ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ

ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ - 374124 - ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ
ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ - AGL banner - ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ

 ໂດຍ: ທິດກ່ຳ.  

ທິດກ່ຳ ໄດ້ຍິນກະແສ ຂ່າວ ວ່າການປະມູນຈັບຈອງ ເນື້ອທີ່ບໍລິການຂາຍສິນຄ້າ ໃນໂອກາດບຸນນະມັດສະ ການພະທາດຫລວງປີນີ້, ກໍຄື ປີຜ່ານມາມີຫລາຍຕິດ ຫລາຍຕໍ່, ມີຮອດສາມສີ່ຕໍ່ ວ່າຊັ້ນ! ຕົວຢ່າງວ່າ ບໍລິສັດ ຜູ້ປະມູນຂາຍໃຫ້ມືທີສອງ ພຽງ 3 ລ້ານກີບ, ໃນເນື້ອທີ 10 ກວ່າຕາແມັດ.

 

ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ - 3471 1 - ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ

ບຸນທາດຫລວງຢ່າໃຫ້ມີການສວຍໂອກາດເກັບຄ່າຝາກລົດເກີນກຳນົດ2018/

ຍ້ອນຫຍັງ? ການເກັບຄ່າຝາກລົດງານບຸນຊ່ວງເຮືອປີນີ້ ຈຶ່ງບໍ່ມີຄວາມເປັນເອກະພາບ2018

ຕໍ່ມາກໍມີມືທີສາມມາ ຂໍຊື້ຕໍ່ໃນລາຄາ 5 ຫາ 6 ລ້ານ ກີບ, ໃກ້ຈະຮອດມື້ບຸນພຽງ ສາມສີ່ມືກໍມີມືທີສີ່, ທີຫ້າ ມາຂໍປະມູນຊື້ຕໍ່ໃນລາຄາ 10 ຫາ 15 ລ້ານ.

ນອກນີ້, ຍັງອີງໃສ່ເງື່ອນ ໄຂເນື້ອທີ່, ຈຸດພິເສດຂອງ ແຫລ່ງ ທຳເລບ່ອນຄົນກາຍ ໄປມາເຕົ້າໂຮມການຊື້ຂາຍ ກໍຍິ່ງແພງກວ່ານັ້ນ, ລາມໄປ ເຖິງສະຖານ ທີ່ຝາກລົດກໍຄື ກັນ, ຍິ່ງມີລາຄາສູງເຖິງຂັ້ນ ສີ່ຫ້າສິບ ຫລື ເກືອບເຖິງຂັ້ນ ຮ້ອຍລ້ານຖ້າເປັນບ່ອນສະ ຖານທີ່ກວ້າງຂວາງ.

ນີ້ກໍສະແດງວ່າມືທີສອງ, ທີສາມ ແລະ ທີສີ່ ກວາດເອົາ ກຳໄລໂດຍທີ່ບໍ່ຈຳເປັນຕ້ອງ ໄປນັ່ງປາກປຽກ, ຫິວນອນໃນ ການໄປຂາຍເຄື່ອງໃນບຸນ ທາດຫລວງ.

ນອກນັ້ນ, ກໍຍັງມີກະແສ ຂ່າວວ່າບຸນອອກພັນສາປະ ວໍລະນາ ຢູ່ທີ່ທ່າວັດຈັນ ໃນ ຫລາຍປີຜ່ານມາກໍເປັນສະ ພາບແບບນີ້ເຊັ່ນກັນ.
ເມື່ອເປັນດັ່ງທີ່ວ່ານີ້, ຢາກ ບໍ່ຢາກຜູ້ຈັບຈອງເນື້ອທີ່ບໍລິ ການຂາຍສິນຄ້າກໍຈຳຕ້ອງ ໄດ້ໄລ່ ລຽງທາງດ້ານ ເສດຖະ ກິດໂດຍຕັ້ງເປົ້າລາຄາຂາຍ ແພງຂຶ້ນ ຈຶ່ງຈະເຫັນກຳໄລ.

ຕົວຢ່າງຄ່າຝາກລົດໃຫຍ່ 20.000 ກີບ ຕາມກົດກໍສວຍ ໂອກາດຂຶ້ນ 30.000 ຫລື 40.000 ກີບ, ຄ່າຝາກລົດ ຈັກ 5.000 ກີບ, ກໍຂຶ້ນເປັນ 10.000 ກີບ ຫາ 15.000 ກີບ ຫລື ແພງກວ່ານັ້ນ.

ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ - Wave100S AD to Website 2020 0 - ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ

ສ່ວນວ່າປະເພດເຄື່ອງ ດື່ມຕົວຢ່າງນ້ຳດື່ມຕຸກກາງ ກາຫົວເສືອຈາກລາຄາປົກ ກະຕິ 3.000 ກີບ ກໍຂຶ້ນໄປ ຮອດ 10.000 ກີບ ຫລື ຫລາຍກວ່ານັ້ນ.

ນອກຈາກປະເພດສິນ ຄ້າທີ່ໄດ້ກ່າວມານີ້ແລ້ວ, ສິນ ຄ້າໂຕອື່ນໆ ກໍມີລັກສະນະ ຂຶ້ນລາຄາໄປຕາມໆກັນ ຍ້ອນຄ່າສິ້ນເປື້ອງມັນສູງ ເຊັ່ນ: ເຝີ, ເຂົ້າປຽກ ແລະ ປະເພດເຄື່ອງກິນດື່ມອື່ນໆ ເຫລົ່ານີ້ເປັນຕົ້ນ.

