ບຸນທາດຫລວງໜຶ່ງໃນຮີດຄອງປະເພນີອັນດີງາມຂອງຊາດ

- advert banner 728 90 728x90 - ບຸນທາດຫລວງໜຶ່ງໃນຮີດຄອງປະເພນີອັນດີງາມຂອງຊາດ

ໂດຍ: ທິດກ່ຳ

ເມື່ອເຖິງເດືອນ 12 ເພັງ ຫລືວ່າ ມື້ອອກໃໝ່ 15 ຄ່ຳ ເດືອນ 12 ຂອງລາວເຮົາ, ຊາວນະຄອນຫລວງວຽງຈັນ ກໍຄືຊາວລາວໃນທົ່ວປະເທດ ຕ່າງກໍພາກັນປະຕິບັດຕາມ ຮີດສິບສອງຄອງສິບສີ່ ຮີດຢີ່ຄອງຈຽງ ທີ່ເຄີຍປະຕິ ບັດກັນມາແຕ່ດຶກດຳບັນ ຈົນກາຍມາເປັນປະເພນີວັດ ທະນະທຳອັນດີງາມຂອງ ຊາດ ນັ້ນກໍຄືການຈັດງານ ບຸນນະມັດສະການພະທາດ ຫລວງຂຶ້ນຢ່າງຍິ່ງໃຫຍ່ໃນ ແຕ່ລະປີ.
ໃນການເຮັດບຸນທາດ ຫລວງໃນແຕ່ລະປີຜ່ານມາ ນັ້ນ, ແມ່ນມີຈຸດປະສົງ ແລະ ຄວາມໝາຍຫລາຍຢ່າງ ເປັນ ຕົ້ນແມ່ນສະແດງໃຫ້ເຫັນເຖິງຄວາມຮູ້ບຸນຄຸນ, ຄວາມກະ ຕັນຍູກະຕະເວທີຕໍ່ບັນພະບູ ລຸດ ທີ່ໄດ້ສ້າງສາພັດທະນາ ປະເທດຊາດ, ສ້າງສະຖາ ປັດຕະຍະກຳພະທາດຫລວງ ໃຫ້ກາຍເປັນສັນຍາລັກ, ເປັນບ່ອນເຄົາລົບນັບຖື ແລະ ສັກກາລະບູຊາໃຫ້ເຊັ່ນ ລູກເຊັ່ນ ຫລານໄດ້ເຄົາລົບ ບູຊາ, ໂດຍສະເພາະແມ່ນ ເຈົ້າໄຊເຊດຖາທິລາດໄດ້ມີ ສັດທານຳພາກໍ່ສ້າງຕໍ່ເຕີມ ໃນໄລຍະທີ່ຍ້າຍນະຄອນ ຫລວງມາຕັ້ງຢູ່ວຽງຈັນ.
ອັນສອງມາກໍເປັນການ ສະແດງໃຫ້ເຫັນເຖິງຄວາມ ສາມັກຄີອັນເປັນປຶກແຜ່ນ ແໜ້ນໜາແຫ່ງພະລັງສັດ ທາຂອງປວງຊົນລາວບັນ ດາເຜົ່າໃນການຮັກຫອມປະ ເທດຊາດ, ຮັກແຜ່ນດິນອັນ ເປັນ ບ່ອນຕົນເອງໄດ້ກຳເນີດ ແລະ ເຕີບໃຫຍ່. ນອກນັ້ນ, ກໍຍັງເປັນການອານຸລັກຮັກ ສາຮີດຄອງປະເພນີ ແລະ ວັດ ທະນະທຳອັນດີງາມຂອງ ຊາດລາວ, ຄົນລາວໃຫ້ຍືນ ຍົງຄົງຕົວຢູ່ຄຽງຄູ່ກັບຊາດ ລາວຕະຫລອດໄປ.

