ໂຮງງານຜະລິດສາຍໄຟວັດທະນາຈຳກັດຊ່ວຍຫລຸດຜ່ອນການນຳເຂົ້າສິນຄ້າຈາກຕ່າງປະເທດເປັນຈຳນວນບໍ່ຫນ້ອຍ

- Untitled design - ໂຮງງານຜະລິດສາຍໄຟວັດທະນາຈຳກັດຊ່ວຍຫລຸດຜ່ອນການນຳເຂົ້າສິນຄ້າຈາກຕ່າງປະເທດເປັນຈຳນວນບໍ່ຫນ້ອຍ

- sss 300x191 - ໂຮງງານຜະລິດສາຍໄຟວັດທະນາຈຳກັດຊ່ວຍຫລຸດຜ່ອນການນຳເຂົ້າສິນຄ້າຈາກຕ່າງປະເທດເປັນຈຳນວນບໍ່ຫນ້ອຍ

ໂຮງງານຜະລິດສາຍໄຟ ຟ້າວັດທະນາຈໍາກັດ ເປັນໂຮງງານຜະລິດສາຍໄຟຟ້າແຫ່ງທໍາ ອິດໃນສປປ.ລາວ ເຊິ່ງຕັ້ງຢູ່ຖະ ໜົນນາຄວາຍ, ເມືອງໄຊເຊດຖາ, ນະຄອນຫຼວງວຽງຈັນ ໂດຍການລົງທຶນຮ່ວມກັນລະຫວ່າງນັກ ທຸລະກິດລາວ ແລະ ໄທມີທຶນຈົດທະບຽນ ທັງໝົດ1 ລ້ານໂດລາສະຫະລັດ ແລະ ໄດ້ເລີ່ມຕົ້ນດໍາເນີນການຜະລິດ ມາແຕ່ປີ 2004.

ທ່ານ ຄໍາພັດ ປະທານ ກໍາ ມະບານຮາກຖານ ໂຮງງານດັ່ງ ກ່າວໃຫ້ຮູ້ວ່າ: ໂຮງງານແຫ່ງນີ້ ປະກອບມີກໍາມະກອນ ທັງໝົດ 39ຄົນ, ເປັນຍິງ 4 ຄົນ, ໃນນັ້ນມີສະ ມາຊິກກໍາມະບານ 21 ຄົນ, ມີ 5ໜ້າວຽກໃຫຍ່ຄື: ການນໍາເຂົ້າ ວັດຖຸດິບມາຜະລິດເປັນສາຍໄຟຟ້າ ເກັບມ້ຽນສິນຄ້າເຂົ້າສາງ, ການຈໍາໜ່າຍ ແລະ ເຮັດວຽກງານບໍລິຫານ ຫ້ອງການ.

ໃນເບຶ້ງຕົ້ນ, ການຜະລິດກໍ ຍັງບໍ່ທັນໄດ້ເຂົ້າທິດເຂົ້າທາງພໍປານໃດ, ຍ້ອນວ່າກໍາມະກອນຈໍານວນໜຶ່ງຍັງຂາດ ປະສົບການ ຍັງເປັນແຮງງານດິບແຕ່ພາຍ ຫຼັງດໍາເນີນໄປໄດ້ປະມານ2-3ປີ ເຫັນວ່າການຜະລິດດີຂຶ້ນ ແລະ ມີຄຸນນະພາບສູງສົມຄວນ. ມາ ຮອດປີ 2008 ທາງໂຮງງານໄດ້ປັບປຸງອົງການຈັດຕັ້ງຂອງຕົນແໜ້ນໜາ ແລະ ໄດ້ສ້າງຕັ້ງຮາກຖານກໍາມະບານຂອງຕົນ ຂຶ້ນພາຍໃຕ້ການຊີ້ນໍາໆຂອງ ຫ້ອງການສະຫະພັນກໍາມະບານເມືອງ ໄຊເຊດ ຖາເພື່ອຊີ້ນຳນຳພາວຽກຂອງໂຮງງານໃຫ້ເປັນລະບົບລະບຽບດີ, ແຕ່ລະຄົນມີຄວາມຮັບຜິດຊອບ, ເຮັດວຽກຢ່າງມີແຜນການມັນສະແດງອອກທາງດ້ານການຜະລິດ, ການນໍາສົ່ງ ແລະ ຈໍາໜ່າຍສິນ ຄ້າໄດ້ເຮັດໃຫ້ ຜູ້ທີ່ມາຊົມໃຊ້ບໍລິການທຸກຄົນພາກພູມໃຈ ແລະ ເປັນທີ່ຍອມຮັບຕໍ່ກັບຜະລິດຕະພັນ ແລະ ສາມາດຕອບສະໜອງ ຕາມຄວາມຮຽກຮ້ອງຕ້ອງການ ຂອງສັງຄົມໄດ້ຄື: ສາຍໄຟຟ້າປະເພດສາຍດຽ່ວໄດ້ປະມານ  8 ແສນແມັດ/ປີ, ສາຍໄຟຟ້າປະເພດສາຍຄູ່ໄດ້ປະມານ 2 ລ້ານແມັດ/ ປີ, ສາຍໄຟຟ້າປະເພດອາລຸຍມີນຽມໄດ້ປະມານ150.000 ແມັດ/ປີ, ສາຍໄຟຟ້າປະເພດທອງເປືອຍໄດ້ປະມານ5.000 ແມັດ/ປີ.

