ເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວ (ລະນຶກວັນສ້າງຕັ້ງເມືອງວຽງໄຊຄົບຮອບ 50 ປີ)

ເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວ (ລະນຶກວັນສ້າງຕັ້ງເມືອງວຽງໄຊຄົບຮອບ 50 ປີ) - AGL banner - ເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວ (ລະນຶກວັນສ້າງຕັ້ງເມືອງວຽງໄຊຄົບຮອບ 50 ປີ)

ພິທີເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວໂຮງຮຽນອຸດົມແຫ່ງທຳອິດຂອງການປະຕິວັດລາວ, ໄດ້ຈັດຂຶ້ນໃນຕອນແລງຂອງວັນທີ 13 ພະຈິກຜ່ານມານີ້, ພາຍຫລັງໄດ້ສຳເລັດການບູລະນະກໍ່ສ້າງສິ່ງອຳນວຍຄວາມສະດວກຂອບເຂດບໍລິເວນຖໍ້າ, ໂດຍສະເພາະແມ່ນການສ້າງຂັນໄດທາງຂຶ້ນຫາປາກຖໍ້າມີຄວາມຍາວ 198 ແມັດ ປະກອບມີ 340 ຂັ້ນ, ສ້າງຮົ້ວໜາມໝາກຈັບ 200 ແມັດ ແລະ ສ້າງສາລາພັກໜຶ່ງຈຸດມີຂະໜາດ 3×4 ແມັດ, ໂດຍແມ່ນບໍລິສັດ ພອນຈະເລີນ ກໍ່ສ້າງຄົບວົງຈອນ ເປັນຜູ້ຮັບເໝົາກໍ່ສ້າງ ມີມູນຄ່າທັງໝົດ 280 ລ້ານກີບ, ທີ່ໄດ້ມາຈາກການຮ່ວມແຮງຮ່ວມໃຈຊ່ວຍເຫລືອຂອງຫລາຍພາກສ່ວນ ເພື່ອປະກອບສ່ວນອະນຸລັກເຂດດັ່ງກ່າວໃຫ້ກາຍເປັນແຫລ່ງທ່ອງທ່ຽວ, ແຫລ່ງຮຽນຮູ້ທາງດ້ານປະຫວັດສາດ, ທຳມະຊາດຂອງນັກທ່ອງທ່ຽວ ກໍຄືຄົນລຸ້ນໃໝ່ໄດ້ມາຮຽນຮູ້ເອົາບົດຮຽນອັນລໍ້າຄ່າຢູ່ສະຖານທີ່ແຫ່ງນີ້.

ໃນໂອກາດດັ່ງກ່າວ, ທ່ານ ບຸນຕີ ທະມິດ ຮອງລັດຖະມົນຕີກະຊວງວິທະ ຍາສາດ ແລະ ເຕັກໂນໂລຊີ ໄດ້ກ່າວປະຫວັດຄວາມເປັນຂອງໂຮງຮຽນອຸດົມ ຖໍ້າແກ້ວແຫ່ງນີ້ວ່າ: ໂຮງຮຽນອຸດົມແຫ່ງນີ້, ເປັນແຫ່ງທຳອິດຂອງການປະຕິວັດລາວ ໄດ້ຮັບການສ້າງຕັ້ງຂຶ້ນໃນປີ 1968 ຢູ່ບ້ານຊຽງລວງ, ເມືອງວຽງໄຊ ແຂວງຫົວພັນ, ຊຶ່ງໃນໄລຍະນີ້ເປັນປີແຫ່ງສົງຄາມທຳລາຍຢ່າງໜັກໜ່ວງທີ່ສຸດຂອງຈັກກະພັດອາເມລິກ. ກອງກຳລັງທະຫານຝ່າຍຂວາເຊິ່ງມີຈັກກະພັດອາເມລິກາເປັນຜູ້ອຸ້ມຊູ້ຍູ້ໜູນ ໄດ້ສົ່ງເຮືອບິນມາຖິ້ມລະເບີດລົງໃສ່ເຂດປົດປ່ອຍຂອງແນວລາວຮັກຊາດຢ່າງໜັກໜ່ວງ, ພ້ອມທັງບຸກໂຈມຕີບຽດຍຶດເຂດປົດປ່ອຍຢ່າງເນື່ອງນິດລຽນຕິດ. ເຖິງວ່າສະພາບການຈະຫຍຸ້ງຍາກສັບສົນປານໃດກໍຕາມ ສູນກາງພັກໄດ້ຊີ້ນຳ-ນໍາພາການປະຕິວັດລາວຢ່າງປີຊາສາມາດ ແລະ ມີວິໄສທັດເບິ່ງກວ້າງເຫັນໄກດ້ວຍການສ້າງກໍາລັງປະຕິວັດໃຫ້ເຂັ້ມແຂງທຸກດ້ານ, ສ້າງເຂດປົດປ່ອຍໃຫ້ກາຍເປັນລັດໜຶ່ງທີ່ເຂັ້ມແຂງໜັກແໜ້ນ ເພື່ອເປັນພື້ນຖານແກ່ການປົດປ່ອຍປະເທດຊາດຢ່າງສົມບູນ. ໃນສະພາວະດັ່ງກ່າວສູນກາງພັກໄດ້ຕົກລົງສ້າງຕັ້ງໂຮງຮຽນອຸດົມແຫ່ງທຳອິດຂອງການປະຕິວັດລາວຂຶ້ນຢູ່ທີ່ບ້ານຊຽງລວງເມືອງວຽງໄຊ, ໂດຍແມ່ນເຈົ້າສຸພານຸວົງໄດ້ເຊັນຂໍ້ຕົກລົງແຕ່ງຕັ້ງຄະນະອຳນວຍການໂຮງຮຽນລຸ້ນທຳອິດ, ຊຶ່ງປະກອບມີ 3 ທ່ານ, ຄູສອນ 5 ທ່ານ. ນອກນີ້, ຍັງມີອ້າຍຄູຊ່ຽວຊານຫວຽດນາມອີກ 5 ທ່ານ, ເມື່ອໂຮງຮຽນແຫ່ງນີ້ສ້າງຕັ້ງຂຶ້ນແລ້ວຄູອາຈານກໍໄດ້ປຸກລະດົມເອົາບັນດານັກຮຽນມ 3 ລຸ້ນທໍາອິດເຂົ້າມາຮຽນໄດ້ 18 ຄົນ, ຍິງ 6 ຄົນ ທີ່ໄດ້ດຳເນີນການຮຽນ-ການສອນຢູ່ນີ້ແຕ່ປີ 1968–1971 ແລ້ວໄດ້ຍ້າຍໄປຕັ້ງຢູ່ບ້ານສົບຊາຍເມືອງຊຽງຄໍ້.

