ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ

ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ - 11041677 543743972433678 1554998973143002283 n - ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ
ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ - AGL banner - ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ

ຮອງອໍານວຍການບໍລິສັດເທີນ-ຫີນບູນ ພາວເວີ ຈໍາກັດ ໃຫ້ຮູ້ວ່າ: ຕະຫລອດໄລຍະ 27 ປີຂອງການສໍາປະທານໂຄງການເທີນ-ຫີນບູນ ຄືໄລ່ແຕ່ປີ 2013 ເປັນຕົ້ນໄປ ລັດຖະບານຈະມີລາຍຮັບຈາກໂຄງການດັ່ງກ່າວຫລາຍກວ່າ 1.750 ລ້ານໂດລາສະຫະລັດ. ໃນນີ້ລາຍຮັບຈາກເງິນປັນຜົນມີ 1.200 ລ້ານໂດລາ, ຄ່າພາກຫລວງ 229 ລ້ານໂດລາ ແລະ ຄ່າພາສີອາກອນຕ່າງໆ 325 ລ້ານໂດລາສະຫະລັດ. ນອກນັ້ນ ຍັງມີຜົນປະໂຫຍດທາງອ້ອມທີ່ຊຸມຊົນທ້ອງຖິ່ນໄດ້ຮັບຈາກການມີວຽກເຮັດງານທໍາ, ການຜະລິດກະສິກໍາ ແລະ ການປະມົງ ຢູ່ເທິງ ແລະ ລຸ່ມອ່າງນໍ້າຂອງໂຄງການດັ່ງກ່າວ, ຊຶ່ງຈະຊ່ວຍປັບປຸງການດໍາລົງຊີວິດຂອງປະຊາຊົນເຂດນີ້ດີຂຶ້ນ.

ທ່ານຮອງອໍານວຍການບໍລິສັດດັ່ງກ່າວ ໃຫ້ຮູ້ວ່າ: ເທີນ-ຫີນບູນ ພາວເວີ ຈໍາກັດ ແມ່ນບໍລິສັດຜະລິດໄຟຟ້າລາວມະຫາຊົນ (EDL- GEN) ຕາງລັດຖະບານຖືຫຸ້ນ 60%, ບໍລິສັດ ຈີເອັມ ອິນເຕີເນຊັນແນລ (GMS International) 20% ແລະ ບໍລິສັດ ນອລດິກ ໄຮໂດຣພາວເວີ (Nordic Hydropower) 20%. ປັດຈຸບັນ, ມີກໍາລັງຕິດຕັ້ງຂຶ້ນເປັນ 500 ເມກາວັດ, ຈາກ 220 ເມກາວັດທີ່ມີຢູ່ແລ້ວ ແລະ ມີລະບົບສາຍສົ່ງໄຟຟ້າ 230 ກິໂລໂວນ ແຕ່ສະຖານີສໍາຮອງຢູ່ເມືອງທ່າແຂກໄປຫາສະຖານີຮັບໄຟຟ້າຢູ່ປະເທດໄທຍາວ 87 ກິໂລແມັດ ແລະ ລະບົບສາຍສົ່ງໄຟຟ້າ 115 ກິໂລໂວນຈາກສະຖານີນໍ້າຍວງຫາສະຖານີຄອນສົງ ມີຄວາມຍາວ 55 ກິໂລແມັດ.

ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ - Wave100S AD to Website 2020 0 - ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ

ທ່ານ ສຸລິເດດ ກ່າວຕື່ມວ່າ: ໂຄງການເທີນ-ຫີນບູນ ແມ່ນໄດ້ຮັບການເອົາໃຈໃສ່ຊີ້ນໍາຢ່າງໃກ້ຊິດຈາກລັດຖະບານ ແລະ ສະໜັບສະໜູນຈາກບັນດາອົງການການເງິນສາກົນ ແລະ ນັກລົງທຶນຕ່າງປະເທດເປັນຢ່າງດີ, ທັງເປັນຕົວແບບຂອງການພັດທະນາພະລັງງານທີ່ສະອາດ, ການພັດທະນາສິ່ງແວດລ້ອມ ແລະ ຊຸມຊົນທີ່ຍືນຍົງ ແລະ ທັງເປັນແຫລ່ງສ້າງລາຍຮັບສໍາຄັນປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດເປັນຢ່າງດີ.

ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ - lattana 1 - ລັດຈະໄດ້ຮັບຜົນປະໂຫຍດຫລາຍກວ່າ 1.750 ລ້ານໂດລາຈາກໂຄງການເທີນ-ຫີນບູນ
error: Alert: Content is protected !!