ຮອງນາຍົກລັດຖະມົນຕີສອນໄຊ ສີພັນດອນ ລົງຊຸກຍູ້ການຜະລິດຢູ່ແຂວງວຽງຈັນ

- 18446966 1363659667048368 1997035825491029362 n - ຮອງນາຍົກລັດຖະມົນຕີສອນໄຊ ສີພັນດອນ ລົງຊຸກຍູ້ການຜະລິດຢູ່ແຂວງວຽງຈັນ
- Untitled design - ຮອງນາຍົກລັດຖະມົນຕີສອນໄຊ ສີພັນດອນ ລົງຊຸກຍູ້ການຜະລິດຢູ່ແຂວງວຽງຈັນ

- 18446966 1363659667048368 1997035825491029362 n 300x200 - ຮອງນາຍົກລັດຖະມົນຕີສອນໄຊ ສີພັນດອນ ລົງຊຸກຍູ້ການຜະລິດຢູ່ແຂວງວຽງຈັນ

ໃນວັນທີ 9 ພຶດສະພານີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະໄດ້ເດີນທາງໄປຢ້ຽມ ຢາມ ແລະ ຊຸກຍູ້ການຜະລິດຢູ່ແຂວງວຽງຈັນ, ໂດຍການຕ້ອນຮັບຢ່າງອົບອຸ່ນຂອງທ່ານເຈົ້າ ແຂວງວຽງຈັນພ້ອມ ດ້ວຍອໍານາດການປົກຄອງ ແລະ ປະຊາຊົນແຂວງດັ່ງກ່າວ.

ກ່ອນອື່ນທ່ານຮອງນາຍົກລັດຖະມົນຕີໄດ້ໄປຢ້ຽມຢາມ ໂຄງການປູກໄມ້ວິກເພື່ອສົ່ງອອກ ໄດ້ຮັບລາຍງານໃຫ້ຊາບ ວ່າ: ໂຄງການດັ່ງກ່າວຕັ້ງຢູ່ເມືອງ ຫີນເຫີບແຂວງວຽງຈັນ, ມີເນື້ອ ທີ່ທັງໝົດ 100 ເຮັກຕາ, ປັດຈຸ ບັນມີ 80 ຄອບຄົວເຂົ້າຮ່ວມໃນ ໂຄງການ, ລາຍຮັບສະເລ່ຍຕໍ່ ຄອບຄົວປະມານ 20 ລ້ານກວ່າ ກີບຕໍ່ປີ. ພ້ອມດຽວກັນນັ້ນ, ທ່ານ ສອນໄຊ ສີພັນດອນ ຍັງໄດ້ເດີນ ທາງໄປຢ້ຽມຢຽມບໍລິສັດວຽງຈັນ ຫົງຊືໃສທິລາດຊີມັງຈໍາກັດ ຊຶ່ງຕັ້ງຢູ່ບ້ານ ຜາບ່ອງ ເມືອງຫີນເຫີບ, ເລີ່ມດໍາເນີນການກໍ່ສ້າງມາແຕ່ເດືອນພະຈິກ 2016   ແລະ ຄາດວ່າຈະສໍາເລັດໃນຕົ້ນປີ 2018, ມີມູນຄ່າການລົງທຶນທັງໝົດ 300 ລ້ານໂດລາສະຫະລັດ, ມີອາຍຸສໍາປະທານ 50 ປີ.

