ສຳ​ເລັດ​ກວ່າ 50% ການ​ຂຶ້ນທະບຽນປັບ​ສະຖານະ​ແຮງ​ງານ​ລາວທີ່​ໄປ​ເຮັດ​ວຽກຢູ່​ປະ​ເທດໄທ

- 132c0aabe6b5cceef1826a978db6603a - ສຳ​ເລັດ​ກວ່າ 50% ການ​ຂຶ້ນທະບຽນປັບ​ສະຖານະ​ແຮງ​ງານ​ລາວທີ່​ໄປ​ເຮັດ​ວຽກຢູ່​ປະ​ເທດໄທ
- AGL banner - ສຳ​ເລັດ​ກວ່າ 50% ການ​ຂຶ້ນທະບຽນປັບ​ສະຖານະ​ແຮງ​ງານ​ລາວທີ່​ໄປ​ເຮັດ​ວຽກຢູ່​ປະ​ເທດໄທ

​ໃນ​ກອງ​ປະຊຸມສະຫລຸບ​ການຈັດ​ຕັ້ງ​ປະຕິບັດ​ວຽກງານປັບ​ສະຖານະ​ພາບ​ແຮງ​ງານ​ລາວ​ທີ່​ເຮັດ​ວຽກ​ແບບ​ບໍ່ຖືກຕ້ອງ​ຕາມ​ກົດໝາຍຢູ່​ປະ​ເທດ​ໄທ, ທີ່ຈັດຂຶ້ນໃນວັນທີ 16 ພະຈິກນີ້, ຢູ່ນະຄອນຫລວງວຽງຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ຄຳ​ແພງ ​ໄຊ​ສົມ​ແພງ ລັດຖະມົນຕີ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ​ໃຫ້​ຮູ້​ວ່າ: ນັບ​ແຕ່​ວັນ​ທີ 28 ສິງຫາ 2017 ຫາ 26 ມິຖຸນາ 2018 ໜ່ວຍງານ​ປັບ​ສະຖານະ​ພາບ​ແຮງ​ງານ​ລາວ​ໄດ້​ອອກໜັງສື​ຢັ້ງຢືນ​ສະຖານະ​ພາບ​ບຸກຄົນ ​ໃຫ້​ແຮງ​ງານ​ລາວ ​ແລະ ຜູ້​ຕິດຕາມ​ໄດ້ 57% ຂອງ​ຈໍານວນ​ຕົວ​ເລກ 71 ພັນ​ຄົນທີ່​ທາງ​ການ​ໄທ​ຂຶ້ນບັນຊີ, ​ໂດຍ​ແຮງ​ງານ​ລາວ​ສ່ວນ​ໃຫຍ່​ແມ່ນ​ເຄື່ອນ​ຍ້າຍ​ເຂົ້າມາ​ເຮັດ​ວຽກ​ໃນ​ປະ​ເທດ​ໄທນຳ​ຜູ້​ໃຊ້​ແຮງ​ງານ​ລາຍ​ຍ່ອຍ​ໃນ​ການ​ບໍລິການ​ຄ້າຂາຍ, ຮ້ານອາຫານ, ​ເຮັດ​ວຽກສວນ​ຢູ່​ແບບ​ກະ​ແຈກ​ກະຈາຍ, ສ່ວນ​ແຮງ​ງານ​ລາວ​ທີ່​ເຮັດ​ວຽກງານ​ໃນ​ຂະ​ແຫນງ​ອຸດສາຫະກຳຢູ່​ໃນ​ໂຮງ​ຈັກ​ໂຮງງານ​ມີ​ຈຳນວນໜ້ອຍ.

ທ່ານລັດຖະມົນຕີກະຊວງ​ແຮງ​ງານ ​ແລະ ສະຫວັດດີ​ການສັງຄົມ ​ໃຫ້​ຮູ້​ວ່າ: ສາ​ເຫດ​ແຮງ​ງານ​ລາວ​ທີ່​ໄປ​ເຮັດ​ວຽກ​ແບບ​ບໍ່ຖືກຕ້ອງຕາມ​ກົດໝາຍຢູ່​ປະ​ເທດ​ໄທ ສ່ວນ​ໃຫຍ່​ແມ່ນ​ເປັນ​ແຮງ​ງານ​ທີ່​ດຳລົງ​ຊີວິດຢູ່​ລຽບຕາມຊາຍ​ແດນລາວ-​ໄທ, ສະພາບ​ຄອບຄົວ​ທຸກ​ຍາກ, ລະດັບ​ການ​ສຶກສາ​ຕ່ຳ, ​ເປັນ​ແຮງ​ງານ​ທີ່​ບໍ່ມີ​ສີມື, ​ເປັນກໍາ​ລັງ​ແຮງ​ງານໜຸ່ມ ​ແລະ ​ເປັນ​ແຮງ​ງານ​ອາຊີບ​ຈຳນວນໜຶ່ງ. ສະ​ນັ້ນ ​ເພື່ອ​ເຮັດ​ໃຫ້​ແຮງ​ງານ​ລາວ​ທີ່​ເຮັດ​ວຽກ​ແບບ​ບໍ່ຖືກຕ້ອງ​ຕາມ​ກົດໝາຍຢູ່​ໄທ ທີ່​ໄດ້​ມາ​ຂຶ້ນທະບຽນກັບ​ທາງ​ການ​ໄທ ​ໃຫ້​ໄດ້​ຮັບ​ເອກະສານ​ຢັ້ງຢືນ​ຢ່າງ​ຖືກຕ້ອງ, ມີໜັງສື​ຜ່ານ​ແດນ, ມີ​ບັດ​ອະນຸຍາດ​ເຮັດ​ວຽກສາມາດ​ເຂົ້າ​-ອອກ ລະຫວ່າງ​ປະ​ເທດ​ໄດ້​ສະດວກ​ມີ​ຄວາມ​ຈຳ​ເປັນ​ຢ່າງ​ຍິ່ງ ຕ້ອງ​ໄດ້​ປັບ​ສະຖານະ​ແຮງ​ງານ​ລາວ​ເຫລົ່າ​ນັ້ນ​ໃຫ້​ຖືກຕ້ອງ​ຕາມ​ກົດໝາຍ, ຊຶ່ງ​ຄາດ​ວ່າ ຈະ​ສຳ​ເລັດ​ໃນ​ປີ 2019.

- Wave100S AD to Website 2020 0 - ສຳ​ເລັດ​ກວ່າ 50% ການ​ຂຶ້ນທະບຽນປັບ​ສະຖານະ​ແຮງ​ງານ​ລາວທີ່​ໄປ​ເຮັດ​ວຽກຢູ່​ປະ​ເທດໄທ
- lattana 1 - ສຳ​ເລັດ​ກວ່າ 50% ການ​ຂຶ້ນທະບຽນປັບ​ສະຖານະ​ແຮງ​ງານ​ລາວທີ່​ໄປ​ເຮັດ​ວຽກຢູ່​ປະ​ເທດໄທ
error: Alert: Content is protected !!