ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018

ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ viii ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018 - Meeting - ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018
ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ viii ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018 - Untitled design - ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018

ໃນວັນທີ 15 ພະຈິກນີ້, ທ່ານ ນາງ ສວນສະຫວັນ ວິຍະເກດ ກໍາປະສໍາຮອງສູນການພັກ ຄະນະປະຈໍາສະພາແຫ່ງຊາດ ເລຂາທິການສະພາແຫ່ງຊາດ ໄດ້ໃຫ້ຮູ້ວ່າ: ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018 ທີ່ຫໍປະຊຸມແຫ່ງຊາດ (ຫຼັກ 6) ນະຄອນຫຼວງວຽງຈັນ, ໃນກອງປະຊຸມຄັ້ງນີ້ ໂດຍຈະໄດ້ພິຈາລະນາ ແລະ ຮັບຮອງບັນຫາສໍາຄັນຕ່າງໆຄື: ວຽກງານຂອງລັດຖະບານ ຈະພິຈາລະນາ, ຮັບ​ຟັງ​ບົດ​ລາຍ​ງານ​ຂອງ​ ທ່ານ ນາຍົກລັດຖະມົນຕີ ກ່ຽວ​ກັບ​ການຈັດ​ຕັ້ງ​ປະຕິບັດ​ວຽກ​ງານ​ທີ່​ພົ້ນ​ເດັ່ນ​ປະຈຳ​ປີ 2018 ​ແລະ ທິດ​ທາງ​ວຽກ​ງານ​ຈຸດ​ສຸມ​ໃນ​ປີ 2019 ຂອງ​ລັດຖະບານ; ພິຈາລະນາ, ຮັບຮອງ​ເອົາ​ບົດ​ລາຍ​ງານ​ຂອງ​ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ເງິນ​ກ່ຽວ​ກັບ​ສະພາບ​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດ​ຖະກິດ-ສັງຄົມ, ​ແຜນ​ງົບປະມານ​ແຫ່ງ​ລັດ, ​ແຜນ​ເງິນຕາ​ປີ 2018, ທິດ​ທາງ​ແຜນການ​ປີ 2019 ​ແລະ ບົດ​ລາຍ​ງານ​ການ​ສະຫລຸບ​ຂາດ​ຕົວ ການຈັດ​ຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ​ປະຈຳ​ປີ 2017; ພິຈາລະນາ, ຮັບຮອງ​ເອົາ​ການຊີ້​ແຈງ​ຂອງ​ລັດຖະບານ​ຕໍ່​ຄຳ​ຊັກ​ຖາມ​ຂອງ​ສອງ​ກະຊວງ​ຄື: ກະຊວງ​ໂຍທາ​ທິການ ​ແລະ ຂົນ​ສົ່ງ ຊີ້​ແຈງ​ກ່ຽວ​ກັບ​ສະພາບ​ການ​ກໍ່ສ້າງ ​ແລະ ສ້ອມ​ແປງ​ຖະໜົນ​ຫົນທາງ (​ໃນ​ໄລຍະ​ຜ່ານ​ມາ​ເຫັນ​ວ່າ ຄຸນ​ນະພາ​ບຂອງ​ການ​ກໍ່ສ້າງ​ຕ່ຳ, ມູນ​ຄ່າ​ການ​ກໍ່ສ້າງ​ສູງ, ​ແກ່ຍາວ​ເວລາ​ກໍ່ສ້າງ ​ແລະ ທິດ​ທາງ​ແກ​ໄຂ​ບັນ​ຫາ​ດັ່ງກ່າວ​ໃນ​ຕໍ່ໜ້າ​ມີ​ແນວ​ໃດ), ກະຊວງ​ສາທາລະນະ​ສຸກ ຊີ້​ແຈງ​ກ່ຽວ​ກັບ​ຄຸນ​ນະພາ​ບຂອງ​ການ​ບໍ​ລິ​ການ, ການ​ປິ່ນປົວ​ຢູ່​ໃນ​ໂຮງໝໍ, ສຸກສາລາ (​ແລະ​ທິດ​ທາງ​ແກ້​ໄຂ​ໃນ​ຕໍ່ໜ້າ); ພິຈາລະນາ, ຮັບຟັງ​ບົດ​ລາຍ​ງານ​ຂອງ​ລັດຖະບານ​ກ່ຽວ​ກັບ​ການຈັດ​ຕັ້ງ​ປະຕິບັດ​ມະຕິ​ຂອງ​ກອງ​ປະຊຸມ​ສະ​ໄໝ​ສາມັນ ​ເທື່ອ​ທີ 4 ຂອງ​ສະພາ​ແຫ່ງ​ຊາດ ຊຸດ​ທີ VIII ວ່າ​ດ້ວຍ​ການ​ພັດທະນາ​ຊົນ​ນະ​ບົດ ​ແລະ ລຶບລ້າງ​ຄວາມທຸກ​ຍາກ ຕິດ​ພັນ​ກັ​ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ. (ສະບັບ​ເລກທີ 079/ສພຊ, ລົງ​ວັນ​ທີ 17 ພະຈິກ 2017); ພິຈາລະ​ນາ, ຮັບຮອງ​ເອົາ​ການ​ແຕ່ງ​ຕັ້ງ​ຜູ​ວ່າການ​ທະນາຄານ ​ແຫ່ງ ສປປ ລາວ ຕາມ​ການສະ​ເໜີ​ຂອງ​ທ່ານ​ນາຍົກລັດຖະມົນຕີ; ພິຈາລະນາ, ຮັບຮອງ​ເອົາ​ບົດ​ສະ​ເໜີ​ຂອງ​ລັດຖະບານ​ກ່ຽວ​ການ​ຄົ້ນຄວ້າ​ຊື່​ເອີ້ນ​ຊົນ​ເຜົ່າ ບຣູ.

ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ viii ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018 - Meeting - ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018

ວຽກງານອົງການກວດສອບແຫ່ງລັດ ຈະພິຈາລະ​ນາ, ຮັບຮອງ​​ເອົາ​ບົດ​ລາຍ​ງານ​ຂອງ​ອົງການ​ກວດ​ສອບ​ແຫ່ງ​ລັດ ກ່ຽວ​ກັບ​ການຈັດ​ຕັ້ງ​ປະຕິບັດ​ແຜນການ​ເຄື່ອນ​ໄຫວ​ວຽກ​ງານ​ປະຈຳ​ປີ 2018 ​ແລະ ທິດ​ທາງ​ແຜນການ​ປະຈຳ​ປີ 2019; ພິຈາລະ​ນາ, ຮັບຮອງ​​ເອົາ​ບົດ​ລາຍ​ງານ​ຜົນ​ການກວດ​ສອບ​ບົດ​ສະຫລຸບ​ຂາດ​ຕົວ ການ​ຈັດ​ຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ ປະຈຳ​ປີ  2017; ພິຈາລະ​ນາ, ຮັບຮອງ​​ເອົາ​ບົດ​ລາຍ​ງານ​ຂອງ​ອົງການ​ກວດກາ​ລັດຖະບານ ກ່ຽວ​ກັບ​ການ​ກວດກາ​ຕາມ​ຜົນ​ການກວດ​ສອບ​ບົດ​ສະຫລຸບ​ຂາດ​ຕົວ ການຈັດ​ຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ​ສົກ​ປີ 2015-2016.

