ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ

ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ - Lao journalist - ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ
ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ - AGL banner - ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ

ການ​ພົບ​ປະ​ສອງ​ຝ່າຍ​ລະຫວ່າງ ສະມາຄົມ​ນັກ​ຂ່າວ​ແຫ່ງ ສປປ ລາວ ​ແລະ ສະມາຄົມ​ນັກ​ຂ່າວ ສສ ຫວຽດນາມ ​ເພື່ອ​ແນ​ໃສ່​ເພີ່ມ​ທະວີ​ການ​ພົວພັນ​ຮ່ວມ​ມື​ຊ່ວຍ​ເຫລືອ​ເຊິ່ງກັນ ​ແລະ ກັນ​ລະຫວ່າງ​ສອງ​ຝ່າຍ ​ໄດ້​ມີ​ຂຶ້ນທີ່​ນະຄອນຫລວງ​ຮ່າ​ໂນ້ຍ ​ໃນ​ຕອນ​ຄໍ່າ​ວັນ​ທີ 11 ພະຈິກ​ຜ່ານ​ມາ​ນີ້ ​ໃນ​ໂອກາດ​ຄະນະ​ຜູ້​ແທນ​ສະມາຄົມ​ນັກ​ຂ່າວ​ແຫ່ງ ສປປ ລາວ ນຳ​ໂດຍ​ທ່ານ ສະຫວັນ​ຄອນ ລາຊະ​ມົນຕີ ຮອງ​ລັດຖະມົນຕີ​ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ, ປະທານ​ສະມາຄົມ​ດັ່ງກ່າວ ດຳ​ເນີນ​ການ​ຢ້ຽມຢາມ ສສ ຫວຽດນາມ ຢ່າງ​ເປັນ​ທາງ​ການ​ແຕ່​ວັນ​ທີ 11-17 ພະຈິກ​ນີ້ ​ແລະ ຝ່າຍ​ຫວຽດນາມ​ນຳ​ໂດຍ​ທ່ານ ທວັນ​ຮິ​ວ ກຳມະການ​ສູນ​ກາງ​ພັກ, ອຳນວຍ​ການ​ໃຫຍ່​ໜັງສືພິມ​ເຢິນ​ເຢິນ, ຮອງ​ຫົວໜ້າ​ຄະນະ​ໂຄສະນາ​ອົບຮົມ​ສູນ​ກາງ​ພັກ​ກອມ​ມູນິດ​ຫວຽດນາມ, ປະທານ​ສະມາຄົມ​ນັກ​ຂ່າວ ສສ ຫວຽດນາມ.

​ໃນ​ການ​ພົບ​ປະ, ປະທານ​ສະມາຄົມ​ນັກ​ຂ່າວ​ຫວຽດນາມ ​ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ​ຄະນະ​ສະມາຄົມ​ນັກ​ຂ່າວ​ລາວ ທີ່​ໄດ້​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່​ຫວຽດນາມ​ຄັ້ງນີ້​ດ້ວຍ​ຄວາມ​ອົບ​ອຸ່ນ. ທ່ານ​ປະທານ ທວັນ​ຮິ​ວ ​ເວົ້າວ່າ: ການ​ພົວພັນ​ຮ່ວມ​ມື​ຢ່າງ​ສະໜິດ​ແໜ້ນ​ຂອງ​ສະມາຄົມ​ນັກ​ຂ່າວ ຫວຽດນາມ-ລາວ ກໍ​ຄື​ນັກ​ຂ່າວ​ສອງ​ປະ​ເທດ ​ໄດ້​ປະກອບສ່ວນ​ສຳຄັນ​ເຂົ້າ​ໃນ​ການ​ເພີ່ມ​ທະວີ​ການ​ພົວພັນ​ຮ່ວມ​ມື​ຊ່ວຍ​ເຫລືອ​ເຊິ່ງກັນ ​ແລະ ກັນ​ຂອງ​ປະຊາຊົນ​ສອງ​ຊາດ​ທີ່​ມີ​ມາ​ແຕ່​ດົນ​ນານ​ແລ້ວນັ້ນນັບ​ມື້ຍິ່ງ​ແຕກ​ດອກ​ອອກ​ຜົນ​ງອກ​ງາມ​ຍິ່ງໆ ​ແລະ ​ໃນ​ຕໍ່ໜ້າ​ນີ້, ສະມາຄົມ​ນັກ​ຂ່າວ​ຫວຽດນາມ ​ແລະ ລາວ ຈະ​ສືບ​ຕໍ່​ເພີ່ມ​ທະວີ​ການ​ພົວພັນ​ຮ່ວມ​ມື​ຊ່ວຍ​ເຫລືອ​ເຊິ່ງກັນ ​ແລະ ກັນ​ໃຫ້​ຫລາຍ​ຂຶ້ນ​ໃນ​ການ​ແລກປ່ຽນ​ຂໍ້​ມູນ​ຂ່າວສານ​ຕ່າງໆກ່ຽວ​ກັບ​ຊີວິດ-ສັງຄົມ, ​ເສດຖະກິດ-ການ​ເມືອງ​ຂອງສອງ​ປະ​ເທດ​ໃນ​ຂະ​ບວນວິວັດ​ແຫ່ງ​ການ​ປ່ຽນ​ແປງ​ໃໝ່. ນີ້​ແມ່ນ​ວຽກ​ສຳຄັນ​ໜຶ່ງ​ໃນ​ການ​ປະກອບສ່ວນ​ເພີ່ມ​ທະວີ​ການ​ພົວພັນ​ຮ່ວມ​ມື​ລະຫວ່າງ ຫວຽດນາມ-ລາວ ​ແລະ ຄຽງ​ຄູ່​ກັນນັ້ນ, ສອງ​ຝ່າຍ​ຈະ​ໄດ້​ສືບ​ຕໍ່​ຮ່ວມ​ມື​ບຳລຸງ​ກໍ່ສ້າງ​ພະນັກງານ, ນັກ​ຂ່າວ ​ເພື່ອ​ແນ​ໃສ່​ຍົກ​ສູງ​ລະດັບ​ຄວາມ​ຮູ້​ຄວາມ​ສາມາດ​ຂອງ​ວຽກ​ງານ​ຖະ​ແຫລ​ງຂ່າວ ​ແລະ ສື່​ມວນ​ຊົນ, ສູ້​ຊົນ​ກະຕຸກ​ຊຸກຍູ້​ໃຫ້ການ​ພັດທະນາ​ສື່​ມວນ​ຊົນ​ກ້າວ​ສູ່​ຄວາມ​ຫລາກ​ຫລາຍ ​ແລະ ທັນ​ສະ​ໄໝ. ສ່ວນ​ຝ່າຍ​ລາວ​ກໍ​ຍິນ​ດີ​ໃຫ້​ມີ​ການ​ເພີ່ມ​ທະວີ​ການ​ພົວພັນ​ຮ່ວມ​ມື​ໃນ​ຂົງ​ເຂດ​ວຽກ​ງານ​ຖະ​ແຫລ​ງຂ່າວ ​ແລະ ສື່​ມວນ​ຊົນ ນັບ​ແຕ່​ຂັ້ນສູນ​ກາງ​ລົງ​ຮອດ​ທ້ອງ​ຖິ່ນ​ຂອງ​ສອງ​ປະ​ເທດ​ໃຫ້​ນັບ​ມື້​ແໜ້ນ​ແຟ້ນ ​ແລະ ກ້າວ​ສູ່​ລວງ​ເລິກ.

