ສົມຄວນບໍ່? ເມືອງມໍລະດົກ ຫ້າມນຳໃຊ້ແຄມທາງ ເບື້ອງນ້ຳຂອງ ເປັນບ່ອນບໍລິການຕ່າງໆ

- 225865444 - ສົມຄວນບໍ່? ເມືອງມໍລະດົກ ຫ້າມນຳໃຊ້ແຄມທາງ ເບື້ອງນ້ຳຂອງ ເປັນບ່ອນບໍລິການຕ່າງໆ
- AGL banner - ສົມຄວນບໍ່? ເມືອງມໍລະດົກ ຫ້າມນຳໃຊ້ແຄມທາງ ເບື້ອງນ້ຳຂອງ ເປັນບ່ອນບໍລິການຕ່າງໆ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ດົນໆທ່ຽງທຳ ຈິ່ງ ໄດ້ເມືອຫລິ້ນຢາມຫລວງພະ ບາງດິນແດນ ເມືອງມໍລະດົກ ອັນງົດງາມ ແລະ ມີສະເໜ່,​ ເຊິ່ງຫາບ່ອນອື່ນ ມາປຽບ ທຽບໄດ້ຍາກດ່ັງປູສະນີຍະ ສະຖານວັດວາອາຮາມ, ເຮືອນຊານບ້ານຊ່ອງອັນເກົ່າ ແກ່ ແລະ ມີ ເອກະລັກສະເພາະ ຂອງວັດທະນະທຳລາວ.

ເຊິ່ງຍັງຄົງຮັກສາໄວ້ ໄດ້ດ້ວຍຄວາມໂດດເດັ່ນ, ໄປ ຄຽງຄູ່ກັບອັນໃໝ່ທີ່ໄດ້ຮັບການພັດທະນາຂຶ້ນໃນເຂດ ຊານເມືອງຍິ່ງເຮັດໃຫ້ຕົວ ເມືອງມໍລະດົກແຫ່ງນີ້ມີຊີວິດ ຊີວາຍິ່ງຂຶ້ນ, ແຕ່ຄຽງຄູ່ກັນ ນັ້ນກໍຍັງມີຫລາຍອັນທີ່ທາງການ ແລະ ຂະແໜງການ ກ່ຽວຂ້ອງຈະຕ້ອງໄດ້ເບິ່ງ ຄືນໂດຍສະເພາະແມ່ນການ ໃຫ້ໂຈະການບໍລິການຂາຍ ເຄື່ອງດື່ມ ແລະ ຮ້ານອາຫານ ຕ່າງໆ ໃນເຂດສາຍທາງ ແຄມຂອງເບິ່ງຄື ວ່າມັນເຮັດ ໃຫ້ຄວາມງົດງາມໃນຍາມ ລາຕີຂອງຕົວເມືອງມໍລະ ດົກແຫ່ງນີ້ຫລຸດຜ່ອນລົງ ແລະ ຍາມຄ້າຍແລງກໍປະກົດ ວ່າມັນມີຄວາມງຽບເຫງົາ ວາດໃດວາດໜຶ່ງຫາກພວກ ເຮົາເລາະໄປເບິ່ງແຄມຂອງ ນັ້ນ ແລະ ເປັນຫຍັງທາງ ການເພິ່ນຈິ່ງໃຫ້ຢຸດເຊົາການ ນຳໃຊ້ແຄມທາງເບື້ອງນີ້, ບັນຫາຫລັກກໍອາດຈະແມ່ນ ເລື່ອງຄວາມເປັນລະບຽບ ຮຽບຮ້ອຍ ແລະ ການຮັກສາ ຄວາມສະອາດ, ແຕ່ຖ້າເບິ່ງ ເລິກລົງໄປ ແລ້ວສິ່ງນີ້ກໍຈະ ເປັນບັນຫານ້ອຍ ແລະ ພວກ ເຮົາແກ້ໄຂໄດ້ໃນເມື່ອມີລະ ບຽບການຄຸ້ມຄອງທີ່ດີ.
ຖ້າທຽບກັບລາຍຮັບ ແລະ ຄວາມຈັບອົກຈັບໃຈ ຂອງຜູ້ມາທ່ຽວຫລວງພະ ບາງໃຜໆກໍຍ້ອງວ່າ: ຍາມ ແລງໄດ້ມານັ່ງກິນນ້ຳໝາກ ພ້າວ, ຈິບເຫລົ້າ, ດື່ມເບຍຈັກ ຈອກ ເພື່ອຊົມທຳມະຊາດໃນ ຍາມອັດສະດົງທີ່ແສງຕາເວັນ ຈົນລັບຂອບຟ້າສ່ອງແສງ ລົງມາຕ້ອງໃສ່ສາຍນ້ຳຂອງ ເຫລື້ອມລະຍິບລະຍັບຢ່າງມີ ສະເໜ່ຢູ່ນັ້ນເກີນວ່າບໍ່ເບື່ອຕາ ແລະ ມັນສ້າງຄວາມເຜີດເພີນ ຈັບອົກອັບໃຈໃຫ້ຜູ້ມາທ່ຽວ ຊົມເມືອງມໍລະດົກໂລກທີ່ໄດ້ ຄອງອັນດັບຕົ້ນໆ ຂອງເມືອງ ໜ້າມາທ່ຽວຊົມແລ້ວຫລາຍ ປີ ຊ້ອນແຕ່ປັດຈຸບັນ ປະກົດ ວ່າ ສິ່ງດັ່ງກ່າວມັນງຽບ ເຫງົ້າລົງແດ່ແລ້ວ.

