ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່

ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່ - advert banner 728 90 728x90 - ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່

ໂດຍ: ຊາຍພະເນຈອນ.     

ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່ - new3 - ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່

ຍັງອີກບໍ່ພໍເທົ່າໃດມື້ ກໍ ຈະຮອດງານບຸນນະມັດສະ ການພະທາດຫຼວງແລ້ວ ແລະ ສໍາລັບປີ 2018 ເປັນ ປີທ່ອງທ່ຽວລາວ ແລະ ມີ ຫຼາຍ ສິ່ງຫຼາຍຢ່າງກໍຈະໄດ້ ຮັບການປັບປຸງ ແລະ ກໍ່ເຕີມ ເສີມສ້າງໃຫ້ມີຄວາມສະດວກ ແລະ ເອື້ອອໍານວຍໃຫ້ຜູ້ຄົນ ທີ່ມາທ່ຽວຊົມ ແລະ ກາບໄຫວ້ ໄດ້ມີບັນຍາກາດມ່ວນຊື່ນລື່ນ ເລິງ ເພື່ອໃຫ້ຖືກຕ້ອງສອດ ຄ່ອງກັບຮິດຄອງປະເພນີ, ລະ ບຽບກົດໝາຍ ແລະ ວັດທະ ນະທໍາອັນດີງາມຂອງຊາດ ລາວເຮົາ.

ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່ - 396 - ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່

ຈະຈັດງານບຸນພະທາດໂພ່ນຕ້ອນຮັບປີທ່ອງທ່ຽວລາວໃຫ້ຟົດຟື້ນ2018/

ບຸນທາດຫລວງເປັນຫວ່ງໃນເລື່ອງຄວາມຈົບງາມ2018/

ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່ - lattana 1 - ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່

ພະອາຈານ ດໍາລົງ ຮອງ ປະທານ ອພສ ເຂດວັດທາດ ຫຼວງເໜືອໃຫ້ຮູ້ວ່າ: ສໍາ ລັບບຸນນະມັດສະການພະ ທາດຫຼວງປີນີ້ແມ່ນຈະມີກິດ ຈະກໍາສາມຢ່າງເຊັ່ນ: ກອງ ປະຊຸມອົງການພຸດທະສາ ສະໜາ 3 ປະເທດຄັ້ງທີ ໜຶ່ງຈະຈັດຂຶ້ນໃນຄັ້ງວັນທີ 10-14 ພະຈິກ ພາຍໃຕ້ຫົວ ຂໍ້: ເພີ່ມທະວີມູນເຊື້ອການພົວ ພັນສາມັກຄີ ແລະ ການຮ່ວມ ມືລະຫວ່າງອົງການພຸດທະ ສາສະໜາ3 ປະເທດ ກໍາປູ ເຈຍ-ລາວ-ຫວຽດນາມ, ໃນ ເງື່ອນໄຂເຊື່ອມໂຍງພາກພື້ນ ແລະ ສາກົນ; ພິທີລົງເສົາ ເອກອາຄານສໍານັກງານ ປະທານສົງ ສູນກາງ ອພສ ໃນຕອນບ່າຍຂອງວັນທີ 17ພະຈິກ ແລະ ງານບຸນກະຖິນ ສາມັກຄີກໍຈະຈັດຂຶ້ນໃນຄັ້ງ ວັນທີ 20 ພະຈິກນີ້ ຢູ່ທີ່ຫໍ ທໍາມະສະພາ. ນອກຈາກນັ້ນ, ພາຍໃນຂອບເຂດເດີ່ນພະ ທາດຫຼວງກໍໄດ້ມີການຕົບ ແຕ່ງສະຖານທີ່ພັກເຊົາ ຂອງສົງ ແລະ ໃຫ້ຜູ້ຄົນມາ ທ່ຽວຊົມ ພ້ອມດ້ວຍປະດັບ ປະດາເອ້ຢ້ອງໄວ້ເປັນທີ່ ຮຽບຮ້ອຍແລ້ວ, ພິເສດປີນີ້ ແມ່ນໄດ້ມີສັດທາຈາກອອກ ຕົນຍາດໂຍມມາສ້າງຫ້ອງ ນໍ້າສາທາລະນະໄວ້ເພື່ອບໍລິການໃນການປົດທຸກໃຫ້ ແກ່ອອກຕົນຍາດໂຍມທັງ ຫຼາຍຈັດສັນສະຖານທີ່ເກັບ ຂີ້ເຫຍື້ອ ແລະ ສະຖານທີ່ ຕ່າງໆ ເພື່ອຄວາມເປັນລະບຽບຮຽບຮ້ອຍ ແລະ ຄວາມ ສະອາດງາມຕາຂອງສັງ ຄົມ, ຮັບປະກັນໃຫ້ງານງານ ບຸນນະມັດສະການພະທາດ ຫຼວງປີນີ້ມີບັນຍາກາດຟົດຟື້ນດີຂຶ້ນ.

ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່ - 37411144 - ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່

ບົດຮຽນໄດ້ປະໄວ້ ໃຫ້ ເຮົາເຫັນຄື: ໃນປີຜ່ານມາ, ເຖິງຈະມີຂໍ້ຫ້າມ ແລະ ລະ ບຽບວາງອອກຢ່າງຮັດກຸມ ແລ້ວກໍຕາມ, ແຕ່ພາຍຫຼັງ ພິທີງານບຸນສໍາເລັດເຊັດ ສິ້ນລົງແລ້ວ ຍັງຄົງປະໄວ້ ສິ່ງເສດເຫຼືອ ແລະ ຂີ້ເຫຍື້ອ ຊະຊາຍຢູ່ຕາມສະຖານທີ່ ຕ່າງໆ ໂດຍຂາດຜູ້ຮັບຜິດ ຊອບ ແລະ ປະປ່ອຍໄວ້ເຖິງ ສາມ-ສີ່ວັນ ເຮັດໃຫ້ເກີດກິ່ນ ບໍ່ດີແຜ່ກະຈາຍທົ່ວທຸກບ່ອນ, ຖ້າຢູ່ໃນບໍລິເວນວັດ ກໍຈະເປັນ ພັນທະໃຫ້ສົງເກັບມ້ຽນ. ເພາະສະນັ້ນເພື່ອບໍ່ໃຫ້ມີບັນ ຫານີ້ເກີດຂຶ້ນອີກ, ພວກເຮົາ ຄົນລາວຊາວພຸດທຸກຄົນ ຕ້ອງເປັນເຈົ້າພາບທີ່ດີໃນ ການສະເຫຼີມສະຫຼອງເພື່ອ ໃຫ້ມີບັນຍາກາດເບີກບານ ມ່ວນຊື່ນລື້ນເລິງ ຮັກສາໄດ້ ຄວາມສາມັກຄີ, ຄວາມສະ ຫງົບສຸກ, ຄວາມເປັນລະ ບຽບຮຽບຮ້ອຍ ແລະ ຄວາມ ສະອາດງາມຕາອັນສໍາຄັນ ກໍຄືຮັກສາໄວ້ຮີດຄອງປະ ເພນີ ແລະ ວັດທະນະທໍາ ອັນດີງາມ ຂອງຊາດລາວເຮົາ ໃຫ້ຢູ່ຄຽງຄູ່ຄົນລາວຕະ ຫຼອດໄປ, ທັງເປັນການສ້າງ ຄວາມຈັບອົກຈັບໃຈໃຫ້ແກ່ ຜູ້ມາທ່ຽວຊົມງານບຸນໃຫຍ່ ດັ່ງກ່າວໃຫ້ຕິດພັນກັບການ ທ່ອງທ່ຽວລາວເຮົາອີກດ້ວຍ.

ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່ - 34174 - ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່
(ພາບປະກອບ)

error: Content is protected !!