໍ່ເປັນເລື່ອງ.
  2. ຕັດສິນໃຈຫລາຍເກີນໄປ : ການຕັດສິນໃຈທີ່ຫລາຍເກີນໄປແມ່ນບັນຫາ ຖ້າທ່ານຢາກມີພື້ນທີ່ໃຫ້ກັບຊີວິດຂອງຕົນເອງເພີ່ມຂຶ້ນ ສິ່ງໜຶ່ງທີ່ທ່ານຕ້ອງເຮັດກໍແມ່ນຫລຸດການຕັດສິນໃຈທີ່ບໍ່ຈຳເປັນອອກໄປແດ່. ການຫລຸດການຕັດສິນໃຈສາມາດເຮັດໄດ້ໂດຍການໃຊ້ຊີວິດທີ່ງ່າຍໆ ແລະ ຕ້ອງສ້າງນິໄສບາງຢ່າງຂຶ້ນມາ ທີ່ຈະເຮັດໃຫ້ທ່ານບໍ່ຕ້ອງມາເສຍເວລາຕັດສິນໃຈ ເຊັ່ນ : ທ່ານຈະຕ້ອງໄປສູນອອກກຳລັງກາຍທຸໆວັນຈັນ, ພຸດ ແລະ ເສົາ ແນ່ນອນວ່າຖ້າທ່ານເຮັດເປັນນິໄສ ທ່ານກໍໍຈະບໍ່ຕ້ອງມານັ່ງຄິດເລີຍວ່າມື້ນີ້ທ່ານຈະໄປສູນອອກກຳລັງກາຍບໍ່ ທ່ານອາດຈະຫລຸດການຕັດສິນໃຈທີ່ບໍ່ຈຳເປັນອອກໄປໄດ້ອີກ ເຊັ່ນ :

– ຕັດສິນໃຈວ່າຈະກິນຫຍັງດີ.

ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້ - Wave100S AD to Website 2020 0 - ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້

– ຕັດສິນໃຈວ່າຈະນຸ່ງເຄື່ອງສີໃດ ຫລື ຊຸດໃດ.

– ຕັດສິນໃຈວ່າຈະໃຊ້ເວລາວ່າງເຮັດຫຍັງດີ.

ສິ່ງເຫລົ່ານີ້ເບິ່ງຄືຈະເປັນເລື່ອງນ້ອຍໆ, ແຕ່ມັນດູດພະລັງງານຂອງທ່ານໄປຫລາຍກ່ວາທີ່ຄິດ ທ່ານບໍ່ຄວນເສຍພະລັງງານ ແລະ ເວລາອັນມີຄ່າໃຫ້ກັບການຕັດສິນໃຈທີ່ບໍ່ຈຳເປັນ ຖ້າທ່ານລອງເບິ່ງໃນໂລກທຸລະກິດຈະຍິ່ງເຫັນໄດ້ແຈ້ງ ເພາະໃນໂລກທຸລະ ກິດມີສິ່ງທີ່ຕ້ອງຕັດສິນໃຈຫລວງຫລາຍ ແລະ ເປັນສິ່ງທີ່ສຳຄັນຫລາຍ ນັກທຸລະກິດຕ້ອງເນັ້ນໃສ່ການຕັດສິນໃຈທີ່ຍິ່ງໃຫຍ່ ແທນ ການຈະມານັ່ງຄິດວ່າມື້ນີ້ຈະນຸ່ງເຄື່ອງສີຫຍັງດີ ແລະ ນັ້ນກໍເຮັດໃຫ້ພວກເຂົາປະສົບຄວາມສຳເລັດໄດ້ຫລາຍກ່ວາຄົນອື່ນນັ້ນເອງ.

ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້ - lattana 1 - ຢາກມີຊີວິດທີ່ກ້າວໜ້າຂຶ້ນໃຫ້ທ່ານຫ່າງອອກຈາກ 3 ສິ່ງນີ້
error: Alert: Content is protected !!