ດັ່ງນັ້ນໃນສະເພາະໜ້ານີ້ ທາງການຄວາມເບິ່ງຄືນ ແລະ ມີວິທີການຄຸ້ມຄອງຢ່າງ ຈິ່ງຈັງໃນການຄວບຄຸມ ຄວາມເປັນລະບຽບຮຽບ ຮ້ອຍ, ຄວາມສະຫງົບປອດ ໄພ ແລະ ການຮັກສາອະນາ ໄມ ສິ່ງແວດລ້ອມຢ່າງມີຄຸນນະພາບ, ພ້ອມນັ້ນໃນໄລຍະ ຍາວກໍຄວນມີແຜນເພື່ອ ເບື້ອງລັດເຮົາຈະຕ້ອງໄດ້ ລົງທຶນພັດທະນາເຂດ ຕາຝັ່ງນີ້ໃຫ້ຮັບປະກັນບໍ່ມີ ການເສາະເຈື່ອນ ແລະ ເພີ່ມ ຄວາມງົດງາມຂຶ້ນຕື່ມອີກ, ໄປຄຽງຄູ່ກັບການເປີດໃຫ້ ນຳໃຊ້ແຄມນ້ຳດັ່ງກ່າວເປັນ ບ່ອນບໍລິການຕ່າງໆ ໃຫ້ຖືກ ຕ້ອງສອດຄອງກັບວັດທະ ນະທຳ ແລະ ຮີດຄອງປະເພ ນີອັນດີງາມຂອງຊາວຫລວງ ພະບາງແລ້ວ ຍິ່ງຈະເຮັດ ໃຫ້ຕົວເມືອງມໍລະດົກເຮົາ ເພີ່ມຄວາມມີສະເໜ່ ແລະ ດຶງດູດໃຈຂອງຜູ້ມາທ່ຽວ ຫລາຍຂຶ້ນ./.

- Wave100S AD to Website 2020 0 - ສົມຄວນບໍ່? ເມືອງມໍລະດົກ ຫ້າມນຳໃຊ້ແຄມທາງ ເບື້ອງນ້ຳຂອງ ເປັນບ່ອນບໍລິການຕ່າງໆ
- 225865444 - ສົມຄວນບໍ່? ເມືອງມໍລະດົກ ຫ້າມນຳໃຊ້ແຄມທາງ ເບື້ອງນ້ຳຂອງ ເປັນບ່ອນບໍລິການຕ່າງໆ
(ສະພາບແຄມຂອງ ເມືອງມໍລະດົກ ໃນປັດຈຸບັນ)

ແຂວງຈຳປາສັກສືບຕໍ່ພັດທະນາໂຄງການຕາຝັ່ງເຈື່ອນລຽບແຄມຂອງ2017

ສະຫວັນນະເຂດຈະເລີ່ມຈັດຕັ້ງປະຕິບັດໂຄງການກໍ່ສ້າງ ປ້ອງກັນຕາຝັ່ງເຈື່ອນແຄມຂອງໄລຍະ 22017/

- lattana 1 - ສົມຄວນບໍ່? ເມືອງມໍລະດົກ ຫ້າມນຳໃຊ້ແຄມທາງ ເບື້ອງນ້ຳຂອງ ເປັນບ່ອນບໍລິການຕ່າງໆ
error: Alert: Content is protected !!