ວຽກງານອົງການຍຸຕິທໍາ ແລະ ກົດໝາຍ ຈະພິຈາລະ​ນາ, ຮັບຮອງ​​ເອົາ​ບົດ​ລາຍ​ງານ​ຂອງ​ໄ​ອຍະ​ການປະຊາຊົນ​ສູງ​ສຸດ​ ກ່ຽວ​ກັບ​ການຈັດ​ຕັ້ງ​ປະຕິບັດ​ແຜນການ​ເຄື່ອນ​​ໄຫວ​ວຽກ​ງານ​ກາງ​ສະ​ໄໝ (2016-2018), ການ​ເຄື່ອນ​ໄຫວ​ວຽກ​ງານ 9 ​ເດືອນ ປະຈຳ​ປີ 2018, ທິດ​ທາງ​ແຜນການຣອດປີ 2020 ​ແລະ ວຽກ​ງານ​ຈຸດ​ສຸມ ປະຈຳ​ປີ 2019; ພິຈາລະ​ນາ, ຮັບຮອງ​​ເອົາ​ບົດ​ລາຍ​ງານ​ຂອງ​ສານ​ປະ​ຊາ​ຊົນ​ສູ​ງສຸດ ກ່ຽວ​ກັບ​ການຈັດ​ຕັ້ງ​ປະຕິບັດ​ແຜນການ​ເຄື່ອນ​ໄຫວ​ວຽກ​ງານ​ກາງ​ສະ​ໄໝ (2016-2018), ການ​ເຄື່ອນ​ໄຫວ​ວຽກ​ງານ 9 ​ເດືອນ ປະຈຳ​ປີ 2018, ທິດ​ທາງ​ແຜນການ​ຮອດ 2020 ​ແລະ ວຽກ​ງານ​ຈຸດ​ສຸມ ປະ​ຈຳປີ 2019; ພິຈາລະ​ນາ, ຮັບຮອງ​​ເອົາ​ການ​ຊີ້​ແຈ້ງ​ຂອງ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ກ່ຽວ​ກັບ​ການຈັດ​ຕັ້ງ​ປະຕິບັດ​ພາລະ​ບົດ​ບາດ​ໃນ​ການ​ຕິດຕາມ​ກວດກາ​ ການລະ​ເມີດ​ສັນຍາ​ກູ້​ຢືມ​ທີ່​ມີ​ລັກ​ຊັບ​ຄ້ຳປະກັນ ​ແຕ່​ມາ​ດຳ​ເນີນ​ຄະດີ​ອາດຍາ​ ​ໃນ​ຂໍ້​ຫາ​ສໍ້​ໂກງ​ຊັບ​ຂອງ​ພົນລະ​ເມືອງ​ ແລະ ວຽກງານສະພາແຫ່ງຊາດ ຈະພິຈາລະ​ນາ, ຮັບຮອງ​​ເອົາ​ບົດ​ລາຍ​ງານ​ກ່ຽວ​ກັບ​ການ​ເຄື່ອນ​ໄຫວ​ວຽກ​ງານ​ຂອງ​ສະພາ​ແຫ່ງ​ຊາດ ຊຸດ​ທີ VIII ກາງ​ສະ​ໄໝ (2016-2018) ປະຈຳ​ປີ 2018, ທິດ​ທາງ​ແຜນການ​ແຕ່​ປີ 2019 ຮອດ​ກອງ​ປະຊຸມ​ຄັ້ງ​ປະຖົມ​ມະລຶກ​ຂອງ​ສະພາ​ແຫ່ງ​ຊາດ​ຊຸດ​ທີ IX ​ແລະ ​ແຜນ​ວຽກ​ຈຸດ​ສຸມ​ປະຈຳ​ປີ 2019 ຂອງ​ສະພາ​ແຫ່ງ​ຊາດ; ພິຈາລະ​ນາ, ຮັບຮອງ​​ເອົາ​ແຜນການ​ສ້າງ ​ແລະ ປັບປຸງ​ກົດໝາຍ​ຂອງ​ສະພາ​ແຫ່ງ​ຊາດ ປະຈຳ​ປີ 2019; ພິຈາລະ​ນາ, ຮັບຮອງ​​ເອົາ​ແຜນການ​ຕິດຕາມ​ກວດກາ​ຂອງ​ຄະນະ​ປະຈຳ​ສະພາ​ແຫ່ງ​ຊາດ ປະຈຳ​ປີ 2019.

ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ viii ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018 - Wave100S AD to Website 2020 0 - ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018

ໃນກອງປະຊຸມດັ່ງກ່າວ, ຈະການ​ສ້າງ, ປັບປຸງ ​ແລະ ທາ​ບທາມ​ຮ່າງ​ກົດໝາຍ​ຈຳ​ນວນ 9 ສະບັບ, ​ໃນ​ນັ້ນ, ຮ່າງ​ກົດໝາຍ​ສ້າງ​ໃໝ່ 7 ສະບັບ​ຄື: ຮ່າງ​ກົດໝາຍ​ວ່າ​ດ້ວຍ ສຳນກງານ​ຜູ້ຕາງໜ້າ ສປປ ລາວ ປະຈຳ​ຢູ່​ຕ່າງປະ​ເທດ, ຮ່າງ​ກົດໝາຍ​ວ່າ​ດ້ວຍ ຄົນ​ພິການ, ຮ່າງ​ກົດໝາຍ​ວ່າ​ດ້ວຍ ຄວາມ​ປອດ​ໄພ​ດ້ານ​ລັງສີ, ຮ່າງ​ກົດໝາຍ​ວ່າ​ດ້ວຍ ລາຍ​ເຊັນ​ເອ​ເລັກ​ໂຕ​ນິກ, ຮ່າງ​ກົດໝາຍ​ວ່າ​ດ້ວຍ ການ​ປະກັນ​ສຸຂະພາບ, ຮ່າງ​ກົດໝາຍ​ວ່າ​ດ້ວຍ ການ​ລົດ​​ໄຟ ​ແລະ ປະມວນ​ກົດໝາຍ​ແພ່ງ, ສ່ວນ​ຮ່າງກົດໝາຍ​ປັບປຸງ​ 1 ສະບັບ​ຄື: ​ກົດໝາຍ​ວ່າ​ດ້ວຍ ທະນາຄານ​ທຸລະ​ກິດ ​ແລະ ຮ່າງ​ກົດໝາຍ​ທາ​ບທາມ​ມີ 1 ສະບັບ​ຄື: ກົດໝາຍ​ວ່າ​ດ້ວຍ​ທີ່​ດິນ.