​ໃນ​ໂອກາດ​ນີ້, ທ່ານ ສະຫວັນ​ຄອນ ລາຊະ​ມົນຕີ ກໍ​ໄດ້​ສະ​ແດງ​ຄວາມ​ຍິນ​ດີ ​ແລະ ຕີ​ລາຄາ​ສູງ​ຕໍ່​ໝາກຜົນ​ຂອງ​ການ​ພົວພັນ​ຮ່ວມ​ມື​ຊ່ວຍ​ເຫລືອ​ຂອງ​ສອງ​ຝ່າຍ​ໃນ​ຜ່ານ​ມາ ​ແລະ ມູນ​ເຊື້ອອັນ​ດີງາມ​ດັ່ງກ່າວ​ທັງ​ສອງ​ຝ່າຍ​ຈະ​ຕ້ອງ​ໄດ້​ເພີ່ມ​ທະວີ​ໃຫ້​ໜັກ​ແໜ້ນ​ຍິ່ງ​ຂຶ້ນ ​ໂດຍ​ສະ​ເພາະ​ການ​ແລກປ່ຽນ​ບົດຮຽນ, ການ​ຊ່ວຍ​ເຫລືອ​ຍົກ​ສູງ​ລະດັບ​ຄວາມ​ສາມາດ​ທາງ​ດ້ານ​ວິຊາ​ສະ​ເພາະ ​ແລະ ວັດຖຸ​ປັດ​ໄຈ​ຕ່າງໆ ​ເພື່ອ​ພ້ອມ​ກັນ​ເຕີບ​ໃຫຍ່​ຂະຫຍາຍຕົວ ​ແລະ ສາມາດ​ເຊື່ອມ​ໂຍງ​ເຂົ້າກັບ​ສາກົນ​ເທື່ອ​ລະ​ກ້າວ.

ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ - Wave100S AD to Website 2020 0 - ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ

​ໃນ​ໂອກາດ​ຢ້ຽມຢາມ ຄະນະ​ຜູ້​ແທນ​ສະມາຄົມ​ນັກ​ຂ່າວ​ລາວ​ຍັງ​ໄດ້​ຢ້ຽມຢາມ ​ແລະ ​ເຮັດ​ວຽກ​ແລກປ່ຽນ​ບົດຮຽນ​ກັບ​ໜັງສືພິມ​ກະສິກຳ​ຫວຽດນາມ ​ແລະ ສະມາຄົມ​ນັກ​ຂ່າວ​ແຂວງ​ວິ​ງຟຸກ ​ແລະ ​ແຄ່ງ​ຮວາ​ອີກ​ດ້ວຍ.

ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ - lattana 1 - ສະມາຄົມ​ນັກ​ຂ່າວ ລາວ-ຫວຽດນາມ ​ເພີ່ມ​ທະວີ​ການ​ພົວພັນ​ຮ່ວມ​ມື​ສອງ​ຝ່າຍ
error: Alert: Content is protected !!