ທ່ານ ປະທານກໍາມະບານ ໂຮງງານດັ່ງກ່າວໃຫ້ຮູ້ຕື່ມວ່າ: ຍຸກນີ້ເປັນຍຸກແຫ່ງປະຊາຄົມເສດຖະກິດອາຊຽນ ກໍຄືຍຸກແຫ່ງການເຊື່ອມໂຍງກັບເສດຖະກິດໂລກ, ສະນັ້ນ, ທາງໂຮງງານຂອງພວກເຮົາກໍຕ້ອງ ໄດ້ເອົາໃຈ ໃສ່ເປັນພິເສດເຖິງຄຸນນະພາບ ແລະ ດ້ານປະລິມານຕາມຄວາມຮຽກຮ້ອງຕ້ອງການຂອງສັງຄົມ, ຍຸກຍູ້ສົ່ງເສີມ ວຽກງານບໍລິການ ແລະ ການຕະຫຼາດໃຫ້ດີ ແລະ ມີຄວາມໝັ້ນທ່ຽງ ເຊິ່ງເວົ້າໄດ້ວ່າມາຮອດປະຈຸບັນນີ້ ຜະລິດ ຕະພັນຂອງໂຮງງານແມ່ນໄດ້ ມາດຕະຖານທຽບເທົ່າກັບສາ ກົນ, ແລະ ສາມາດຮັບໃຊ້ສັງຄົມຢ່າງທົ່ວເຖິງ ແລະ ນອກຈາກຈະຈໍາໜ່າຍຢູ່ພາຍໃນນະຄອນຫຼວງວຽງຈັນແລ້ວກໍຍັງມີສາ ຂານໍາສົ່ງຂາຍອອກຕ່າງແຂວງອີກດ້ວຍ. ນອກຈາກນັ້ນ, ທາງໂຮງງານຍັງໄດ້ປະຕິບັດນະໂຍ ບາຍຕໍ່ກັບກໍາມະກອນທຸກໆຄົນ ເຊິ່ງນອກຈາກໄດ້ຮັບເງິນ ເດືອນພື້ນຖານຢ່າງເປັນປົກະຕິແລ້ວ, ທາງໂຮງງານຍັງມີເງິນອຸດໜູນ, ເງິນຂະຫຍັນ, ເງິນໂບນັດປະຈໍາປີໃຫ້ ກໍາມະກອນນໍາອີກ, ເວລາເຈັບເປັນທາງໂຮງງານກໍມີນະໂຍບາຍໃຫ້ພັກຜ່ອນ ຕາມແພດສັ່ງໂດຍບໍ່ຕັດເງິນ ເດືອນພ້ອມທັງມີເງິນນະໂຍບາຍປິ່ນປົວໃຫ້, ອີກດ້ວຍສ່ວນແມ່ຍິງມີສິດລາພັກເກີດລູກໄລຍະສາມເດືອນ ແລະ ກໍາມະກອນທຸກຄົນມີສິດລາພັກປະຈໍາປີກໍານົດ 15 ວັນລະໜຶ່ງຄັ້ງ.

ໂຮງງານຜະລິດສາຍໄຟຟ້າແຫ່ງນີ້, ນອກຈາກປະກອບສ່ວນສ້າງວຽກເຮັດງານທຳໃຫ້ສັງຄົມແລ້ວ ຍັງຊ່ວຍ ຫຼຸດຜ່ອນການນໍາເຂົ້າສິນຄ້າຈາກຕ່າງປະເທດ, ສ້າງແຫຼ່ງລາຍຮັບເຂົ້າງົບປະມານ, ເປັນການເສີມສ້າງສະມັດຕະ ພາບສີມືແຮງງານໃຫ້ກໍາມະກອນ ແລະ ຜູ້ອອກແຮງງານ, ສ້າງໂອກາດໃຫ້ປະຊາ ຊົນໄດ້ມີລາຍຮັບ ແລະ ແກ້ໄຂ ຊີວິດການເປັນຢູ່ໃຫ້ເຂົາເຈົ້າໄດ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

- Wave100S AD to Website 2020 0 - ໂຮງງານຜະລິດສາຍໄຟວັດທະນາຈຳກັດຊ່ວຍຫລຸດຜ່ອນການນຳເຂົ້າສິນຄ້າຈາກຕ່າງປະເທດເປັນຈຳນວນບໍ່ຫນ້ອຍ

 

ໂດຍ: ຊາຍພະເນຈອນ

 

 

- WhatsApp Image 2020 05 27 at 5 - ໂຮງງານຜະລິດສາຍໄຟວັດທະນາຈຳກັດຊ່ວຍຫລຸດຜ່ອນການນຳເຂົ້າສິນຄ້າຈາກຕ່າງປະເທດເປັນຈຳນວນບໍ່ຫນ້ອຍ
- WhatsApp Image 2020 05 27 at 5 - ໂຮງງານຜະລິດສາຍໄຟວັດທະນາຈຳກັດຊ່ວຍຫລຸດຜ່ອນການນຳເຂົ້າສິນຄ້າຈາກຕ່າງປະເທດເປັນຈຳນວນບໍ່ຫນ້ອຍ
error: Alert: ເນື້ອຫາຂ່າວມີລິຂະສິດ !!