ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ)

ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ) - 43060758 528978654193633 5363255198728847360 o - ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ)
ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ) - Untitled design - ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ)

ທົ່ງນາໄກ, ຖານທີ່ໝັ້ນອັນໝັ້ນຄົງແໜ້ນແກ່ນຂອງການປະຕິວັດໃນຊຸມປີແຫ່ງການຕໍ່ສູ້ກູ້ຊາດອັນດຸເດືອດ, ຂ້ຽວຂາດ, ປັດຈຸບັນ, ໄດ້ຖືກສ້າງເປັນເມືອງວຽງໄຊ, ຈຸດຊົມທ່ຽວທີ່ດຶງດູດໃຈອີກແຫ່ງໜຶ່ງຂອງປະເທດເຮົາ ເຊິ່ງນັກທ່ອງທ່ຽວຈະໄດ້ຢ້ຽມຢາມຖ້ໍາໃຫຍ່ນ້ອຍອັນເປັນທີ່ຢູ່ ແລະ ເຮັດວຽກຂອງສະຫາຍເລຂາທິການໃຫຍ່ ໄກສອນ ພົມວິຫານ, ປະທານ ສຸພານຸວົງ ແລະ ບັນດາຜູ້ນຳອື່ນໆຂອງລາວ. ໃນທີ່ນັ້ນນັກທ່ອງທ່ຽວຍັງຈະໄດ້ພົບເຫັນຖໍ້າພູແຄ, ສຳນັກງານໃຫຍ່ຂອງຄະນະໂຄສະນາອົບຮົມ ແລະ ວັດທະນະທຳຄາວນັ້ນ ຂຽນຫຍໍ້ວ່າ:  “ຄອວ” ແລະ ເປັນບ່ອນເຮັດວຽກຂອງອະດິດຊ່ຽວຊານສຳນັກຂ່າວສານຫວຽດນາມ (VNTTX) ແລະ ບັນດາ ເພື່ອນຮ່ວມງານຂອງສຳນັກ ຂ່າວສານປະເທດລາວ (KPL) ອີກດ້ວຍ.

ພູແຄ ຕັ້ງຢູ່ຮ່ອມພູແຫ່ງໜຶ່ງຂອງນາໄກ່, ຫ່າງຈາກເທສະບານເມືອງຊຳເໜືອປະມານ 30 ກິໂລແມັດ, ຖືກອ້ອມຮອບດ້ວຍພູຫີນປູນ, ຖໍ້າທຳມະຊາດ, ບັນດາໂຮງໝໍ, ໂຮງຮຽນ, ຫ້ອງປະຊຸມໃຫຍ່ຖືກຕັ້ງຢູ່ໃນຖໍ້າ, ຖໍ້າພູແຄເປັນທັງບ່ອນຢູ່ ແລະ ບ່ອນເຮັດວຽກຂອງພະນັກງານ, ລັດຖະກອນ KPL, ວິທະຍຸ, ຕັ້ງຢູ່ຫ່າງຈາກຄະນະຊ່ຽວຊານ VNTTX ບໍ່ເຖິງເຄິ່ງຫຼັກ, ເພື່ອ ເຮັດໜ້າທີ່ກະຈາຍຂ່າວ, ຂຽນ ບົດເຖິງພະນັກງານ, ນັກຮົບ ແລະ ປະຊາຊົນເຂດປົກຄອງຢູ່ທ້ອງຖິ່ນຕ່າງໆຂອງພາກເໜືອ, ພາກກາງ ແລະ ພາກໃຕ້ ນັບທັງກ່ຽວກັບຜົນງານ ແລະ ໄຊຊະນະຂອງເຂດຂຶ້ນກັບອຳນາດການປົກຄອງວຽງຈັນ (ຝ່າຍຂວາ), ບໍ່ມີວັນໃດທີ່ເຮືອບິນອາເມລິກາບໍ່ວຽນມາຖິ້ມລະເບີດລົງໃສ່ບ້ານ, ຍ່ານມາງຄົມມະນາຄົມໃນເຂດປົດປ່ອຍ.

