ປ໊ອກບາ ອາດຄືນສະໜາມພົບ ພາເລຊ

ປ໊ອກບາ ອາດຄືນສະໜາມພົບ ພາເລຊ - news201811191404475 - ປ໊ອກບາ ອາດຄືນສະໜາມພົບ ພາເລຊ
ປ໊ອກບາ ອາດຄືນສະໜາມພົບ ພາເລຊ - AGL banner - ປ໊ອກບາ ອາດຄືນສະໜາມພົບ ພາເລຊ

ລອນ​ດອນ ອີ​ຟນິ່ງ ສະ​ແຕນ​ດາດ ສື່​ຂອງ​ອັງກິດ ລາຍ​ງານ​ວ່າ: ປໍ ປ໊ອກບາ ມິດ​ຟິລ ​ແມນ​ເຊັສ​ເຕີ ຢູ​ໄນ​ເຕັດ ມີ​ໂອກາດ​ຄືນ​ສະໜາມ​ໃນ​ເກ​ມກັບ ພາ​ເລ​ຊ ຫລັງ​ກ່ອນ​ໜ້າ​ນີ້​ເຈັບ​ບໍລິ​ເວນ​ຕົ້ນຂາ.

ປໍ ປ໊ອກບາ ກອງ​ກາງຄົນ​ດັງ​ຂອງ ​ແມ​ນ​ເຊັສ​ເຕີ ຢູ​ໄນ​ເຕັດ ອາດ​ຈະ​ກັບ​ມາ​ຊ່ວຍ​ທີ​ມ​ໄດ້​ໃນ​ເກ​ມ ພຣີ​ເມຍ​ລີກ ອັງກິດ ນັດ​ທີ່​ຕົ້ນສັງກັດ​ເປີດ​ສະໜາມ ​ໂອລ ​ແທຣ໊ຟຟອດ ຮັບ​ການ​ມາ​ຢາມ​ຂອງ ຄຣິສຕັລ ພາ​ເລ​ຊ ວັນ​ທີ 24 ພະຈິກ​ນີ້.

ປ໊ອກບາ ​ໄດ້​ຮັບ​ບາດ​ເຈັບ​ບໍລິ​ເວນ​ຕົ້ນຂາ​ລະຫວ່າງ​ການ​ຊ້ອມ​ກ່ອນ​ໜ້າ​ເກ​ມ ​ແມນ​ເຊັສ​ເຕີ ດາ​ບີ້​ແມັດ ນັດ​ທີ່​ຕົ້ນສັງກັດ​ຂອງ​ລາວ​ອອກ​ໄປ​ເສຍ​ໃຫ້ ​ແມນ​ເຊັສ​ເຕີ ຊິ​ຕີ້ 1-3 ​ໃນ​ວັນ​ທີ 11 ພະຈິກ​ຜ່ານ​ມາ ​ເຊິ່ງ​ເຮັດ​ໃຫ້​ລາວ​ຕ້ອງ​ຖອນ​ຕົວ​ຈາກ​ທີ​ມຊາດ​ຝຣັ່ງຊຸດ​ຫລ້າ​ສຸດ​ນຳ​ອີກ.

ປ໊ອກບາ ອາດຄືນສະໜາມພົບ ພາເລຊ - Wave100S AD to Website 2020 0 - ປ໊ອກບາ ອາດຄືນສະໜາມພົບ ພາເລຊ

​ເຖິງ​ຢ່າງ​ໃດ​ກໍ​ຕາມ​, ທີ​ມສະ​ຕາຟຂອງ ​ແມນ​ເຊັສ​ເຕີ ຢູ​ໄນ​ເຕັດ ພົບ​ວ່າ​ອາການ​ບາດ​ເຈັບ​ຂອງ ປ໊ອກບາ ບໍ່​ໄດ້​ຮຸນ​ແຮງ​ຫລາຍ ​ແລະ ຄາດ​ວ່າ​ນັກ​ເຕະ​ໄວ 25 ປີ ອາດ​ບໍ່​ຕ້ອງ​ພັກ​ດົນ ​ໂດຍ​ລາວ​ອາດ​ຈະ​ກັບ​ມາ​ລົງ​ຫລິ້ນ​ໄດ້​​​ໃນ​ທ້າຍ​ອາທິດ​ນີ້. ຂະນະ​ທີ່ ອ໊ອງ​ໂຕ​ນີ ມາຣກຊິ​ຢາລ ອາດ​ຈະ​ພ້ອມ​ລົງ​ຫລິ້ນ​ໃນ​ເກ​ມກັບ ພາ​ເລ​ຊ ຄື​ກັນ ຫລັງ​ກ່ອນ​ໜ້າ​ນີ້​ມີ​ອາການ​ບາດ​ເຈັບ​ກ້າມ​ຊີ້ນ.

ປ໊ອກບາ ອາດຄືນສະໜາມພົບ ພາເລຊ - lattana 1 - ປ໊ອກບາ ອາດຄືນສະໜາມພົບ ພາເລຊ
error: Alert: Content is protected !!