 

- 236958 - ບຸນທາດຫລວງໜຶ່ງໃນຮີດຄອງປະເພນີອັນດີງາມຂອງຊາດ

ບຸນນະມັດສະການພະທາດຫລວງປີນີ້ມີຫລາຍກິດຈະກຳໃຫຍ່2018/

ຄົ້ນພົບວັດຖຸບູຮານຫຼາຍລາຍການອີກຄັ້ງໃໝ່ທີ່ບໍລິເວນເດີ່ນພຣະທາດອີງຮັງ2018/

ດັ່ງຮູ້ນຳກັນແລ້ວວ່າ, ພະທາດຫລວງວຽງຈັນ ຫລື ພະທາດເຈດີໂລກະຈຸລະມະ ນີ ເປັນຊື່ທີ່ປະຊາຊົນລາວ ເຮົາເຄີຍເອີ້ນກັນ, ເປັນພະ ທາດທີ່ໃຫຍ່ກວ່າ ໝູ່ໃນປະ ເທດລາວ, ເປັນປູຊະນີຍະ ສະຖານ ແລະ ສະຖາປັດ ຕະຍະກຳທີ່ສວຍງາມ ໂດດ ເດັ່ນ ແລະ ສຳຄັນຍິ່ງຂອງ ຊາວນະຄອນຫລວງວຽງຈັນ ກໍຄືຊາວລາວ ໃນທົ່ວປະເທດ.
ພະທາດຫລວງວຽງຈັນ ຍັງມີປະຫວັດຫຍໍ້ທີ່ໄປ ທີ່ມາຄື: ໄດ້ສ້າງຂຶ້ນໃນສະ ໄໝດຽວກັນກັບການຕັ້ງ ເມືອງ ວຽງຈັນຄັ້ງທຳອິດ ຫລັງຈາກສ້າງພະທາດພະ ນົມແລ້ວ.

- lattana 1 - ບຸນທາດຫລວງໜຶ່ງໃນຮີດຄອງປະເພນີອັນດີງາມຂອງຊາດ
- 1 1 - ບຸນທາດຫລວງໜຶ່ງໃນຮີດຄອງປະເພນີອັນດີງາມຂອງຊາດ

ຜູ້ທີ່ເລີ່ມຕົ້ນນຳພາສ້າງ ທຳອິດແມ່ນພະຍາຈັນທະ ບູລີປະສິດທິສັກ ຜູ້ເປັນເຈົ້າ ເມືອງ ວຽງຈັນອົງທຳອິດ ທຳອໍ່, ໃນນັ້ນ ກໍຍັງມີຜູ້ ຊົງສິນພະອໍລະຫັນ 5 ອົງ ພ້ອມກັນກໍ່ສ້າງ, ການກໍ່ສ້າງ ຄັ້ງທຳອິດສູງພຽງ 4 ວາ 3 ສອກ, ກວ້າງດ້ານລະ 4 ເທົ່າ ແລະ ພະທາດລູກນີ້ ສ້າງບັນ ຈຸທາດຫົວເນົາຂອງພະພຸດ ທະເຈົ້າ, ເຊິ່ງພະອໍລະຫັນ 5 ອົງໄດ້ນຳມາແຕ່ປະເທດ ອິນເດຍ.

ຜ່ານຂະບວນ ວິວັດການ ຂະຫຍາຍຕົວດ້ວຍປັດໄຈ ແລະ ເງື່ອນໄຂທາງທຳມະ ຊາດ ແລະ ສັງຄົມສືບຕໍ່ກັນ ມາຫລາຍປີ, ຈາກຫລາຍເຊັ່ນ ຄົນຈົນມາຮອດຍຸກຂອງເຈົ້າ ໄຊເຊດຖາທິລາດ ຍ້າຍນະ ຄອນຫລວງຈາກຊຽງທອງ (ຫລວງພະບາງ) ມາຕັ້ງຢູ່ ວຽງຈັນ, ຈຶ່ງມີການປັບປຸງ ປົວແປງ ແລະ ຕໍ່ເຕີມຄືດັ່ງ ເຮົາເຫັນມາຮອດປັດຈຸບັນ.
ນັບແຕ່ສະໄໝເຈົ້າໄຊ ເຊດຖາທິລາດມາຮອດຍຸກ ຂອງພວກເຮົາກໍມີອາຍຸ ເກືອບ 500 ປີແລ້ວກໍເໝືອນ ດັ່ງພ້ອມກັບອາຍຸຂອງການ ສ້າງຕັ້ງນະຄອນຫລວງ ວຽງຈັນເຮົານັ້ນເອງ.