ຫຼັງປີ 1954, ນັກຂ່າວ, ນັກຖ່າຍຮູບຂອງ VNTTX ຈຳນວນໜຶ່ງ ລວມມີອ້າຍ ຈິງວັນ ຮ່າຍ, ຫວຽດແທງບິ່ງ, ເລີ່ມຮົ່ງ ລອງ, ຟານແທ່ງງຽມ, ຟາມຢາ ເຫຼ, ກິມຮຸ່ງ…ໄດ້ມີໜ້າຢູ່ເຂດນີ້ ເພື່ອຂຽນຂ່າວ, ຖ່າຍຮູບສ່ອງແສງການຕໍ່ສູ້ທາງດ້ານການເມືອງ, ການທະຫານ, ການຕ່າງປະເທດ ແລະ ສ້າງຕັ້ງລັດຖະບານປະສົມຊົ່ວຄາວແຫ່ງຊາດ ຄັ້ງທີໜຶ່ງ ປີ1957 ແລະ ຄັ້ງທີສອງ ປີ 1962. ທັງສອງຄັ້ງປະ ຕິບັດຄວາມຖືກຕ້ອງປອງດອງ ຊາດຄືບໜ້າໄປໄດ້ພຽງໄລຍະສັ້ນ ຍ້ອນການທຳລາຍມ້າງເພຂອງພວກສັດຕູ. ນັບຕັ້ງແຕ່ປີ 1965ເຮືອບິນອາເມລິກາໄດ້ເລີ່ມມາຖິ້ມລະເບີດຢ່າງຮ້າຍແຮງລົງໃສ່ຊຳເໜືອ ແລະ ເຂດປົດປ່ອຍລາວ. ເພື່ອບໍ່ໃຫ້ກະບອກສຽງຂອງສູນກາງພັກຖືກຂາດຕອນ, ພື້ນຖານ ເຕັກນິກ, ວິທະຍຸຂອງລາວສ່ວນໜຶ່ງຍົກຍ້າຍຈາກບ້ານບັກຂຶ້ນກັບເຂດນາໄກ່ໄປຂຶ້ນກັບວິທະຍຸເບໜຶ່ງ (B1) ທີ່ເຂດພູຍໍກວານ, ແຂວງ ນິງບິ່ງ (ຫວຽດນາມ). ນັກຂ່າວ, ຖ່າຍຮູບ, ເຕັກນິກ ແລະ ເຄື່ອງ ຮັບ-ສົ່ງຂ່າວ ຖືກຍົກຍ້າຍຂຶ້ນໄປປະຈຳຢູ່ໃກ້ສິດສຳນັກງານສູນກາງພັກຂອງເພື່ອນ ເພື່ອໄດ້ຮັບການຊີ້ນຳ, ນຳພາເປັນປະຈຳ. ເຄື່ອງຮັບສົ່ງ ແລະ ຈັກໄຟຟ້າຕິດຕັ້ງຢູ່ໃນຖໍ້າເລິກ. ຊ່ຽວຊານພວກເຮົາປຸກເຮືອນຢູ່ໃກ້ໆປາກຖ້ໍາ, ຊີ້ນຳ, ນຳພາກຸ່ມບັນນາທິການ, ເຕັກນິກຊ່ຽວຊານຂ່າວສານ ແລະ ວິທະຍຸ ແມ່ນສະຫາຍຟ້າມຊວນເກ້, ສະຫາຍ ຟ້າວເກ້ມ ເລິມ ຮັບຜິດຊອບຂ່າວ, ບົດໃຫ້ວິທະຍຸ. ຫຼັງຈາກສະຫາຍ ຟ້າວເກ້ມ ເລິມ ໄດ້ຖືກແຕ່ງຕັ້ງໄປປະຕິບັດວຽກງານທີ່ປະເທດຣັດເຊຍ, ສະຫາຍ ດັ່ງກຽນ ຈາກສະໜາມຮົບນໍ້າບາກໄດ້ມາປ່ຽນແທນ, ຮັບຜິດຊອບໂດຍກົງຄະນະຊ່ຽວຊານ VNTTX ຊ່ວຍ KPL, ດ້ວຍ ໂຄງຮ່າງສົມບູນແບບ: ຂ່າວ, ບົດ, ຮູບພາບ, ເຕັກນິກຮັບ-ສົ່ງ, ຫ້ອງມືດອັດຮູບລ້າງຟີມ, ນາຍ ພາສາ, ພິມດິດ. ສ່ວນຊີ້ນຳ, ນຳພາ KPL ແລະ ວິທະຍຸລາວ ແມ່ນສະຫາຍ ສີຊະນະ ສີສານ, ນັກປະຕິວັດອາວຸໂສ, ກຳມະການສູນກາງແນວລາວຮັກຊາດ, ຫຼັງຈາກ KPL ໄດ້ຮັບການສ້າງ ຕັ້ງຂຶ້ນຢ່າງເປັນທາງການໃນວັນທີ 6 ມັງກອນ 1968, ຕາມ ຄວາມຮຽກຮ້ອງຕ້ອງການ ຂອງເພື່ອນ, ຖັນແຖວຊ່ຽວຊານ ສ່ວນຫຼາຍທີ່ສຳນັກງານໃຫຍ່ ແລະ ແຂວງຕ່າງໆ ກໍໄດ້ຮັບການ ເພີ່ມເຕີມ.ພາກສ່ວນຊ່ວຍຂຽນຂ່າວ, ບົດມີສະຫາຍ ໂດ້ວັນເຟື່ອງ, ຫງວຽນຮິ້ວກົງ, ຫງວຽນ ເຖຫງຽບ ຫວູວຽດແທ່ງ, ຫງວຽນຕື່ເນນ, ຫງວນຕ່ຽນລຶກ, ຫງວຽນທິເຖ້, ຫງວຽນຊວນເກົ່າ, ໂງມີງດາວ, ຫງວຽນ     ຈຸງຢຸງ, ຫລາຍກວ່າໝູ່ແມ່ນພາກສ່ວນ ເຕັກນິກລວມມີ 15 ຄົນ, ໂດຍສະ ຫາຍເຕື່ອງຢຸຍທຽດຮັບຜິດຊອບ.

