ຄະດີ​ຄາດ​ຕະກຳ ​ເຈົ້າ​ຂອງ​ໂຮງ​ແຮມ​ຕີ້ຮາວ ມີ​ຄວາມ​ຄືບໜ້າສູງ

ຄະດີ​ຄາດ​ຕະກຳ ​ເຈົ້າ​ຂອງ​ໂຮງ​ແຮມ​ຕີ້ຮາວ ມີ​ຄວາມ​ຄືບໜ້າສູງ - AGL banner - ຄະດີ​ຄາດ​ຕະກຳ ​ເຈົ້າ​ຂອງ​ໂຮງ​ແຮມ​ຕີ້ຮາວ ມີ​ຄວາມ​ຄືບໜ້າສູງ

ເມື່ອ​ບໍ່ດົນ​ມານີ້, ກອງບັນຊາການປ້ອງກັນຄວາມສະຫງົບແຂວງຫູໜານ (ສປ ຈີນ) ແລະ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ຈັດພິທີຖະແຫຼງຂ່າວກ່ຽວກັບຄະດີຄາດຕະກໍາ ທ້າວ ຫຼີຈາວເຜິງ ຫຼື ທ້າວ ໄຊຊະນະ ຫຍົດສະຫວັດ ເຈົ້າຂອງໂຮງແຮມຕິຮາວ, ຢູ່ກອງບັນຊາການຕໍາຫຼວດແຂວງຫູໜານ (ສປ ຈີນ) ໂດຍການເຂົ້າຮ່ວມຂອງທ່ານ ພົນ​ຈັດຕະວາ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນ​ຫລວງ​ວຽງຈັນ  ແລະ ຝ່າຍ​ຈີນ ນຳ​ໂດຍ​ທ່ານ ພົນ​ຕີ ຖາງສ້ຽວໂຫລງ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງຫູໜານ.
ຫົວໜ້າກອງບັນຊາການ ປກສ ນະຄອນ​ຫລວງ​ວຽງຈັນ ​ໃຫ້​ຮູ້​ວ່າ: ຜົນຂອງການຈັບກຸມມືຄາດຕະກໍາທັງສອງໄດ້ແມ່ນຈາກການທີ່ເຈົ້າໜ້າທີ່ຕໍາຫຼວດ ສປປ ລາວ ໄດ້ປະສານສົມທົບກັບເຈົ້າໜ້າທີ່ຕໍາຫຼວດແຂວງຫູໜານ (ສປ ຈີນ) ເພື່ອຕິດຕາມເປົ້າໝາຍ ແລະ ສາມາດກັກຕົວຄາດ​ຕະກອນດັ່ງກ່າວໄດ້ ໃນວັນທີ 29 ສິງຫາ 2018 ມາດໍາເນີນຄະດີ.

ຜ່ານ​ການ​ສືບສວນ-ສອບ​ສວນຜູ້ລົງມືກໍ່ເຫດຄາດຕະກໍາຄື: ທ້າວ ເຊິນຍົງ ອາຍຸ 44 ປີ ແລະ ທ້າວ ເຊິນເຟິງເຟິ້ງ ອາຍຸ 43 ປີ ແລະທັງ 2 ໄດ້ຮັບສາລະພາບວ່າ: ໄດ້ລົງມືຄາດຕະກໍາ ທ້າວ ໄຊຊະນະ ຫຍົດສະຫວັດແທ້ ແລະ ຍັງໄດ້ຊັດທອດຫາຜູ້ບົງການຄາດຕະກໍາ ຄື: ທ້າວ ຖາງອີ້ຊຸນ ອາຍຸ 43 ປີ ແລະ ທ້າວ ຕີ້ງຈື້ລິນ ອາຍຸ 46 ປີ ທັງ 2 ຄົນແມ່ນນັກທຸລະກິດ ສັນຊາດຈີນ. ພັກເຊົາຢູ່ອາພາດເມັ້ນຕະຫຼາດຊັ່ງຈຽງ. ຕົກມາຮອດວັນທີ 2 ກັນຍາ 2018 ຈຶ່ງສາມາດກັກຕົວພວກກ່ຽວທັງ 2 ຄົນໄດ້. ພາຍຫຼັງການຈັບກຸມສາມາດເກັບກູ້ອາວຸດທີ່ນໍາໃຊ້ເຂົ້າໃນການກໍ່ເຫດຄາດຕະກໍາຄັ້ງນີ້ຄື: ມີີດ 2 ດວງ, ປືນສັ້ນ 2 ກະບອກ ແລະ ເງິນກີບ 150 ລ້ານກີບ, ເງິນຢວນ560.000 ຢວນ, ເງິນບາດ 58.000 ບາດ​ໄທ ​ແລະ ເງິນດົງ 5.322.000 ດົງ, ເງິນຮົງກົງ 47.210 ​ໂດ​ລາຮົງກົງ ແລະ ເງິນອື່ນໆອີກຈໍານວນໜຶ່ງ.

ຄະດີ​ຄາດ​ຕະກຳ ​ເຈົ້າ​ຂອງ​ໂຮງ​ແຮມ​ຕີ້ຮາວ ມີ​ຄວາມ​ຄືບໜ້າສູງ - Wave100S AD to Website 2020 0 - ຄະດີ​ຄາດ​ຕະກຳ ​ເຈົ້າ​ຂອງ​ໂຮງ​ແຮມ​ຕີ້ຮາວ ມີ​ຄວາມ​ຄືບໜ້າສູງ
ຄະດີ​ຄາດ​ຕະກຳ ​ເຈົ້າ​ຂອງ​ໂຮງ​ແຮມ​ຕີ້ຮາວ ມີ​ຄວາມ​ຄືບໜ້າສູງ - lattana 1 - ຄະດີ​ຄາດ​ຕະກຳ ​ເຈົ້າ​ຂອງ​ໂຮງ​ແຮມ​ຕີ້ຮາວ ມີ​ຄວາມ​ຄືບໜ້າສູງ
error: Alert: Content is protected !!