​     ໃນ​ນາມຄະນະ​ປະຈຳ​ສະພາ​ແຫ່ງ​ຊາດ, ຄະນະ​ເລຂາທິການ​ສະພາ​ແຫ່ງ​ຊາດ ​ຂໍ​ເຊີນ​ບັນດາ​ທ່ານພະນັກງານ, ລັດຖະກອນ​, ທະຫານ, ຕຳຫລວດ, ນັກຮຽນ, ນັກ​ສຶກສາ, ປັນຍາ​ຊົນ, ກຳມະກອນ, ຊາວ​ຜູ້​ອອກ​ແຮງ​ງານ, ພໍ່​ແມ່​ປະຊາຊົນ​ບັນດາ​ເຜົ່າ​ທຸກ​ຊັ້ນ​ຄົນ ​ໃນ​ທົ່ວ​ປະ​ເທດ ​ແລະ ພີ່ນ້ອງ​ຊາວ​ລາວ​ທີ່​ອາ​ໃສ​ຢູ່​ຕ່າງ​ປະ​ເທດ ຈົ່ງ​ຕິດຕມການ​ດຳ​ເນີນ​ກອງ​ປະຊຸມ​ສະພາ​ສະ​ໄໝ​ສາມັນ​ເທື່ອ​ທີ 6 ຂອງ​ສະພາ​ແຫ່ງ​ຊາດ ຊຸດ​ທີ VIII ຄັ້ງ​ນີ້, ​ໃນ​ໄລຍະ​ດຳ​ເນີນ​ກອງ​ປະຊຸມ​ສະພາ​ແຫ່ງ​ຊາດ ຄະນະ​ເລຂາທິການສະພາ​ແຫ່ງ​ຊາດ ​ໄດ້​ຈັດ​ຕັ້ງ​ໜ່ວຍ​ງານ​ຮັບຜິດຊອບ​ໂທລະສັບ​ສາຍ​ດ່ວນ ​ເພື່ອ​ຮັບ​ເອົາ​ຄຳ​ຄິດ​ຄຳ​ເຫັນ ​ແລະ ຄຳ​ສະ​ເໜີ​ໂດຍ​ກົງ​ຈາກ​ທົ່ວສັງຄົມ ທີ່​ຈະ​ສົ່ງ​ໄປ​ຍັງ​ກອງ​ປະຊຸມ; ບັນດາ​ທ່ານ​ສາ​ມາດ​ສົ່ງ​ຄຳ​ຄິດ​ຄຳ​ເຫັນ ​ແລະ ຄຳ​ສະ​ເໜີ ​ໄປ​ຍັງ​ກອງ​ປະຊຸມ​ໄດ້​ຕາມ​ວິທີຄື: ​ໂທລະສັບ​ບໍ່​ເສຍ​ຄ່າ ໝາຍ​ເລກ 156, ​ໂທລະ​ສານ ໝາຍ​ເລກ 021 413 528 ​ແລະ ສົ່ງ​ເປັນ​ຈົດໝາຍ​ທາງ​ໄປ​ສະສະ​ນີ ຕູ້​ປນ 662 ​ແລະ ສົ່ງ​ອີ​ເມ​ວ: [email protected]

ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ viii ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018 - WhatsApp Image 2020 05 27 at 5 - ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018
ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ viii ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018 - WhatsApp Image 2020 05 27 at 5 - ກອງປະຊຸມສາໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ຈະໄດ້ໄຂຂຶ້ນໃນວັນທີ 20 ພະຈິກ-21 ທັນວາ 2018
error: Alert: ເນື້ອຫາຂ່າວມີລິຂະສິດ !!