ພະນັກງານເຕັກນິກ VNT TX ໃນວັນໜຶ່ງເຮັດວຽກແຕ່ 7 ໂມງເຖິງ 22 ໂມງ 30, ຮັບຂ່າວ ດ່ວນ ແລະ ຂ່າວໂລກເຜີຍແຜ່ຂ່າວຂອງ VNTTX ເພື່ອມີຂ່າວ ດ່ວນສະໜອງໃຫ້ແກ່ບັນດາສະຫາຍການ ນຳຂອງລາວ ແລະ ຊ່ຽວຊານຂອງຫວຽດນາມ ຢູ່ນາໄກ່ ປະຕິບັດທິດຊີ້ນຳຊ່ວຍເພື່ອນ “ໄດ້ວຽກ, ໄດ້ນ້ຳໃຈ, ໄດ້ພະນັກງານ”, ຊ່ວຍເພື່ອນແມ່ນ ຊ່ວຍຕົນເອງ, ພວກອ້າຍດັ່ງກຽນ, ໂດ້ວັນເຟື່ອງ, ຫງວຽນຮື້ວກົງ… ພ້ອມດ້ວຍນັກຂ່າວ, ບັນນາທິ ການ KPL ອອກຫາຂ່າວ, ເຊື່ອມຕໍ່ເຂົ້າກັນກັບເຫດການ ສ່ອງແສງຢ່າງທັນການ, ການຕໍ່ ສູ້ທາງການເມືອງ, ການທະຫານ ແລະ ສ້າງສາພັດທະນາເສດຖະ ກິດ ໃນເຂດປົດປ່ອຍ.

ຊ່ຽວຊານ VNTTX ພ້ອມ ກັບບັນດາເພື່ອນຮ່ວມອາຊີບລາວ ຈະມີໜ້າຢູ່ຂ້າງຖານປືນໃຫຍ່, ພູຜາປ່າດົງ, ຜ່ານເສັ້ນທາງທີ່ຂິວໄປດ້ວຍຄວັນລະເບີດ ແລະ ລູກປືນໄປເຖິງໂຮງຈັກ, ໂຮງງານ, ຕ່ຳແຜ່ນ, ໂຮງໝໍ, ໂຮງຮຽນ, ບ້ານອົບພະຍົບຂອງຄົນລາວ, ເກັບກຳຂໍ້ມູນເພື່ອຂຽນບົດຂຽນຂ່າວ.

