ແພງຊີວິດ ຂໍຢ່າຄິດສັ້ນ

ແພງຊີວິດ ຂໍຢ່າຄິດສັ້ນ - 36952142 - ແພງຊີວິດ ຂໍຢ່າຄິດສັ້ນ
ແພງຊີວິດ ຂໍຢ່າຄິດສັ້ນ - AGL banner - ແພງຊີວິດ ຂໍຢ່າຄິດສັ້ນ

ໂດຍ: ວິເສດ ສະແຫວງສຶກສາ.   

ມື້ນີ້ມີເລື່ອງຟັງແລ້ວອາດຂົນຫົວລຸກແດ່ແຕ່ກໍຂໍນຳສະ ເໜີ ເພື່ອເປັນອຸທາຫອນສອນ ໃຈໃຫ້ຮູ້ກັນວ່າ ເມື່ອຄົນເຮົາ ຕົກຢູ່ໃນສະພາບຈົນຕາແຈ ແລ້ວ ກໍມັກຈະສາຍຕາສັ້ນ ເຖິງຂັ້ນໂສສຸດໂສສ້ວຍປິດ ຊີວິດຕົນເອງ ທັງໆທີ່ໃນຕົວ ຈິງຖ້າມີຄວາມອົດທົນມີເຫດຜົນພຽງພໍ ມັນກໍບໍ່ເຖິງຕ້ອງ ຂ້າໂຕຕາຍ ດັ່ງທີ່ມັກຈະເປັນ ຂ່າວໃຫ້ໄດ້ຍິນຢູ່ເປັນປະ ຈຳທັງຢູ່ຕ່າງປະເທດ ແລະ ຢູ່ ລາວເຮົາເອງ.

 

ເກີດລະເບີດຂ້າຕົວຕາຍທີ່ຈຸດກວດທະຫານ ໃນພາກໃຕ້ຟີລິບປິນ ເສຍຊີວິດ 10 ຄົນ2018/

ໄອຍະການດັດສືບສວນຄະດີ ນາຍພົນຂ້າຕົວຕາຍໃນສານ UN2017

ສຳລັບບົດປະຈຳວັນນີ້, ຜູ້ຂຽນໄດ້ຮຽບຮຽງເນື້ອໃນ ຈາກບົດເປັນພາສາອັງກິດ ວ່າ: “Suicide: The silent killer”ແປວ່າ “ການຂ້າໂຕ ຕາຍແມ່ນເພັດສະຄາດ ງຽບ” (ຈາກໜັງສືພິມ The Nation 20-21 ຕຸລາ 2018).

ບົດໄດ້ສັງລວມຕົວເລກທີ່ໜ້າຢ້ານກົວກ່ຽວກັບການ ຂ້າໂຕຕາຍໃນທົ່ວໂລກ, ກ່ຽວ ກັບບັນດາພິລຸດທີ່ສະແດງ ອອກຂອງຄົນທີ່ມີແຜນຂ້າ ໂຕຕາຍ ແລະ ບັນດາປັດໄຈ ສ່ຽງທີ່ຊັກຈູງໃຫ້ຄົນຄິດ ສັ້ນຂ້າໂຕຕາຍ.

ແພງຊີວິດ ຂໍຢ່າຄິດສັ້ນ - Wave100S AD to Website 2020 0 - ແພງຊີວິດ ຂໍຢ່າຄິດສັ້ນ

ຂໍ້ມູນກ່ຽວກັບຂ້າໂຕ ຕາຍໄດ້ຊີ້ອອກວ່າ ເປັນແຕ່ ລະປີ ຈຳນວນຄົນທີ່ຂ້າໂຕ ຕາຍໃນໂລກນັ້ນມີເກືອບ 800.000 ຄົນ ໂດຍສະເລ່ຍ 1 ຄົນໃນແຕ່ລະ 40 ວິນາທີ, ອັດຕາການຂ້າໂຕຕາຍໂດຍ ສະເລ່ຍແມ່ນ 10,6 ຄົນຕໍ່ປະ ຊາກອນ 100.000 ຄົນ.

ການປິດຊີວິດຕົນເອງ ແມ່ນສາເຫດການຕາຍ ຫລາຍເປັນອັນດັບທີສອງ ຂອງຄົນໃນໄວ 15-29 ປີ. ການຂ້າໂຕຕາຍກວມອັດຕາ 1,4% ຂອງການເສຍຊີວິດ ທັງໝົດຢູ່ໃນໂລກ.

