ເຢຍລະ​ມັນ ຈະ​ສະໜອງ​ເງີ​ນສົ່ງ​ເສີມທຸລະ​ກິດ SME ລາວ ຈຳນວນ 3 ລ້ານ​ເອີ​ໂຣ

ເຢຍລະ​ມັນ ຈະ​ສະໜອງ​ເງີ​ນສົ່ງ​ເສີມທຸລະ​ກິດ sme ລາວ ຈຳນວນ 3 ລ້ານ​ເອີ​ໂຣ - advert banner 728 90 728x90 - ເຢຍລະ​ມັນ ຈະ​ສະໜອງ​ເງີ​ນສົ່ງ​ເສີມທຸລະ​ກິດ SME ລາວ ຈຳນວນ 3 ລ້ານ​ເອີ​ໂຣ

​    ໃນວັນທີ 14 ພະຈິກນີ້ ທະນາຄານແຫ່ງ ສປປ ລາວ ​ໄດ້​ຈັດກອງປະຊຸມນຳສະເໜີໂຄງການກອງທຶນສົ່ງເສີມການເຂົ້າຫາແຫຼ່ງທຶນ (Lao Access to Finance Fund-LAFF) ​ໂດຍ​ການ​ເຂົ້າ​ຮ່ວມ​ຂອງທ່ານ ນາງ ວັດທະນາ ດາລາລອຍ ຮອງຜູ້ວ່າການທະນາຄານແຫ່ງ ສປປ ລາວ ​ແລະ ທ່ານ ຢັນ ວິເກວແມນ ຫົວໜ້າອົງການ KFW ປະຈຳ ສປປ ລາວ.

ນາງ ວັດທະນາ ດາລາລອຍ ກ່າວວ່າ: ໂຄງການດັ່ງກ່າວນີ້ແມ່ນໄດ້ເລີ່ມຕົ້ນດ້ວຍການເຊັນສັນຍາຮ່ວມມືດ້ານການເງິນ ລະຫວ່າງລັດຖະບານເຢຍລະມັນ ຕາງໜ້າໂດຍທະນາຄານເພື່ອການພັດທະນາຂອງປະເທດເຢຍລະມັນ ຫຼື KFW ແລະ ລັດຖະບານ ສປປ ລາວ ຕາງໜ້າໂດຍກະຊວງການເງິນ ໃນນາມເປັນຜູ້ຮັບທຶນຊ່ວຍເຫຼືອ ແລະ ທະນາຄານແຫ່ງ ສປປ ລາວ ໃນນາມເປັນຜູ້ຄຸ້ມຄອງບໍລິຫານໂຄງການ ດ້ວຍເງິນຊ່ວຍເຫຼືອຈຳນວນ 3 ລ້ານເອີໂຣ ເຊິ່ງໄດ້ເຊັນກັນໃນຕົ້ນປີ 2014 ໂດຍມີເປົ້າໝາຍເພື່ອສ້າງເປັນກອງທຶນສົ່ງເສີມການເຂົ້າຫາແຫຼ່ງທຶນສຳລັບຈຸນລະວິສາຫະກິດຂະໜາດນ້ອຍ ແລະ ກາງ ຫຼື MSMEs ທີ່ນອນໃນເຂດນອກຕົວເມືອງໃຫຍ່. MSMEs ເປັນອົງປະກອບທີ່ສຳຄັນ ທີ່ໄດ້ປະກອບສ່ວນເຂົ້າໃນການຂະຫຍາຍຕົວທາງດ້ານເສດຖະກິດຂອງ ສປປ ລາວຢ່າງຕໍ່ເນື່ອງ ເຊິ່ງໄດ້ປະກອບສ່ວນເຂົ້າໃນການສ້າງວຽກເຮັດງານທຳໃຫ້ແກ່ປະ ຊາຊົນລາວບັນດາເຜົ່າ ແລະ ສ້າງລາຍຮັບໃຫ້ແກ່ຜູ້ປະກອບການ MSMEs. ຈາກການສຳຫຼວດເຫັນວ່າການເຂົ້າຫາແຫຼ່ງທຶນຍັງແມ່ນໜຶ່ງ​ໃນບັນດາອຸປະສັກຕົ້ນຕໍຂອງວິສາຫະກິດຂະໜາດນ້ອຍເຫຼົ່ານີ້ ໂດຍສະເພາະແມ່ນບັນຫາກ່ຽວກັບທຶນກູ້ຢືມໄລຍະຍາວທີ່ເປັນເງິນກີບ ເພື່ອຈະເຮັດໃຫ້ MSMEs ມີຄວາມສາມາດລົງທຶນໃສ່ການຂະຫຍາຍທຸລະກິດ ແລະ ລົງທຶນໃສ່ການຊື້ວັດຖຸອຸປະກອນທີ່ເປັນຊັບສິນຄົງທີ່. ສະນັ້ນ ເພື່ອເປັນການກະຕຸກຊຸກຍູ້ຄືດັ່ງກ່າວ ກອງທຶນ LAFF ຈຶ່ງໄດ້ສະໜອງເງິນກູ້ໄລຍະຍາວໃຫ້ແກ່ທະນາຄານທຸລະກິດ ແລະ ສະຖາບັນການເງິນຈຸລະພາກທີ່ມີແຜນຍຸດທະສາດສຸມໃສ່ການປ່ອຍກູ້ໃຫ້ MSMEs ທີ່ມີລະບົບການບັນຊີທີ່ສາມາດຕິດຕາມໄດ້ ແລະ ຢູ່ພາຍໃຕ້ການຂະຫຍາຍກິດ ຈະກຳການປ່ອຍກູ້ໃຫ້ຕົນໄປສູ່ວິສາຫະກິດຈຸລະພາກ ແລະ ວິສາຫະກິດຂະໜາດນ້ອຍ. ໃຫ້ແກ່ບັນດາທະນາຄານທຸລະກິດ ແລະ ສະຖາບັນການເງິນຈຸລະພາກຮັບຊາບກ່ຽວກັບໂຄງການ ເຊິ່ງເປັນກອງທຶນປ່ອຍເງິນກູ້ໃຫ້ແກ່ທະນາຄານທຸລະກິດ ແລະ ສະຖາບັນການເງິນຈຸລະພາກທີ່ຮັບຝາກເງິນທີ່ມີຄວາມສົນໃຈ ແລະ ມີເງື່ອນໄຂຄົບຖ້ວນຕາມມາດຕະຖານຄວາມຕ້ອງການ.

ເຢຍລະ​ມັນ ຈະ​ສະໜອງ​ເງີ​ນສົ່ງ​ເສີມທຸລະ​ກິດ sme ລາວ ຈຳນວນ 3 ລ້ານ​ເອີ​ໂຣ - Tiger Head 728x90 - ເຢຍລະ​ມັນ ຈະ​ສະໜອງ​ເງີ​ນສົ່ງ​ເສີມທຸລະ​ກິດ SME ລາວ ຈຳນວນ 3 ລ້ານ​ເອີ​ໂຣ
ເຢຍລະ​ມັນ ຈະ​ສະໜອງ​ເງີ​ນສົ່ງ​ເສີມທຸລະ​ກິດ sme ລາວ ຈຳນວນ 3 ລ້ານ​ເອີ​ໂຣ - 1 1 - ເຢຍລະ​ມັນ ຈະ​ສະໜອງ​ເງີ​ນສົ່ງ​ເສີມທຸລະ​ກິດ SME ລາວ ຈຳນວນ 3 ລ້ານ​ເອີ​ໂຣ
error: Content is protected !!