ໃນໂອກາດເດີນທາງມາເຄື່ອນໄຫວຢ້ຽມຢາມແຂວງ ວຽງຈັນໃນຄັ້ງນີ້ ທ່ານຮອງນາຍົກລັດຖະມົນຕີ ໄດ້ມີຄໍາເຫັນ ຊີ້ນໍາໃຫ້ອໍານາດການປົກຄອງ ແຂວງວຽງຈັນເອົາໃຈໃສ່ຕໍ່ ໂຄງການລົງທຶນດັ່ງກ່າວເຊັ່ນ: ໂຄງການປູກໄມ້ວິກຂອງ ບໍລິສັດບົວລະພາກະສິກໍາ-ປ່າໄມ້ຈໍາກັດ, ໃຫ້ຖອດຖອນບົດຮຽນຈາກຕ່າງ ປະເທດກ່ຽວກັບລາຍຮັບຈາກການປູກ ໄມ້ດັ່ງກ່າວ, ປະສານ ສົມທົບ ແລະ ກວດກາຄືນການ ນໍາໃຊ້ທີ່ດິນຂອງປະຊາຊົນເພື່ອ ບໍ່ໃຫ້ເກີດມີການຈັບຈອງ ຫລື ບຸກລຸກພື້ນທີ່ ປ່າໄມ້ທີ່ບໍ່ຖືກຕ້ອງ. ອັນສໍາຄັນແມ່ນໃຫ້ອໍານາດການ ປົກຄອງຂັ້ນທ້ອງຖິ່ນກໍານົດແຜນການ ນໍາໃຊ້ ແລະ ພັດທະນາທີ່ດິນຂອງຕົນ, ກໍານົດເນື້ອທີ່ຂອບ ເຂດການນໍາໃຊ້ໃຫ້ລະອຽດຈະແຈ້ງ. ສໍາລັບໂຄງການ ກໍ່ສ້າງໂຮງງານສີມັງຂອງບໍລິສັດວຽງຈັນຫົງຊືໃສທິລາດຊີມັງຈໍາກັດ ແມ່ນໃຫ້ເອົາໃຈໃສ່ປະສານສົມທົບກັບ ອໍານາດການປົກຄອງ ເມືອງເພື່ອສະໜອງແຮງງານເຂົ້າໃນການຜະລິດ ແລະ ໃຫ້ນໍາໃຊ້ແຮງງານຈາກປະຊາຊົນໃນ ທ້ອງຖິ່ນເພື່ອເປັນການສ້າງວຽກເຮັດງານທໍາ ແລະ ສ້າງລາຍຮັບໃຫ້ປະຊາຊົນໄດ້ເປັນປົກກະຕິ, ອັນສໍາຄັນແມ່ນ ເອົາໃຈໃສ່ເສຍພັນທະໃຫ້ລັດຖະບານໃຫ້ຖືກຕ້ອງ, ຄົບຖ້ວນຕາມລະບຽບການ.

- Wave100S AD to Website 2020 0 - ຮອງນາຍົກລັດຖະມົນຕີສອນໄຊ ສີພັນດອນ ລົງຊຸກຍູ້ການຜະລິດຢູ່ແຂວງວຽງຈັນ

ໂອກາດດຽວກັນນີ້, ທ່ານ ຮອງນາຍົກລັດຖະມົນຕີ ຍັງໄດ້ ຢ້ຽມຢາມກຸ່ມແປຮູບຜະລິດຕະພັນເຂົ້າໜົມມັນຕົ້ນ ແລະ ກ້ວຍຈືນຢູ່ບ້ານປ່ອງຊອງ, ຊຶ່ງເປັນສິນຄ້າໜຶ່ງເມືອງໜຶ່ງຜະລິດຕະພັນຂອງເມືອງຫີນເຫີບອີກດ້ວຍ.

- WhatsApp Image 2020 05 27 at 5 - ຮອງນາຍົກລັດຖະມົນຕີສອນໄຊ ສີພັນດອນ ລົງຊຸກຍູ້ການຜະລິດຢູ່ແຂວງວຽງຈັນ
- WhatsApp Image 2020 05 27 at 5 - ຮອງນາຍົກລັດຖະມົນຕີສອນໄຊ ສີພັນດອນ ລົງຊຸກຍູ້ການຜະລິດຢູ່ແຂວງວຽງຈັນ
error: Alert: ເນື້ອຫາຂ່າວມີລິຂະສິດ !!