ຍ່າງ​ເພື່ອ​ສຸຂະພາບ​ສະຫລອງ​ວັນ​ເດັກ​ໂລກ

- walking - ຍ່າງ​ເພື່ອ​ສຸຂະພາບ​ສະຫລອງ​ວັນ​ເດັກ​ໂລກ
- AGL banner - ຍ່າງ​ເພື່ອ​ສຸຂະພາບ​ສະຫລອງ​ວັນ​ເດັກ​ໂລກ

ພິທີຍ່າງເພື່ອສຸຂະພາບໃນໂອກາດສະເຫຼີມສະຫຼອງວັນເດັກໂລກ ວັນທີ 20 ພະຈິກ ຄົບຮອບ 29 ປີ ໄດ້ຈັດຂຶ້ນທີ່ເດີ່ນປະຕູໄຊນະຄອນຫຼວງວຽງຈັນ ໃນເຊົ້າວັນທີ 17 ພະຈິກນີ້, ໂດຍການໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ມີຄະນະນຳພັກ-ລັດຈາກກະຊວງ, ນະຄອນຫຼວງວຽງຈັນ, ທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນຕ່າງໆປະຈໍາລາວ, ພ້ອມດ້ວຍຄູອາຈານ ແລະ ນັກຮຽນຈາກໂຮງຮຽນຕ່າງໆເຂົ້າຮ່ວມຫຼາຍກວ່າ 1.000 ຄົນ.

ການຈັດງານສະເຫຼີມສະຫຼອງວັນເດັກໂລກຄັ້ງນີ້, ເຊິ່ງເປັນເວທີທີ່ເດັກທົ່ວໂລກຈະມີບົດບາດສຳຄັນປະກອບສ່ວນເຂົ້າໃນວຽກງານຕ່າງໆເຊັ່ນ: ວຽກງານການປົກຄອງ, ວຽກງານທຸລະກິດ, ການເມືອງ ແລະ ກິລາກາຍະກໍາອື່ນໆ ເພື່ອສະແດງຄວາມຄິດເຫັນສິ່ງທີ່ຜູ້ນຳທົ່ວໂລກຈະໄດ້ຮັບຮູ້ ແລະ ເພື່ອສະໜັບສະໜູນໝູ່ເພື່ອນຂອງພວກເຂົາຫຼາຍລ້ານຄົນ ຜູ້ທີ່ກຳລັງຜະເຊີນກັບຄວາມຫວັງທີ່ມີໜ້ອຍ, ວັນເດັກໂລກແມ່ນວັນທີ່ມ່ວນຊື່ນ, ມີຂໍ້ຄວາມໜັກແໜ້ນ ແລະ ເປັນໂອກາດດີທີ່ຈະເຜີຍແຜ່ກ່ຽວກັບຄວາມກັງວົນ ແລະ ສິ່ງທ້າທາຍຂອງເດັກ ແລະ ເປັນການຊ່ວຍສົ່ງເສີມສິດທິເດັກໃຫ້ຫຼາຍຂຶ້ນ.

ໃນໂອກາດນີ້, ທ່ານນາງຮອງປະທານຄະນະກໍາມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ໄດ້ມີຄຳເຫັນໂດຍໄດ້ຮຽກຮ້ອງມາຍັງບັນດາການຈັດຕັ້ງພັກ-ລັດ, ສູນກາງແນວລາວສ້າງຊາດ ແລະ ອົງການຈັດຕັ້ງມະຫາຊົນ, ຫົວໜ່ວຍທຸລະກິດທັງພາກລັດ ແລະ ເອກະຊົນ ຕະຫຼອດເຖິງປະຊາຊົນ ແລະ ເດັກນ້ອຍໃນທົ່ວປະເທດຈົ່ງຍົກສູງຄວາມຮັບຜິດຊອບຂອງຕົນ ເພີ່ມທະວີອອກແຮງຈັດຕັ້ງປະຕິບັດວຽກງານກ່ຽວກັບເດັກເພື່ອຮັບປະກັນ, ດູແລເອົາໃຈໃສ່, ພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກໃຫ້ມີໄວເດັກທີ່ສົດໃສ ແລະ ກ້າວເປັນຜູ້ໃຫຍ່ທີ່ດີໃນອະນາຄົດ, ເປັນກຳລັງຕົ້ນຕໍຂອງຊາດ ປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດໃຫ້ຈະເລີນຮຸ່ງເຮືອງ.

- Wave100S AD to Website 2020 0 - ຍ່າງ​ເພື່ອ​ສຸຂະພາບ​ສະຫລອງ​ວັນ​ເດັກ​ໂລກ

ໃນໂອກາດນີ້, ຜູ້ຕາງໜ້າອົງການອຸຍນີເຊບປະຈໍາລາວ ກໍໄດ້ມີຄໍາເຫັນ ແລະ ມອບຂັນລາງວັນໃຫ້ພາກສ່ວນຕ່າງໆທີ່ໄດ້ປະກອບສ່ວນເຂົ້າໃນການສະເຫລີມສະຫລອງວັນເດັກໂລກໃນຄັ້ງນີ້ຢ່າງມີຜົນສໍາເລັດ.

- lattana 1 - ຍ່າງ​ເພື່ອ​ສຸຂະພາບ​ສະຫລອງ​ວັນ​ເດັກ​ໂລກ
error: Alert: Content is protected !!