ເຖິງແມ່ນວ່າໂຮງຮຽນແຫ່ງນີ້ຈະສ້າງນັກຮຽນໄດ້ພຽງແຕ່ 2 ລຸ້ນກໍຕາມ ແຕ່ວ່ານັກຮຽນທັງສອງລຸ້ນໄດ້ຮັບການອົບຮົມບົ່ມເພາະຢ່າງດີຈາກໂຮງຮຽນອຸດົມຖໍ້າແກ້ວ ແລະ ມີຫລາຍທ່ານໄດ້ເຕີບໃຫຍ່ຂະຫຍາຍຕົວຮັບໃຊ້ປະເທດຊາດຢ່າງສົມກຽດ, ບາງທ່ານໄດ້ກາຍເປັນນັກທຸລະກິດ, ເປັນນັກຮົບປະຕິວັດ, ເປັນແພດໝໍ, ຄູອາຈານ ແລະ ເປັນພະນັກງານການນຳຂັ້ນສູງໃນຂະແໜງການຕ່າງໆ.

ເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວ (ລະນຶກວັນສ້າງຕັ້ງເມືອງວຽງໄຊຄົບຮອບ 50 ປີ) - Wave100S AD to Website 2020 0 - ເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວ (ລະນຶກວັນສ້າງຕັ້ງເມືອງວຽງໄຊຄົບຮອບ 50 ປີ)

ໃຫ້ກຽດເຂົ້າຮ່ວມຕັດແຖບຜ້າເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວແຫ່ງທຳອິດຂອງການປະຕິວັດລາວໃນຄັ້ງນີ້, ມີທ່ານ ບໍ່ວຽງຄຳ ວົງດາລາ ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແລະ ທ່ານ ວັນໄຊ ແພງຊຸມມາ ກຳມະ ການສູນກາງພັກ, ເລຂາພັກແຂວງເຈົ້າແຂວງຫົວພັນ ແລະ ມີອະດີດອາຈານ-ນັກຮຽນໂຮງຮຽນອຸດົມຖໍ້າແກ້ວ, ການນໍາເມືອງວຽງໄຊ ຕະຫລອດຮອດປະຊາຊົນບ້ານຊຽງລວງເຂົ້າຮ່ວມເປັນຈໍານວນຫລາຍ.

ເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວ (ລະນຶກວັນສ້າງຕັ້ງເມືອງວຽງໄຊຄົບຮອບ 50 ປີ) - lattana 1 - ເປີດອະນຸສອນສະຖານໂຮງຮຽນອຸດົມສູນກາງຖໍ້າແກ້ວ (ລະນຶກວັນສ້າງຕັ້ງເມືອງວຽງໄຊຄົບຮອບ 50 ປີ)
error: Alert: Content is protected !!