ເຢເມນປະກາດພາວະສຸກເສີນ ພາຍຫລັງພະຍາດອະຫິວາລະບາດ

- 96054936  96053761 039472453 - ເຢເມນປະກາດພາວະສຸກເສີນ ພາຍຫລັງພະຍາດອະຫິວາລະບາດ
- Untitled design - ເຢເມນປະກາດພາວະສຸກເສີນ ພາຍຫລັງພະຍາດອະຫິວາລະບາດ
- 96054936  96053761 039472453 - ເຢເມນປະກາດພາວະສຸກເສີນ ພາຍຫລັງພະຍາດອະຫິວາລະບາດ
ເດັກນ້ອຍມີຄວາມສ່ຽງຕິດເຊື້ອພະຍາດອະຫິວາໄດ້ຫລາຍກວ່າກຸ່ມປະຊາກອນອື່ນໆ

 

ທາງ​ການ​ປະກາ​ດພາວະ​ສຸກ​ເສີນ​ຢູ່​ນະຄອນຫລວງ​ຊາ​ນາ ​ຂອງ​ປະ​ເທດ​ເຢ​ເມນ ພາຍຫລັງ​ເກີດ​ການລະບາດ​ເທື່ອ​ໃຫຍ່​ຂອງ​ພະຍາດ​ອະຫິວາ, ຫລັງ​ສຸດ​ພົບ​ຜູ້​ຕິດ​ເຊື້ອ 8.500 ກວ່າ​ຄົນ ​ແລະ ນັບ​ແຕ່​​ເດືອນ​ຜ່ານ​ມາ ມີ​ຜູ້​ເສຍ​ຊີວິດ​ແລ້ວ​ທັງ​ໝົດ 115 ຄົນ.

 

ການລະບາດ​ຂອງ​ພະຍາດ​ອະຫິວາ​ເຮັດ​ໃຫ້​ມີ​ຄົນ​ໄຂ້​ເຕັມ​ໂຮງ​ໝໍ​ທຸກ​ແຫ່ງ​ໃນ​ນະຄອນຫລວງ​ຊາ​ນາ. ກາ​ແດງ​ສາກົນ​ລະບຸ​ວ່າ: ຄົນ​ເຈັບ​ສົງ​ໄສ​ວ່າ​ຕິດ​ເຊື້ອ​ເພີ່ມ​ຂຶ້ນ 3 ​ເທົ່າ​ພາຍ​ໃນ​ອາທິດ​ຜ່ານ​ມາ ​ໂດຍ​ສົງຄາມ​ກາງ​ເມືອງ​ທີ່​ມີ​ການ​ສູ້​ຮົບ​ຍືດ​ເຍື້ອ ລວມທັງ​ການ​ຂາດ​ເຂີນ​ອາຫານ ​ແລະ ນ້ຳສະອາດ ​ເຮັດ​ໃຫ້​ພະຍາດ​ອະຫິວາ​ແຜ່​ລະບາດ​ຢ່າງ​ວ່ອງ​ໄວ.

 

ຜົນ​ການ​ສຳ​ຫລວດ​ຫລັງ​ສຸດ ​ໂດຍ​ສະ​ຫະປະຊາ​ຊາດ​ພົບ​ວ່າ: ປະຊາກອນ​ເຢ​ເມນ 2​ ​ໃນ 3 ບໍ່​ສາມາດ​ເຂົ້າ​ເຖິງ​ນ້ຳດື່ມ​ທີ່​ສະອາດ​ປອດ​ໄພ​ໄດ້ ​ເຮັດ​ໃຫ້​ເກີດ​ການລະບາດ​ຂອງ​ພະຍາດ​ອະຫິວາ​ເທື່ອ​ໃຫຍ່ ​ເຊິ່ງ​ເທື່ອ​ນີ້​ເປັນ​ການລະບາດ​ເທື່ອ​ທີ​ສອງ​ໃນ​ຮອບ 1 ປີຜ່ານມາ.