ຕົກມາເຖິງໄລຍະການ ປົກຄອງໃນລະບອບປະຊາ ທິປະໄຕ ພາຍໃຕ້ການນຳ ພາຂອງພັກ ແລະ ລັດຖະ ບານ ເຮົາຍຸກປັດຈຸບັນ, ທາດ ຫລວງວຽງຈັນກໍມີການ ປັບປຸງປະຕິສັງຂອນມາ ແລ້ວ 4 ຄັ້ງຄື: ນັບຕັ້ງແຕ່ ໂຄງການໂຍກຍ້າຍປະຊາຊົນ ອອກຈາກອ້ອມແອ້ມບໍລິ ເວນພະທາດຫລວງ ເພື່ອ ໃຫ້ມີເດີ່ນຮອງຮັບມວນຊົນ ໄດ້ຫລາຍຂຶ້ນ.

ໂຄງການປົວແປງ ແລະ ປູເດີ່ນພະທາດຫລວງໃຫ້ ສວຍງາມ ແລະ ໃຫ້ໄດ້ ມາດຕະຖານຂຶ້ນກວ່າເກົ່າ, ໂຄງການປະຕິສັງຂອນກະ ໂຕພະທາດຫລວງໃຫ້ມີ ຄວາມແໜ້ນໜາຖາວອນ, ສວຍງາມ ແລະ ໂດດເດັ່ນ, ຫລ້າສຸດແມ່ນໄດ້ຕໍ່ເຕີມ ຍອດຊໍ່ຟ້າທີ່ຫລໍ່ດ້ວຍຄຳ ສົດມີນ້ຳໜັກຈຳນວນຫລາຍສິບກິໂລໃສ່ຍອດພະທາດ ຫລວງ.

ເມື່ອສົມທຽບໃສ່ແຕ່ ຊຸມ ປີ 1980 ຄືນຫລັງ, ຕອນ ທິດກ່ຳຍ້າຍຂຶ້ນມາຢູ່ວຽງ ຈັນໃໝ່ໆ ເດີ່ນທາດຫລວງ ກັບເດີ່ນສະໜາມຫລວງຍັງ ເປັນເດີ່ນຫຍ້າທຳມະດາ, ຕອນແລງມາເຫັນເດັກນ້ອຍ ຂີ່ຄວາຍກິນຫຍ້າກັບພາກັນ ແລ່ນວ່າວແຊວໆ, ແຕ່ມາສົມ ທຽບໃສ່ປັດຈຸບັນ ພະທາດ ຫລວງວຽງຈັນ ກໍຄືສະຖານ ທີ່ອ້ອມແອ້ມບໍລິເວນ ຍິ່ງໄດ້ ຮັບການພັດທະນາໃຫ້ສວຍ ງາມສົມກັບວ່າທາດຫລວງ ເປັນມິ່ງຂວັນ ແລະ ເຄົາລົບ ບູຊາຂອງຊາວນະຄອນ ຫລວງ ກໍຄືຊາວລາວໃນ ທົ່ວປະເທດ.

- 3251 - ບຸນທາດຫລວງໜຶ່ງໃນຮີດຄອງປະເພນີອັນດີງາມຂອງຊາດ
(ພາບປະກອບ)

 

error: Content is protected !!