ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ

ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ - Viengxay - ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ
ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ - AGL banner - ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ

ຫ້ອງວ່າການສຳນັກງານນາຍົກລັດຖະມົນຕີ, ​ໄດ້ຈັດພິທີປາຖະກະຖາຫວນຄືນວັນສ້າງຕັ້ງເມືອງວຽງໄຊ ຖານທີ່ໝັ້ນຂອງການປະຕິວັດລາວຄົບຮອບ 50 ປີ (30 ພະຈິກ 1968-30 ພະຈິກ 2018), ໂດຍສະຫາຍ ເພັດ ພົມພິພັກ ກຳມະການສູນກາງພັກ, ລັດຖະມົນຕີ, ຫົວໜ້າຫ້ອງວ່າການສຳນັກນາຍົກລັດຖະມົນຕີ, ຊຶ່ງໄດ້ຍົກໃຫ້ເຫັນຄວາມໝາຍຄວາມສຳຄັນຂອງການສ້າງຕັ້ງເມືອງວຽງໄຊ ເປັນຖານທີ່ໝັ້ນທີ່ແຂງແກ່ນ, ເປັນສູນກາງແຫ່ງການຊີ້ນໍາ-ນຳພາຮອບດ້ານຂອງພັກໃນພາລະກິດປົດປ່ອຍປະເທດຊາດຢ່າງມີໄຊ, ເປັນບ່ອນກຳເນີດອົງການແນວລາວສ້າງຊາດ, ເປັນໃຈກາງແຫ່ງການເຕົ້າໂຮມຄວາມສາມັກຄີທົ່ວປວງຊົນທັງຊາດ, ທັງເປັນບ່ອນກໍ່ສ້າງ ແລະ ຂະຫຍາຍກໍາລັງປະກອບອາວຸດ, ກໍ່ສ້າງ ແລະ ປົກປັກຮັກສາຖານທີ່ໝັ້ນການປະຕິວັດ. ພ້ອມນັ້ນ, ເມືອງວຽງໄຊ ແມ່ນບ່ອນກຳເນີດຂອງສາທາລະນະລັດ ປະຊາທິປະໄຕ ປະຊາຊົນລາວ.

ການເຜີຍແຜ່ດັ່ງກ່າວ, ເພື່ອແນໃສ່ສຶກສາອົບຮົມມູນເຊື້ອຄວາມປີຊາສາມາດ, ຄວາມສະຫລາດສ່ອງໃສຂອງພັກປະຊາຊົນປະຕິວັດລາວ ໃນການນຳພາການປະຕິວັດ, ເປັນການລະນຶກຈົດຈຳລໍ້າລຶກໄຊຊະນະອັນຍິ່ງໃຫຍ່ຂອງກອງທັບ ແລະ ປະຊາຊົນບັນດາເຜົ່າ, ກໍຄືຜົນງານອັນລໍ້າເລີດ ແລະ ຄຸນງາມຄວາມດີອັນໃຫຍ່ຫລວງຂອງການນຳຮຸ້ນກ່ອນ, ໂດຍສະເພາະປະທານ ໄກສອນ ພົມວິຫານ ແລະ ຜູ້ນຳອື່ນໆ ທີ່ໄດ້ນຳພາ-ພາລະກິດປະຕິວັດ ຕໍ່ສູ້ປົດປ່ອຍປະເທດຊາດ, ສ້າງເມືອງວຽງໄຊ ເປັນຖານທີ່ໝັ້ນອັນແຂງແກ່ນ ເພື່ອເຮັດສຳເລັດການປະຕິວັດຊາດ ປະຊາທິປະໄຕ ນຳເອົາປະເທດຊາດ ກ້າວຂຶ້ນສູ່ສັງກາດໃໝ່. ໂດຍແນ່ໃສ່ສຶກສາອົບຮົມພະນັກງານ, ສະມາຊິກພັກ, ນັກຮົບ ແລະ ປະຊາຊົນບັນດາເຜົ່າ, ໂດຍສະເພາະຄົນຮຸ້ນໃໝ່ໃຫ້ຮັບຮູ້-ເຂົ້າໃຈຢ່າງເລີກເຊິ່ງກ່ຽວກັບເສັ້ນທາງກ້າວເດີນອັນລະອິດລະອ້ຽວຂອງການປະຕິວັດ, ມູນເຊື້ອຕໍ່ສູ້ອັນມີໄຊ ແລະ ການນຳພາອັນສະຫລາດສ່ອງໃສຂອງພັກປະຊາຊົນປະຕິວັດລາວ ກໍຄືການຄົ້ນຄວ້າຮໍ່າຮຽນເອົາເປັນແບບຢ່າງໃນຄຸນສົມບັດສິນທຳປະຕິວັດຂອງບັນດາທ່ານຜູ້ນຳປະຕິວັດຮຸ້ນກ່ອນ ແລະ  ເພື່ອເປັນການເສີມຂະຫຍາຍມູນເຊື້ອແຫ່ງການຊີ້ນຳ-ນຳພາຮອບດ້ານຂອງພັກ, ມູນເຊື້ອພິລະອາດຫານຂອງກອງທັບ ແລະ ປະຊາຊົນບັນດາ ເຜົ່າ, ມູນເຊື້ອສາມັກຄີປອງດອງຊາດ ແລະ ມູນເຊື້ອດຸໝັ່ນຂະຫຍັນໝັ່ນພຽນ ໃນການອອກແຮງງານ ສ້າງສາພັດທະນາຊີວິດການເປັນຢູ່ ຂອງປະຊາຊົນລາວເຮົາ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກ້າວຂຶ້ນສູ່ຈຸດໝາຍທີ່ໄດ້ກຳນົດໄວ້ຢ່າງມີໄຊ.

ໃນໂອກາດດຽວກັນ,​ ສະຫາຍ ເພັດ ພົມພິພັກ ໄດ້ເຜີຍແຜ່ບົດແນະນໍາກ່ຽວກັບການດໍາເນີນຊີ ວິດການເມືອງພາຍໃນພັກ ເພື່ອກ້າວເຂົ້າສູ່ກອງປະຊຸມໃຫຍ່ 3 ຂັ້ນ ຕື່ມອີກ.

ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ - Wave100S AD to Website 2020 0 - ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ
ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ - lattana 1 - ຫ້ອງວ່າການສຳນັກງານນາຍົກລັດຖະມົນຕີຫວນຄືນວັນສ້າງຕັ້ງເມືອງວຽງໄຊ
error: Alert: Content is protected !!