ວຽກງານສົ່ງຂ່າວ, ບົດຂຽນແຕ່ພູແຄ ໃຫ້ວິທະຍຸກະຈາຍສຽງຂອງລາວຢູ່ B1 ກໍ ຫຍຸ້ງຍາກລຳບາກຫລາຍຢ່າງ, ຊ່ຽວຊານຂ່າວສານ ແລະ ບັນດາ

 

ເພື່ອນຮ່ວມອາຊີບລາວ ຕ້ອງສົ່ງຂ່າວ, ບົດຂຽນຈາກລະ ບົບໂຕໜັງສືລາວມາເປັນລະບົບລາຕີນເພື່ອສົ່ງມັອກ.

ອ້າຍນ້ອງພວກເຮົາຍັງມີການຄົ້ນຄວ້າສົ່ງອອກອາກາດ ທັງບົດເພງຂອງນັກດົນຕີ ສີຊະນະ ສີສານ, ບົວເງິນ ຊາພູວົງ ດ້ວຍ ການປ່ຽນບົດເພງ ແລະ ທຳນອງ ເປັນລາຕີນ ເພື່ອເພື່ອນຮ່ວມ ອາຊີບຢູ່ B1 ດັດແປງເນື້ອຮ້ອງ, ທຳນອງໃນແຕ່ລະບົດເພງ. ວຽກງານການຮັບຂ່າວໃນທຸກ ວັນຕ້ອງຮອງເຈ້ຍກາກບອນ ເຊິ່ງຕົວໜັງສືກໍບໍ່ແຈ້ງຊັດ.

ອ້າຍນ້ອງພວກເຮົາໄດ້ທົດລອງຕີພິມເທິງເຈ້ຍມັນເພື່ອພິມ ໂຣນຽວ ອອກມາຫລາຍສະບັບ, ເຮັດທົດລອງເຫັນວ່າໄດ້ຜົນ, ພວກເຮົາແນະນຳໃຫ້ກັນເຮັດ ຂອດພິມດີດ, ພິມໂຣນຽວ, ແຈກ ຢາຍຂ່າວພາສາລາວຢ່າງ ກວ້າງຂວາງໃນເຂດປົດປ່ອຍ.

ຕົກມາໃນຕົ້ນປີ 1969, VNTTX ຊ່ວຍ KPL ຕິດຕັ້ງອຸ ປະກອນສື່ສານລະບົບອັດຕະໂນມັດ ເພື່ອແນໃສ່ຂ່າວສານສາກົນ ໃຫ້ທັນການກວ່າເກົ່າ.

ການພິມໂຕໜັງສືລາວເປັນໂຕລາຕິນ ບໍ່ມີຄວາມຈຳເປັນອີກ ແລ້ວ, ພະນັກງານເຕັກນິກຈຶ່ງຕີ ພິມໂດຍກົງເຂົ້າເຄື່ອງຮັບ-ສົ່ງ Perto ແລະ Teletype ໄດ້ຢ່າງ ສະດວກສະບາຍ ແລະ ວ່ອງໄວ ກວ່າເກົ່າ.

ພູແຄ-ເປັນທີ່ຕັ້ງອົງການສື່ສານສຳຄັນຖືກເຮືອບິນອາເມລິກາວຽນມາຖິ້ມລະເບີດ, ຍິງລູກຈະ ຫລວດເຂົ້າໃສ່ ຢູ່ຕະຫລອດເວລາ, ມີບາງບັ້ນພວກມັນຖິ້ມລະເບີດ ທຳລາຍ 3 ມື້ລຽນຕິດແຕ່ເຊົ້າ ຮອດຄ່ຳ, ລະເບີດໜ່ວຍໜຶ່ງມີນ້ຳໜັກເປັນໂຕນແຕກຢູ່ເທິງຈອມພູມໍ່ໆກັບບ່ອນເຮັດວຽກຂອງເຮົາ, ດິນຫີນ, ງ່າໄມ້ຟົ້ງເຂົ້າໃນເຮືອນຕູບ, ແຮງດັນຂອງລະເບີດເຮັດໃຫ້ຄົນ, ເອກະສານຟົ້ງໄປທົ່ວທິບ.

