ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ

ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ - news20181115143417 - ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ
ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ - AGL banner - ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ

​ເລກິບ ສື່​ຂອງຝຣັ່ງ ລາຍ​ງານ ຢູຟາ ອາດ​ຈະ​ຕັດ​ສິດ ປາຣີ ​ແຊງ​ແຊກ​ແມງ ຈາກ​ການ​ລົງ​ຫລິ້ນ ຢູຟາ ​ແຊມ​ປ້ຽນລີກ ຫລັງ​ຈາກ​ທີ່​ມີ​ການ​ສອບ​ສວນ​ແລ້ວ​ພົບ​ວ່າ ພວກ​ເຂົາ​ບໍ່​ໄດ້​ເງິນ​ຄ່າ​ສະໜັບສະໜູນ​ສູງ​ຄື​ທີ່​່ກ່າວ​ອ້າງ.

ປາຣີ ​ແຊງ​ແຊກ​ແມງ ສະ​ໂມ​ສອນ​ດັງ​ແຫ່ງ ລີກ​ເອິງ ຝຣັ່ງ ອາດ​ຈະ​ຖືກ​ສະຫະພັນ​ບານ​ເຕະ​ເອີຣົບ (ຢູຟາ) ຕັດ​ສິດ​ຈາກ​ການ​ລົງ​ແຂ່ງ​ລາຍການ ຢູຟາ ​ແຊມ​ປ້ຽນລີກ ​ໂທດ​ຖານ​ທີ່​ພວກ​ເຂົາ​ອາດ​ລະ​ເມີດ​ກົດ​ຄວບ​ຄຸມ​ການ​ເງິນອີກ​ຄັ້ງ.

ປາຣີ ​ແຊງ​ແຊກ​ແມງ ກັບ ​ແມນ​ເຊັສ​ເຕີ ຊິ​ຕີ້ ​ເຄີຍ​ຖືກຕັ້ງຂໍ້​ສົງ​ໄສ​ວ່າ​ລະ​ເມີດ​ກົດໝາຍ​ຄວບ​ຄຸມ​ການ​ເງິນ​ເມື່ອ​ຫລາຍ​ປີ​ກ່ອນ ​ເຊິ່ງຕອນ​ນັ້ນຫລາຍ​ຝ່າຍ​ເຊື່ອ​ວ່າຄວາມ​ຜິດ​ຂອງ​ພວກ​ເຂົາ​ຮ້າຍ​ແຮງ​ຈົນ​ຈະ​ເຮັດ​ໃຫ້​ຖືກ​ຫ້າມ​ຈາກ​ການ​ລົງ​ຫລິ້ນ ຢູຟາ ​ແຊມ​ປ້ຽນລີກ ​ໃນ​ລະດູ​ການ 2014-15 ​ສຸດ​ທ້າຍ​ກ່ອນຈະ​ມີ​ການຕັດສິນ​ວ່າຄວາມ​ຜິດ​ຂອງ​ທັງ 2 ທີ​ມບໍ່​ຮຸນ​ແຮງ​ຈົນ​ເຖິງ​ຂັ້ນຈະ​ຖືກ​ຕັດ​ສິດ​ຈາກ​ການ​ແຂ່ງຂັນ.

​ເຖິງ​ຢ່າງ​ໃດ​ກໍ​ຕາມ, ​ເມື່ອ​ບໍ່​ດົນ​ມາ​ນີ້ມີ ​ເຕະບານ ລີກ ​ເວັບ​ໄຊ​ເຜີຍ​ແຜ່​ເລື່ອງ​ລັບ​ໃນ​ວົງ​ການ​ບານ​ເຕະ​ໄດ້​ເປີດ​ເຜີຍ​ເອກະສານ​ທີ່​ອ້າງ​ວ່າ ປາຣີ ​ແຊງ​ແຊກ​ແມງ ກັບ ​ແມນ​ເຊັສ​ເຕີ ຊິ​ຕີ້ ຕ່າງ​ໃຊ້​ລູກຫລິ້ນບາງ​ຢ່າງ​ເພື່ອ​ປອມ​ແປງ​ຕົວ​ເລກ​ໃນ​ບັນຊີ​ຂອງ​ພວກ​ເຂົາ ​ເພື່ອ​ເຮັດ​ໃຫ້​ເບິ່ງ​ຄື​ວ່າ​ພວກ​ເຂົາ​ບໍ່​ໄດ້​ຂາດທຶນ​ຫລາຍ ​ເຊິ່ງ​ນີ້​ເປັນ​ບັນຫາ​ໃຫຍ່​ຈົນ​ເຖິງ​ຂະໜາດ​ທີ່ ຢູຟາ ບອກ​ວ່າ​ພວກ​ເຂົາ​ພ້ອມ​ຈະ​ສອບ​ສວນ​ຄະດີ​ນີ້​ອີກ​ຄັ້ງ ຖ້າ​ພົບ​ວ່າ​ມີ​ທີ​ມ​ໃດ​ໃຊ້​ວິທີ​ໂກງ​ຕົວ​ເລກ​​ແທ້.

