ລາວທົບທວນໂຄງການຄຸ້ມຄອງປ່າໄມ້ແບບຍືນຍົງ

- 20170512 084350 - ລາວທົບທວນໂຄງການຄຸ້ມຄອງປ່າໄມ້ແບບຍືນຍົງ
- Untitled design - ລາວທົບທວນໂຄງການຄຸ້ມຄອງປ່າໄມ້ແບບຍືນຍົງ

- 20170512 084350 300x169 - ລາວທົບທວນໂຄງການຄຸ້ມຄອງປ່າໄມ້ແບບຍືນຍົງ     ​ເມື່ອ​ທ້າຍ​ອາທິດ​ຜ່ານ​ມາ, ກົມ​ປ່າ​ໄມ້ ກະຊວງ​ກະສິກຳ-ປ່າ​ໄມ້ ​ແລະ ອົງການ​ໄຈ​ກາ ​ໄດ້​ຈັດ​ກອງ​ປະຊຸມຄະນະ​ກຳມະການ​ປະສານ​ງານ​ຮ່ວມ​ຄັ້ງທີ 2 ຂຶ້ນທີ່​ນະຄອນຫລວງ​ວຽງ​ຈັນ ​ເພື່ອ​ທົບ​ທວນຄືນ​ການຈັດຕັ້ງປະຕິບັດ​ໂຄງການ​ຄຸ້ມ​ຄອງ​ປ່າ​ໄມ້​ແບບ​ຍືນ​ຍົງ, ພາຍຫລັງ​ລັດຖະບານ​ໄດ້​ໂອນ​ວຽກ​ປ່າ​ໄມ້​ຈາກ​ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ມາ​ໃຫ້​ກະຊວງ​ກະສິກຳ-ປ່າ​ໄມ້ ​ເປັນ​ຜູ້​ຮັບຜິດຊອບ.

 

ການ​ຫາລື​ເທື່ອ​ນີ້​ໄດ້​ເນັ້ນ​ໃສ່​ຫລາຍ​ບັນຫາ​ສຳຄັນ ຄື​ການ​ສະໜັບສະໜູນ​ຂອງ​ອົງການ​ໄຈ​ກາ​ເຂົ້າ​ໃນ​ວຽກ​ງານ REDD+ ທີ່​ດຳ​ເນີນ​ມາ​ເປັນ​ເວລາ​ຫລາຍ​ກວ່າ​ປີ​ເຄິ່ງ, ການ​ປັບ​ປ່ຽນ​ຄະນະ​ຮັບຜິດຊອບ​ໂຄງການ, ​ໂຄງ​ຮ່າງ​ການຈັດຕັ້ງ, ການ​ສ້າງ​ນິຕິ​ກຳ ​ແລະ ນະ​ໂຍບາຍ​ປ່າ​ໄມ້, ການ​ພັດທະນາ​ລະດັບ​ທຽບ​ຖານ​ແຫ່ງ​ຊາດ, ຂອດ​ປະສານ​ງານ ​ແລະ ກິດຈະກຳ​ອື່ນໆ​ອີກ.

- Wave100S AD to Website 2020 0 - ລາວທົບທວນໂຄງການຄຸ້ມຄອງປ່າໄມ້ແບບຍືນຍົງ

 

ທ່ານ​ຫົວໜ້າ​ກົມ​ປ່າ​ໄມ້ ກ່າວ​ວ່າ: ຊັບພະຍາກອນ​ປ່າ​ໄມ້​ມີ​ຄວາມ​ສຳຄັນ​ຫລາຍ​ຕໍ່​ການ​ພັດທະນາ​ເສດຖະກິດ-ສັງຄົມ​ແບບ​ຍືນ​ຍົງ ​ແລະ ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ, ຍ້ອ​ນ​ແນວ​ນັ້ນ ລັດຖະບານ​ຈຶ່ງ​ຖື​ວຽກ​ງານ​ຄຸ້ມ​ຄອງ​ປ່າ​ໄມ້​ເປັນ​ລິມະ​ສິດ​ໃນ​ການ​ປົກ​ປັກ​ຮັກສາ ​ແລະ ນຳ​ໃຊ້​ໃຫ້​ເກີດ​ປະ​ໂຫຍ​ດສູງ​ສຸດ​ແກ່​ປະ​ເທດ​ຊາດ. ​ແຕ່​ແນວ​ໃດ​ກໍ​ຕາມ, ​ໃນ​ສະພາບ​ດິນ​ຟ້າ​ອາກາດ​ໃນ​ໂລກ​ມີ​ການ​ປ່ຽນ​ແປງ, ຊັບພະຍາກອນ​ທຳ​ມະ​ຊາດ​ມີ​ການ​​ເຊື່ອມ​ໂຊມ ​ແລະ ຖືກ​ທຳລາຍ​ຢ່າງ​ຫລວງຫລາຍ ​ແລະ ​ເພື່ອ​ຮັບ​ມື​ຕໍ່​ບັນຫາ​ດັ່ງກ່າວ ສປປ ລາວ ກໍ​ໄດ້​ເຂົ້າຮ່ວມ​ຂະ​ບວນການ​ສາກົນ​ ​ເຣດ+ (REDD+) ນັບ​ແຕ່​ປີ 2007 ​ເປັນຕົ້ນມາ ​ແລະ ​ໄດ້​ຖືກ​ເລືອກ​ໃຫ້​ເປັນ​ປະ​ເທດ​ຕົວ​ແບບ​ໂຄງການ​ທົດ​ລອງ​ພາຍ​ໃຕ້​ແຜນ​ງານ​ການ​ລົງທຶນ​ດ້ານ​ປ່າ​ໄມ້​ຂອງ​ສາກົນ.

- WhatsApp Image 2020 05 27 at 5 - ລາວທົບທວນໂຄງການຄຸ້ມຄອງປ່າໄມ້ແບບຍືນຍົງ
- WhatsApp Image 2020 05 27 at 5 - ລາວທົບທວນໂຄງການຄຸ້ມຄອງປ່າໄມ້ແບບຍືນຍົງ
error: Alert: ເນື້ອຫາຂ່າວມີລິຂະສິດ !!