ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ

ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ - PM - ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ
ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ - AGL banner - ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ

ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ​ໄດ້​ລາຍ​ງານ​ຕໍ່​ກອງ​ປະຊຸມ​ສະ​ໄໝ​ສາມັນ ​ເທື່ອ​ທີ 6 ຂອງ​ສະພາ​ແຫ່ງ​ຊາດ ຊຸດ​ທີ VIII ​ໃນ​ວັນ​ທີ 20 ພະຈິກ​ນີ້​ວ່າ: ຕະຫລອດ​ໄລຍະ 2 ປີກ​ວ່າ​ມາ​ນີ້, ລັດຖະບານ​ໄດ້​ເອົາ​ໃຈ​ໃສ່​ຜັນ​ຂະຫຍາຍ​ນະ​ໂຍບາຍ, ມະຕິ​ຂອງ​ພັກ ​ແລະ ສະພາ​ແຫ່ງ​ຊາດ​ກຳນົດ​ອອກ ​ເພື່ອ​ຮັບປະກັນ​ໃຫ້ການ​ພັດທະນາ​ເສດຖະກິດ-ສັງຄົມ​ບັນລຸ​ຄາດໝາຍ​ກຳນົດ​ໄວ້. ອັນ​ສຳຄັນ​ແມ່ນ​ລັດຖະບານ​ໄດ້​​ເລັ່ງ​ແກ້​ໄຂ​ບັນດາ​ສິ່ງ​ກີດຂວາງ​ຖ່ວງ​ດຶງ​ການ​ພັດທະນາປະ​ເທດ​ໃຫ້​ຄ່ອຍໆ​ໝົດ​ໄປ, ​ເປັນຕົ້ນການປັບປຸງຊັບ​ຊ້ອນ​ກົງຈັກ​ລັດຖະບານ​ໃຫ້​ກະທັດລັດ​ຮັດກຸມ, ປະຢັດ​ງົບປະມານ, ຫລຸດຜ່ອນ​ພາລະ​ບົດບາດ​ທັບ​ຊ້ອນ, ​ໄດ້​ກວດກາ ​ແລະ ອັດ​ຊ່ອງ​ຫວ່າງ​ການ​ຮົ່ວ​ໄຫລ​ຂອງ​ງົບປະມານ ​ໂດຍ​ການ​ຢຸດຕິ​ການ​ຍົກ​ເວັ້ນພາສີ-ອາກອນ​ນຳ​ເຂົ້າພາຫະນະ, ນ້ຳມັນ​ເຊື້ອ​ໄຟ, ວັດ​ສະ​ດຸ​ກໍ່ສ້າງ, ສິນຄ້າ​ຟຸມ​ເຟືອຍ, ຢຸດຕິ​ການ​ຕັດ​ໄມ້​ທຳລາຍ​ປ່າ, ຢຸດຕິ​ການ​ສົ່ງ​ອອກ​ໄມ້​ທ່ອນ, ຈຳກັດ​ການ​ສົ່ງ​ວັດຖຸ​ດິບ​ອອກ​ຕ່າງປະ​ເທດ​ໂດຍ​ບໍ່​ໄດ້​ປຸງ​ແຕ່ງ, ກວດຄືນ​ບັນດາ​ລັດ​ວິ​ສາ​ຫະກິດ​ທີ່​ຂາດທຶນ, ກວດຄືນ​ການ​ລົງທຶນ​ໃນ​ຂະ​ແໜງ​ພະລັງງານ-ບໍ່​ແຮ່​ທີ່​ບໍ່​ມີ​ປະສິດທິ​ຜົນ ​ແລະ ບໍ່​ປະຕິບັດ​ຕາມ​ສັນຍາ ​ເຊິ່ງມາ​ຮອດ​ປັດຈຸບັນ ລັດຖະບານ​ໄດ້​ຍົກ​ເລີກ​ໄປ​ຫລາຍ​ໂຄງການ​ທີ່​ລະ​ເມີດ, ​ໄດ້​ເຂັ້ມງວດ​ຕໍ່​ວິ​ໄນ​ແຜນການ-ການ​ເງິນ ​ໂດຍ​ໄດ້​ມີ​ມາດ​ຕະການ​ຫ້າມ ​ແລະ ສະກັດ​ກັ້ນບໍ່​ໃຫ້​ມີ​ໂຄງການ​ນອກ​ແຜນ ​ເຊິ່ງມາ​ຮອດ​ປັດຈຸບັນ ບັນດາ​ໂຄງການ​ນອກ​ແຜນ​ທີ່​ອະນຸຍາດ​ໃນ​ຜ່ານ​ມາ​​ແມ່ນ​ຖືກ​ຍົກ​ເລີ​ກໝົດ​​ແລ້ວ, ລັດຖະບານ​ໄດ້​ຢຸດຕິ​ການ​ປ່ອຍ​ເງິນ​ກູ້ ​ແລະ ຄ້ຳປະກັນ​ໃຫ້​ແກ່​ພາກ​ທຸລະ​ກິດ​ລັດ ​ແລະ ​ເອກະ​ຊົນ​ທີ່​ເຕັມ​ໄປ​ດ້ວຍ​ຄວາມ​ສ່ຽງ​ນັ້ນ​ເດັດຂາດ ​ແລະ ກຳລັງ​ສ້າງ​ແຜນ​ເກັບ​ກູ້​ເງິນ​ດັ່ງກ່າວ​ຄືນ​ສູ່​ລະບົບ.

ທ່ານ​ນາຍົກ ກ່າວ​ວ່າ: ​ໂດຍ​ລວມ​ແລ້ວ ນັບ​ແຕ່​ລັດຖະບານ​ຊຸດ​ທີ 8 ​ໄດ້​ມາ​ບໍລິຫານ​ປະ​ເທດ ​ແມ່ນ​ໄດ້​ສຸມ​ໃສ່​ຫັນ​ການ​ເຄື່ອນ​ໄຫວ​ຂອງ​ລັດ ​ແລະ ສັງຄົມ​ເຂົ້າສູ່​ລະບຽບ​ກົດໝາຍ, ​ເດັດດ່ຽວ​ແກ້​ໄຂ​ການລະ​ເມີດ​ກົດໝາຍ, ປ້ອງ​ກັນ​ໄດ້​ຄວາມ​ສ່ຽງ​ທີ່​ຈະ​ຕົກ​ເຂົ້າສູ່​ບັນຫາ​ສັບສົນ​ຫຍຸ້ງຍາກ​ຮ້າຍ​​ແຮງ​ຕ່າງໆ.

ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ - Wave100S AD to Website 2020 0 - ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ
ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ - lattana 1 - ລັດຖະບານ​ເອົາ​ໃຈ​ໃສ່​ແກ້​ໄຂ​ສິ່ງ​ທ່ວງດຶງ​ການ​ພັດທະນາ​ປະ​ເທດ
error: Alert: Content is protected !!