ພາຍຫລັງຖິ້ມລະເບີດແຕ່ລະຄັ້ງ, ອ້າຍນ້ອງພວກເຮົາຕ້ອງໄດ້ພ້ອມກັນອະນາໄມສ້ອມແຊມ, ຕໍ່ສາຍໄຟ, ຈັດວາງເຄື່ອງຮັບ-ສົ່ງ ຄືນໃໝ່, ສືບຕໍ່ເຮັດວຽກໄດ້ການ ດຳລົງຊີວິດປະຈຳວັນພົບຄວາມຫຍຸ້ງຍາກລຳບາກ ແລະ ອັນຕະ ລາຍທີ່ຕ້ອງປະເຊີນໜ້າກັບສັດຕູ.

ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ) - Wave100S AD to Website 2020 0 - ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ)

ໃນທຸກໆອາທິດ, ຊ່ຽວຊານ ເຮົາຕ້ອງເອົາປືນຕິດຕົວ, ເລາະ ລຽບໄປຕາມປ່າຂ້າມຜ່ານຈອມພູຄັ້ງ 3 ໜ່ວຍເພື່ອໄປຮອດສາງ ໃຫຍ່ຢູ່ຜາແດງເປັນໄລຍະທາງ 10 ກວ່າກິໂລແມັດ, ເພື່ອຮັບເອົາ ເຂົ້າ, ເກືອ, ນ້ຳປາ, ຊີ້ນກະປອງ, ຕ້ອງຜ່ານຜ່າສະໜາມບອມບີ ເຂົ້າປ່າຫາຟືນ, ເກັບຜັກ, ຫັກໜໍ່ ໄມ້.

ອ້າຍ ໂດ້ວັນເຟື່ອງ, ເຄີຍເປັນນັກຂ່າວກະສິກຳ, ຮອບຮູ້ກ່ຽວກັບກະເສດສາດ ແລະ ຊົນລະປະທານ, ລາວມີຫົວຄິດປະດິດສ້າງ ໂດຍປ້ານຄັນຄູກັ້ນນ້ຳຫ້ວຍໄຫລເຂົ້າສວນຜັກອ້ອມແອ້ມເຂດເຮືອນຂອງຊ່ຽວຊານຈະຂຽວສົດຢູ່ຕະຫລອດ, ກາຍເປັນຈຸດດູດດຶງໃຈຂອງຜູ້ຄົນໄດ້ຜ່ານມາເຫັນ.

ໃນສົງຄາມອັນດຸເດືອດ, ຂ້ຽວຂາດ, ລະອິດລະອ້ຽວ ແລະ ຫຍຸ້ງຍາກຫລາຍຢ່າງ, ນັບທັງເສຍສະຫລະຊີວິດ, ແຕ່ຄື້ນວິທະຍຸຂ່າວສານບໍ່ຂາດໄລຍະ, ສຽງຫົວ, ສຽງເພງສາມາດທັບຖົມສຽງລະເບີດ.

ພູແຄ ແມ່ນຄອບຄົວຜາສຸກຂອງພະນັກງານ, ນັກຂ່າວ, ຖ່າຍຮູບ, ເຕັກນິກຂອງ VNT TX, ທີ່ຢູ່ໄກ ສຳນັກງານໃຫຍ່, ໄກບ້ານເກີດເມືອງນອນ, ເຮັດໜ້າທີ່ສາກົນບົນຜືນແຜ່ນດິນລາວ, ເພື່ອປະກອບສ່ວນສ້າງສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດກໍຄືສຳນັກຂ່າວສານຫວຽດນາມ ແລະ ຂ່າວສານປະເທດລາວ, ໃຫ້ ການຊ່ວຍເຫລືອ ເຊິ່ງກັນ ແລະ ກັນມາໂດຍຕະຫລອດ, ເປັນຜູ້ໜຶ່ງທີ່ມີນ້ຳໃຈຮັກຫອມປະເທດລາວ.