 

- Wave100S AD to Website 2020 0 - ເຢເມນປະກາດພາວະສຸກເສີນ ພາຍຫລັງພະຍາດອະຫິວາລະບາດ

ອົງການ​ອະນາ​ໄມ​ໂລກ​ລາຍ​ງານ​ວ່າ: ສະຖານະ​ການ​ການ​ແຜ່​ລະບາດ​ຂອງ​ພະຍາດ​ອະຫິວາ​ຢູ່​ນະຄອນຫລວງ​ເຢ​ເມນ​ຖື​ວ່າ​ຮ້າຍ​ແຮງ​ທີ່​ສຸດ​ໃນ​ປະ​ເທດ, ​ແຕ່​ຍັງ​ມີ​ພື້ນທີ່​ອື່ນໆ​ທີ່​ເກີດ​ການລະບາດ​ເຊັ່ນ​ແຂວງ​ອາ​ມານັດ ອັລ ​ເຊ​ມາ ​ເຊິ່ງຢູ່​ໃກ້​ຄຽງ.

- 96054929  96053765 039472451 - ເຢເມນປະກາດພາວະສຸກເສີນ ພາຍຫລັງພະຍາດອະຫິວາລະບາດ
ການຂາດເຂີນນ້ຳດື່ມສະອາດເຮັດໃຫ້ການລະບາດຂອງພະຍາດຂະຫຍາຍກວ້າງອອກ

 

ປັດຈຸບັນ​ນະຄອນຫລວງ​ຊາ​ນາ​ຢູ່​ພາຍ​ໃຕ້​ການ​ຍຶດຄອງ​ຂອງ​ກຸ່ມ​ກະບົດ​ຮູ​ທີ ​ເຊິ່ງຍັງ​ສູ້​ຮົບ​ຕິດ​ພັນ​ກັບ​ກອງ​ກຳລັງ​ຝ່າຍ​ສະໜັບສະໜູນ​ອະດີດ​ປະທານາທິບໍດີ ອັບ​ດຣັບບູ ມານ​ຊູ ຮາ​ດີ ຜູ້​ໄດ້​ຮັບ​ການ​ສະໜັບສະໜູນ​ຈາກ​ຊາ​ອຸ​ດິອາຣະບີ ​ໂດຍ​ການ​ສູ້​ຮົບ​ໄດ້​ທຳລາຍ ຫລື ສ້າງ​ຄວາມ​ເສຍ​ຫາຍ​ໃຫ້​ແກ່​ໂຮງໝໍ ​ແລະ ຄລີ​ນິກ​ເກືອບ 300 ​ແຫ່ງ ທັງ​ເຮັດ​ໃຫ້​ເຢ​ເມນ​ເຫລືອ​ສະຖານ​ທີ່​ໃຫ້​ບໍລິການ​ທາງ​ການ​ແພດ​ທີ່​ໃຊ້​ໄດ້​ຢ່າງ​ສົມບູນ​ພຽງ 45% ​ເທົ່າ​ນັ້ນ.

 

ສົງຄາມ​ກາງ​ເມືອງ​ທີ່​ດຳ​ເນີນ​ມາ​ແຕ່​​ເດືອນ​ມີນາ ປີ 2015 ​ເຮັດ​ໃຫ້​ມີ​ຜູ້​ເສຍ​ຊີວິດ ​ເຊິ່ງສ່ວນ​ຫລາຍ​ເປັນ​ພົນລະ​ເຮືອນ 8.000 ກວ່າ​ຄົນ ​ແລະ ປະຊາກອນ​ເກືອບ 19 ລ້ານ​ຄົນ ຕ້ອງ​ຕົກ​ຢູ່​ໃນ​ສະຖານະ​ການ​ທີ່​ຕ້ອງການ​ການ​ຊ່ວຍ​ເຫລືອ​ທາງ​ມະນຸດສະທຳ​ຢ່າງ​ຮີບ​ດ່ວນ.

- WhatsApp Image 2020 05 27 at 5 - ເຢເມນປະກາດພາວະສຸກເສີນ ພາຍຫລັງພະຍາດອະຫິວາລະບາດ
- WhatsApp Image 2020 05 27 at 5 - ເຢເມນປະກາດພາວະສຸກເສີນ ພາຍຫລັງພະຍາດອະຫິວາລະບາດ
error: Alert: ເນື້ອຫາຂ່າວມີລິຂະສິດ !!