ຕໍ່ໄປແມ່ນກ່ຽວກັບສັນ ຍານ ຫລື ພິລຸດທີ່ສະແດງ ອອກ ໂດຍຄົນທີ່ຕ້ອງການ ຂ້າໂຕຕາຍຄື: ມັກເວົ້າເຖິງ ຄວາມຕ້ອງການຢາກຕາຍ ຫລື ຂ້າໂຕຕາຍ, ຊອກຫາວິທີ ຂ້າໂຕຕາຍ, ເວົ້າເຖິງສະພາບ ໝົດຫວັງ ແລະ ບໍ່ມີເປົ້າໝາຍ ໃນຊີວິດຂອງຕົນ, ເວົ້າເຖິງ ຄວາມອັດອັ້ນຕັນໃຈ ແລະ ຄວາມເຈັບປວດເຫລືອທົນ, ສະແດງຄວາມນ້ອຍອົກ ນ້ອຍໃຈທີ່ຕົນເອງໄດ້ກາຍ ເປັນພາລະໃຫ້ຄົນອື່ນ, ເລີ່ມ ຕິດເຫລົ້າ ຫລື ຢາເສບຕິດ, ມີອາການຕື່ນຕົກໃຈ ແລະ ກະ ວົນກະວາຍງາຍ, ນອນໜ້ອຍ ຫລື ນອນຫລາຍໂພດ, ຕີຕົວ ຫ່າງ ຫລື ແຍກປ່ຽວຕົນເອງ ຈາກສັງຄົມ, ມີອາການໂມ ໂຫ, ອາຄາດບາດໝາງ ແລະ ຕ້ອງການແກ້ແຄ້ນ ແລະ ມີ ອາລົມຜັນແປງ່າຍ.
ສ່ວນປັດໄຈສ່ຽງທີ່ຊັກ ຈູງໃຫ້ຄົນຄິດສັ້ນຂ້າໂຕ ຕາຍນັ້ນມີຄືຈັ່ງຊີ້: ຄວາມ ຜິດປົກກະຕິທາງດ້ານຈິດໃຈ (ລັກສະນະໂລກຈິດຂາດສະ ຕິສຳປະສັນຍະ ແລະ ອື່ນໆ) ຕິດເຫລົ້າ ຫລື ເສບຢາເສບ ຕິດ, ມີຄວາມຮູ້ສຶກຜິດ ຫວັງ, ມີປະຫວັດຜ່ານເຫດ ຮ້າຍໃນຊີວິດ ຫລື ເຄີຍຕົກ ເປັນເຫຍືອຂອງຄວາມ ໂຫດຮ້າຍຕ່າງໆ ມາແລ້ວ, ມີຄວາມບົກຜ່ອງທາງຮ່າງ ກາຍ ຫລື ເຈັບເປັນແບບຊຳ ເຮື້ອ, ເຄີຍມີປະຫວັດພະ ຍາຍາມຂ້າໂຕຕາຍມາກ່ອນ ແລ້ວ, ຄອບຄົວທີ່ມີປະຫວັດ ຂ້າໂຕຕາຍ, ມີເງື່ອນໄຂເຂົ້າ ເຖິງອຸປະກອນທີ່ໃຊ້ຂ້າໂຕ ຕາຍໄດ້ງ່າຍ, ຂາດການຊ່ວຍ ເຫລືອຈາກສັງຄົມ ແລະ ມີຄວາມຮູ້ສຶກຖືກໂດດດຽວ ແລະ ເຄີຍມີມົນທິນ ຫລື ຄວາມຜິດຫວັງທີ່ພົວພັນກັບ ການຂໍຄວາມຊ່ວຍເຫລືອ.

ເພື່ອໃຫ້ເຫັນພາບຕົວ ຈິງຂອງບັນຫາຂ້າໂຕຕາຍ, ຜູ້ຂຽນຂໍຍົກຕົວຢ່າງເລື່ອງ ທີ່ເກີດຂຶ້ນຢູ່ປະເທດໄທ-ບ້ານ ໃກ້ເຮືອນຄຽງ ເຊິ່ງມີລັກ ສະນະ ແລະ ຈຸດພິເສດຄ້າຍ ຄຽງກັບສັງຄົມລາວເຮົາ.

ຢູ່ໄທສະຖິຕິຊີ້ອອກວ່າ ໃນປີ 2017 ແຂວງ (ຈັງ ຫວັດ) ທີ່ມີເຫດຂ້າໂຕຕາຍ ຫລາຍທີ່ສຸດນັ້ນລວມມີ 10 ແຂວງ ໃນນັ້ນ 8 ແຂວງຢູ່ ທາງພາກເໜືອຂອງໄທນຳ ໜ້າໂດຍແຂວງ ແມ່ຮ່ອງສອນ ເຊິ່ງມີເຫດຂ້າໂຕຕາຍໂດຍ ສະເລ່ຍ 14,55 ຕໍ່ປະຊາກອນ 100.000 ຄົນ, ຈຳນວນ ຄົນຂ້າໂຕຕາຍມີທັງໝົດ 3.934 ຄົນ ໂດຍສະເລ່ຍ 6 ຄົນຕໍ່ປະຊາກອນ 100.000 ຄົນ, ຕົວເລກຜູ້ຊາຍຂ້າໂຕ ຕາຍນັ້ນສູງກວ່າແມ່ຍິງ 4 ເທົ່າ ແລະ ໃນແຕ່ລະປີໄທໄດ້ ຮັບຜົນເສຍຫາຍທາງເສດ ຖະກິດຈາກການຂ້າໂຕຕາຍ ສູງກວ່າ 400 ລ້ານບາດ.
ໃນຍຸກທີ່ມີການແກ່ງ ແຍ້ງແຂ່ງຂັນຢ່າງດຸເດືອດນີ້, ບັນຫາການຂ້າໂຕຕາຍກໍເປັນເງົາຕາມຕົວມາແຕ່ຖ້າທຸກ ຄົນມີສະຕິຮູ້ສາເຫດຮູ້ທັນ ແກ້ກໍຈະສາມາດຊ່ວຍເຫລືອ ຕົນເອງ ແລະ ຜູ້ອື່ນໄດ້ຢ່າງ ທັນການ./.

ແພງຊີວິດ ຂໍຢ່າຄິດສັ້ນ - 36952142 - ແພງຊີວິດ ຂໍຢ່າຄິດສັ້ນ
(ພາບປະກອບ)
ແພງຊີວິດ ຂໍຢ່າຄິດສັ້ນ - lattana 1 - ແພງຊີວິດ ຂໍຢ່າຄິດສັ້ນ
error: Alert: Content is protected !!