ພ້ອມມີບົດບາດໃນການຊີ້ນຳ-ນຳພາໃນວຽກງານໂຄສະນາເຜີຍແຜ່ຜົນສຳເລັດດ້ານຕ່າງໆ ຂອງໝາກຜົນແຫ່ງການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ- ສອງລັດ, ພິເສດສະຫາຍຍັງໄດ້ເອົາໃຈໃສ່ເປັນເຈົ້າການໃນການກະຕຸກຊຸກຍູ້ການພົວພັນຮ່ວມມືລະຫວ່າງສອງສຳນັກຂ່າວສານຫວຽດນາມ ແລະ ຂ່າວສານປະເທດລາວນັບມື້ນັບເຕີບໃຫຍ່ເຂັ້ມແຂງ ແລະ ນຳຜົນປະໂຫຍດຕົວ ຈິງມາສູ່ຂ່າວສານປະເທດລາວຄື:

–        ໄດ້ແລກປ່ຽນບົດຮຽນ ແລະ ຂໍ້ມູນຂ່າວສານຕ່າງໆກັບສຳນັກຂ່າວສານປະເທດລາວ ຢ່າງເປັນປະຈຳ, ພິເສດແມ່ນການແລກປ່ຽນບົດຮຽນ, ປະສົບການໃນການຂຽນຂ່າວ, ຂຽນບົດ, ຖ່າຍຮູບ ແລະ ການລາຍງານຂ່າວຕາມເຫດການໃຫຍ່ຕ່າງໆຢູ່ລາວ, ຂ່າວການພັດທະນາສ້າງສາປະເທດຊາດ, ພັດທະນາສັງຄົມຂອງລາວ.

–        ຊ່ວຍສ້າງນັກຂ່າວ, ນັກຖ່າຍຮູບ ແລະ ຖ່າຍວິດີໂອໃຫ້ສຳນັກຂ່າວສານປະເທດລາວ ເພື່ອຍົກສູງຄຸນນະພາບ ແລະ ຍົກສູງບົດບາດໃນການລາຍງານຂ່າວຂອງສຳນັກຂ່າວສານປະເທດລາວນັບມື້ມີປະສິດທິຜົນ, ວ່ອງໄວທັນເຫດການ.

–        ຊຸກຍູ້ການພົວພັນຮ່ວມມືການຊ່ວຍເຫລືອຂອງຂ່າວສານຫວຽດນາມເພື່ອຍົກສູງລະດັບ ເຕັກນິກຂ່າວສານປະເທດລາວ ໃຫ້ທັນສະໄໝຂຶ້ນ, ພ້ອມກັນນັ້ນ ກໍໄດ້ຊ່ວຍເຫລືອທາງດ້ານ  ອຸປະ ກອນດ້ານຕ່າງໆ ເຊັ່ນ: ເຄື່ອງຄອມພິວເຕີ, ກ້ອງຖ່າຍຮູບ, ອຸ ປະກອນຮັບໃຊ້ໂຄສະນາຕ່າງໆ, ຊ່ວຍຕິດຕັ້ງລະບົບເນັດເວີກ, ອິນເຕີເນັດພາຍໃນສຳນັກຂ່າວສານປະເທດລາວ.

–        ປະສານສົມທົບລະຫວ່າງສອງຝ່າຍ ແລະ ຮ່ວມກັນຈັດພິມປຶ້ມວ່າດ້ວຍການພົວພັນ ຮ່ວມມືລະຫວ່າງສອງສຳນັກໃນຫົວຂໍ້ “KPL ແລະ TTXVN ພ້ອມກັນເຕີບໃຫຍ່ຕາມການເວລາ”, ຊ່ວຍບຳລຸງວຽກງານວິຊາສະເພາະ ກໍຄືບຳລຸງພາສາຫວຽດນາມ ໃຫ້ພະນັກງານຂ່າວສານປະເທດລາວມີຄວາມຮູ້ດ້ານວິຊາການ ແລະ ເຕີບໃຫຍ່ເຂັ້ມແຂງຕະຫລອດມາ.

 

 

ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ) - WhatsApp Image 2020 05 27 at 5 - ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ)
ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ) - WhatsApp Image 2020 05 27 at 5 - ພູແຄ-ສຳນັກງານໃຫຍ່ ຄອວ (ລະນຶກວັນສ້າງຕັ້ງເມືອງວຽງໄຊ ຄົບຮອບ 50 ປີ)
error: Alert: ເນື້ອຫາຂ່າວມີລິຂະສິດ !!