ຫລ້າ​ສຸດ ​ເລ​ກິບ ​ເປີດ​ເຜີຍ​ວ່າ ປາຣີ ​ແຊງ​ແຊກ​ແມງ ຕ້ອງ​ພົບ​ກັບ​ຄະດີ​ໃຫຍ່​ອີກ 1 ຄະດີ ນັ້ນຄື​ການ​ທີ່​ຄະນະ​ກຳມະການ​ດ້ານ​ການ​ວິນິດ​ໄສ​ຂອງ​ໜ່ວຍ​ງານ​ຄວບ​ຄຸມ​ການ​ເງິນ​ລະດັບ​ສະ​ໂມ​ສອນ​ຂອງ ຢູຟາ (CFCB) ​ເຊິ່ງມີໜ້າ​ທີ່​ກວດ​ສອບ​ເລື່ອງ​ການ​ເງິນ​ຂອງ​ທີ​ມຕ່າງໆ​ນັ້ນບອກ​ວ່າ: ​ເປ​ແອ​ສ​​ເຊ ບໍ່​ໄດ້​ຮັບ​ເງິນ​ຄ່າ​ສະ​ປອນ​ເຊີ​ຈາກ​ຜູ້​ສະໜັບສະໜູນ​ໃນ​ປະ​ເທດ​ກາ​ຕາ​ສູງ​ຕາມ​ທີ່​ພວກ​ເຂົາ​ອ້າງ ​ໃນ​ໄລຍະ​ລະດູ​ການ 2013-14 ​ແລະ 2014-15.

ທັງ​ນີ້, ປາຣີ ​ແຊງ​ແຊກ​ແມງ ລະບຸ​ວ່າ​ພວກ​ເຂົາ​ເຊັນ​ຂໍ້​ຕົກລົງ​ດ້ານ​ສະ​ປອນ​ເຊີ​ກັບ​ບໍລິສັດ​ຕ່າງໆ​ໃນ​ປະ​ເທດ​ກາ​ຕາ​ເປັນ​ມູນ​ຄ່າ​ລວມ​ເຖິງ 138 ລ້ານ​ຢູ​ໂຣ ​ໂດຍ​ເງິນ​ສ່ວນ​ຫລາຍ​ມາ​ຈາກ​ກົມ​ທ່ອງ​ທ່ຽວ​ຂອງ​ກາ​ຕາ (ຄິວ​ທີ​ເອ) ທີ່​ຈ່າຍ​ເງິນ​ໃຫ້​ພວກ​ເຂົາ 100 ລ້ານ​ຢູ​ໂຣ ​ແຕ່​ທີ​ມກວດ​ສອບ​ພົບ​ວ່າ ຄວາມ​ຈິງ​ແລ້ວ​ຂໍ້​ຕົກລົງ​ທຸກ​ສະບັບ​ມີ​ມູນ​ຄ່າ​ລວມກັນ​ພຽງ 87 ລ້ານ​ຢູ​ໂຣ ​ເທົ່າ​ນັ້ນ ​ເຊິ່ງຂໍ້​ຕົກລົງ​ຂອງ ຄິວ​ທີ​ເອ ມີ​ມູນ​ຄ່າ​ແທ້​ພຽງ 58 ລ້ານ​ຢູ​ໂຣ.

ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ - Wave100S AD to Website 2020 0 - ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ

ຖ້າ​ເປັນ​ແນວ​ນັ້ນ​ແທ້ ໝາຍ​ຄວາມ​ວ່າ ປາຣີ ​ແຊງແຊກ​ແມງ ຂາດທຶນ​ເຖິງ 48 ລ້ານ​ຢູ​ໂຣ ຕອນ​ທີ່​ໝົດ​ປີ​ງົບປະມານ​ຂອງ​ພວກ​ເຂົາ. ຂະນະ​ທີ່​ກົດ​ຂອງ ຢູຟາ ລະບຸ​ເອົາ​ໄວ້​ຈະ​ແຈ້ງວ່າ ທຸກ​ທີ​ມຫ້າມ​ໃຊ້​ເງິນ​ຊື້ນັ​ກ​ເຕະ​ຫລາຍ​ກວ່າ​ລາຍ​ຮັບ​ຂອງ​ທີ​ມ ​ແລະ ໜີ້​ໂດຍ​ລວມພາຍ​ໃນ​ໄລຍະ 3 ລະດູ​ການ​ຕ້ອງ​ຫ້າມ​ສູງ​ເກີນ 30 ລ້ານ​ຢູ​ໂຣ.

ສຳລັບ​ຄວາມ​ຜິດ​ຂອງ​ການລະ​ເມີດ​ກົດ​ຄວບ​ຄຸມ​ການ​ເງິນ​ນັ້ນ ມີ​ນັບ​ແຕ່​ຖືກ​ສັ່ງ​ຫ້າມ​ຊື້ນັກ​ເຕະ, ບໍ່​ໄດ້​ຮັບ​ເງິນ​ຈາກ​ການ​ແຂ່ງຂັນ​ລາຍການ​ລະດັບ​ທະວີບ ຈົນ​ເຖິງ​ການ​ຖືກ​ຕັດສິນ​ຈາກ​ການ​ລົງ​ແຂ່ງຂັນ​ລາຍການ​ລະ​ດັບ​ທະວີບ ​ເຊິ່ງນັ້ນໝາຍ​ເຖິງ ​ແຊມ​ປ້ຽນລີກ ​ໂດຍ​ຖ້າ​ເປັນ​ກໍລະນີ​ຫລັງ​ສຸດ ​ແນ່ນອນ​ວ່າ​​ໂທດ​ຈະ​ມີ​ຜົນ​ໃນ​ລະດູ​ການ​ນີ້ ຫລື ລໍຖ້າ​ໃຫ້​ມີ​ຜົນ​ໃນ​ລະດູ​ການ​ຕໍ່​ໄປ.

​ເລ​ກິບ ຍັງ​ກ່າວ​ອີກ​ວ່າ: ຄະນະ​ກຳມະການ​ດ້ານ​ການ​ວິນິດ​ໄສ​ຂອງ CFCB ຍັງ​ສອບ​ສວນ​ກໍລະນີ​ທີ່ ປາຣີ ​ແຊງ​ແຊກ​ແມງ ​ເຊັນ​ສັນຍາ​ກັບ ​ເນ​ມາ ​ແລະ ຄີ​ລິ​ຢັນ ​ເອັມບັບ​ເປ້ 2 ກອງ​ໜ້າ​ຄົນ​ດັງ ​ໂດຍ​ສື່​ຂອງຝຣັ່ງບອກ​ວ່າ ທັງ​ສອງ​ໄດ້​ຄ່າ​ເມື່ອຍ​ລວມກັນ​ສູງ​ຈົນ​ຂະໜາດ​ທີ່ ​ເປ​ແອ​ສ​ເຊ ຈຳ​ເປັນ​ຕ້ອງ​ມີ​ລາຍ​ໄດ້​ປີ​ລະ 150 ລ້ານ​ຢູ​ໂຣ ພຽງ​ເພື່ອ​ທີ່​ພວກ​ເຂົາ​ຈະ​ບໍ່​ຂາດທຶນ.

ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ - lattana 1 - ເປແອສເຊ ສ່ຽງຖືກ ຢູຟາ ຕັດສິດພົ້ນ ແຊມປ້ຽນລີກ
error: Alert: Content is protected !!