ເມື່ອຕັ້ງໂຈດກັນ ວ່າຕໍ່ ປະກົດການແບບນີ້, ເຮົາຈະ ພາກັນແກ້ແນວໃດ ຈຶ່ງຈະ ສອດຄ່ອງເໝາະສົມຄຳຕອບ ກໍຄືມະຫາພາກທີ່ກ່ຽວຂ້ອງ ຕ້ອງວາງມາດຕະການອັນ ເດັດຂາດ, ມີການກວດກາ ເປັນຂັ້ນຕອນຢ່າງເຂັ້ມງວດ.

ອັນສອງມາຜູ້ຊື້ກັບຜູ້ ຂາຍເອງກໍບໍ່ຄວນພາກັນເຫີ່ ເພາະການທີ່ເຮັດສິ່ງນີ້ມັນຜິດ ກົດໝາຍນອນຢູ່ໃນເຄື່ອຄ່າຍ ສໍ້ລາດບັງຫລວງ-ສໍ້ຫລວງ ບັງລາດ, ຖ້າຮູ້ເຫັນຜູ້ໃດເຮັດ ຕ້ອງປັບໄໝໃສ່ໂທດ.

ສ່ວນວ່າປະການອັນທີ ສາມມັນກໍຂຶ້ນກັບຜູ້ປະກອບ ການກັບຜູ້ບໍລິໂພກນັ້ນເອງ ຖ້າເຫັນວ່າ ມັນແພງເກີນ ຂອບເຂດກໍບໍ່ຕ້ອງໄປຈັບ ຈ່ອງ, ບໍ່ຕ້ອງໄປຂາຍ, ໄປຊື້ ສຸດທ້າຍມັນກໍເປັນໄປຕາມ ຍະຖາກຳຂອງມັນເອງ.

ຕາມທິດກ່ຳວ່າ ໃນຍຸກ ເສດຖະກິດຕະຫລາດທີ່ພວມ ມີການຂະຫຍາຍຕົວຂຶ້ນສູງ ແລະ ແຂງແຮງທຸກສິ່ງ, ທຸກ ຢ່າງຂອງລະບົບເສດຖະກິດ ມັນກໍມີປະກົດການທັງອັນດີ ແລະ ຫຍໍ້ທໍ້ ຕາມມາ.

ສຳຄັນແຕ່ວ່າຜູ້ຄຸ້ມຄອງນັ້ນຕ້ອງເກັ່ງອີ່ຫລີຈຶ່ງສາ ມາດຜ່ານຜ່າອຸປະສັກນີ້ໄດ້, ແຕ່ ເມື່ອໃດຫາກຜູ້ຄຸ້ມຄອງ ດ້ານນີ້ຫາກຍັງມີຖົງໂສ້ງ ປິ່ນລົງ, ຖົງເສື້ອປິ່ນປາກ ຂຶ້ນມັນກໍຍັງ ໄປຕາມວາດຕາມ ຊົງຍ້ອນລະບົບເສດຖະກິດ ແຫ່ງຊາດບໍ່ທັນເຂັ້ມແຂງ ແລະ ຍັງບໍ່ທັນສາມາດລົບ ລ້າງອອກຈາກຄວາມທຸກ ຍາກ ແລະ ດ້ອຍພັດທະນາໄດ້.

ເຖິງຢ່າງໃດກໍດີ, ເທົ່າ ທີ່ທິດກ່ຳ ເຫັນໃນຫລາຍ ປີຜ່ານມາບໍ່ວ່າແຕ່ບຸນທາດ ຫລວງຍັງມີບຸນ ອື່ນໆ, ປະເພດ ສິນຄ້າອື່ນໆ ທີ່ຍັງມີລາຄາພໍ ໄປພໍມາກ້າວໄປເຖິງລາຄາ ຖືກຢູ່ເຊັ່ນ: ປະເພດເສື້ອຜ້າ, ເຄື່ອງໃຊ້ສອຍປະເພດຕ່າງໆ ອີກຫລາຍສິ່ງຫລາຍຢ່າງ.

ສ່ວນປະເພດສິນຄ້າໂຕ ແພງໆ ຖ້າບໍ່ຈຳເປັນກໍບໍ່ຕ້ອງ ໄປຊື້ໃຫ້ງົດໄວ້ກ່ອນເພາະ ງານບຸນມັນກໍມີພຽງ 4-5 ມື້ ແລະ ບ່ອນຊື້ບ່ອນຂາຍຢູ່ບ້ານ ເຮົາສະໄໝນີ້ມັນບໍ່ອຶດບໍ່ຢາກ ແລະ ມີໃຫ້ເລືອກໃຊ້ຕາມໃຈ ມັກ,ການປະຢັດມັດທະຍັດ ນັ້ນລະເປັນສິ່ງທີ່ດີ ແມ່ບັກຄຳ ໂຕຍເອີຍ!./.

ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ - 374124 - ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ

ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ - lattana 1 - ປະມູນຫລາຍຕໍ່ ໜຶ່ງໃນສາເຫດ ສິນຄ້າແພງ
error: Alert: Content is protected !!