ຜົນກອງປະຊຸມລັດຖະບານປະຈໍາເດືອນ ພະຈິກ 2018

ຜົນກອງປະຊຸມລັດຖະບານປະຈໍາເດືອນ ພະຈິກ 2018 - Meeting Resaulth - ຜົນກອງປະຊຸມລັດຖະບານປະຈໍາເດືອນ ພະຈິກ 2018
ຜົນກອງປະຊຸມລັດຖະບານປະຈໍາເດືອນ ພະຈິກ 2018 - AGL banner - ຜົນກອງປະຊຸມລັດຖະບານປະຈໍາເດືອນ ພະຈິກ 2018

ກອງປະຊຸມລັດຖະບານປະຈໍາເດືອນພະຈິກ 2018 ໄດ້ມີຂຶ້ນໃນວັນທີ 19 ຜ່ານມານີ້, ໂດຍການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ. ກອງປະຊຸມໄດ້ພິຈາລະນາ ແລະ ປະກອບຄໍາເຫັນໃສ່ເອກະສານສໍາຄັນຄື: ບົດລາຍງານສະພາບພົ້ນເດັ່ນການເຄື່ອນໄຫວວຽກງານຂອງລັດຖະບານໃນຜ່ານມາ ແລະ ທິດທາງໃນຕໍ່ໜ້າ, ລາຍງານຄວາມຄືບໜ້າປະຕິບັດຄໍາສັ່ງນາຍົກລັດຖະມົນຕີວ່າດ້ວຍການຈັດຕັ້ງປະຕິບັດ 8 ມາດຕະການກະຕຸ້ນເສດຖະກິດມະຫາພາກ, ຮ່າງດໍາລັດວ່າດ້ວຍກອງທຶນສົ່ງເສີມທຸລະກິດຂະໜາດນ້ອຍ ແລະ ກາງ, ຮ່າງດໍາລັດວ່າດ້ວຍການປະເມີນຜົນກະທົບຕໍ່ສິ່ງແວດລ້ອມ, ຍຸດທະສາດວ່າດ້ວຍການເຕີບໂຕສີຂຽວແຫ່ງຊາດຮອດປີ 2030 ເພື່ອໃຫ້ມີຄວາມຮັດກຸ່ມ, ລະອຽດຊັດເຈນດ້ານຫລັກການ ແລະ ມີບາງເອກະສານແມ່ນຈະໄດ້ສະເໜີຕໍ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII ທີ່ພວມດໍາເນີນໃນປັດຈຸບັນນີ້ພິຈາລະນາຮັບຮອງ.

ໂອກາດນີ້, ທ່ານນາຍົກລັດຖະມົນຕີ, ໄດ້ເນັ້ນໃຫ້ເພີ່ມທະວີເອົາໃຈໃສ່ວຽກງານຮັກສາຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົມ, ແກ້ໄຂປະກົດການຫຍໍ້ທໍ້ຕ່າງໆ ເປັນຕົ້ນ: ໜໍ່ແໜງອາດຈະກໍ່ໃຫ້ເກີດອາຊະຍາກຳຕ່າງໆ, ຕ້ານຄ້າມະນຸດ, ຂີ້ລັກງັດແງະ, ການຄ້າຂາຍຢາເສບຕິດ, ແກ໋ງກວນເມືອງ, ອັກຄີໄພ, ການໃຊ້ສື່ອອນລາຍເຄື່ອນໄຫວໄປໃນທາງທີ່ບໍ່ດີແລະ ຂັດຕໍ່ລະບຽບກົດໝາຍຕ່າງໆ, ໃຫ້​ກະຊວງ​ການ​ເງິນສືບຕໍ່ຄຸ້ມຄອງການເກັບລາຍຮັບໃຫ້ໄປຕາມແຜນ, ໂດຍນໍາໃຊ້ເຄື່ອງມືທັນສະໄໝໃຫ້ຫລາຍຂຶ້ນ, ພ້ອມທັງຈັດສັນງົບປະມານເພື່ອຊໍາລະໜີ້ໂຄງການລົງທຶນຂອງລັດໃນປີ 2019 ໃຫ້ມີຄວາມເໝາະສົມ, ທັງຮັບປະກັນຄວາມໂປ່ງໃສ, ຍຸຕິທໍາ ແລະ ຫລີກລ້ຽງສຽງຈົ່ມວ່າຕ່າງໆຂອງຜູ້ປະກອບການ. ນອກນີ້, ໃຫ້ກະຊວງ​ໂຍທາ​ທິການ ​ແລະ ຂົນ​ສົ່ງ ສືບ​ຕໍ່ຕິດຕາມ ແລະ ກວດກາ​ຄຸນ​ນະພາ​ບການສ້ອມແປງຖະໜົນຫົນທາງທີ່ໄດ້ຮັບຜົນກະທົບຈາກໄພທໍາມະຊາດຢູ່ທ້ອງຖິ່ນຕ່າງໆ ເພື່ອອໍານວຍຄວາມສະດວກໃນການສັນຈອນ ແລະ ການຂົນ​ສົ່ງໃຫ້ເປັນປົກກະຕິ. ສ່ວນການສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີທີ່ແຂວງຫົວພັນ ​ແລະ ການສະເຫລີມສະຫລອງ​ວັນຊາດຄົບຮອບ 43 ປີ ​ຕ້ອງໃຫ້​ຮັບປະກັນທາງ​ດ້ານເນື້ອໃນ, ຄວາມ​ສະຫງົບປອດ​ໄພ ແລະ ປະຍັດມັດທະຢັດ.

ຜົນກອງປະຊຸມລັດຖະບານປະຈໍາເດືອນ ພະຈິກ 2018 - Wave100S AD to Website 2020 0 - ຜົນກອງປະຊຸມລັດຖະບານປະຈໍາເດືອນ ພະຈິກ 2018
ຜົນກອງປະຊຸມລັດຖະບານປະຈໍາເດືອນ ພະຈິກ 2018 - lattana 1 - ຜົນກອງປະຊຸມລັດຖະບານປະຈໍາເດືອນ ພະຈິກ 2018
error: Alert: Content is protected !!